Yelemiya 2:25 - IBAYIBOLO 2024

²⁵ Utakendaye vinama vyene sona pimilo lyako patakabanje inyota. Loli awe ukati, ‘Chite ni mbombo! Imbaghanite abachala abayeni, sona imbaghiye pakubakonka.’

Yelemiya 2:25 Iomraidhean Croise

2 Imbili 28:22

Bo u Ahazi akukomana nintamyo zilazila, atakaba musubiliwa kwa Mwene.

2 Imbili 28:23

Akabika ivyakwiyipa ku bachala aba mu Damasika, babo bakamupota. Pakuti akinong'onagha akati, “Pachifukwa ichakuti abachala aba bamwene aba mu Siliya babavwa abamwene bala, po nane nkwiza pakubika ivyakwiyipa umwakuti banyavwe.”

Yesaya 2:6

Wee Mwene wabakana abantu bako, babo baluko ulwa Yakobo. Ichisu chabo chizuye na bamayele abakubufumilo bwizuba, bakubomba ivya mayele ngati bo ba Filisiti sona bamanyananite na bantu abakuzi.

Yesaya 57:10

Mukalita pachifukwa ichabutali ubwa zila zyinyu, loli mutakanena pakuti, “Chabulo.” Amaka ghinyu ghakanyokelamo, po mutakadedebala.

Yelemiya 13:21

Nkimba mukwiza pakunena choni, nanti u Mwene abimika abantu banaba pakuba balaghili binyu? Nkimba chitakwiza pakubababa, ngati mukolo yuyo akusayiwa?

Yelemiya 13:22

Nanti mukwilalusya mwebene mukuti, ‘Nkimba choni chicho zyosi zinizi zyatuwila?’ Pachifukwa icha mbibi zyinyu inyinji ivyakuvwala vyinyu vyazepuliwa sona amabili ghinyu ghayinviwa.

Yelemiya 14:10

Umu momumo u Mwene akukunena nizya bantu aba akuti, “Bighanite nkani pakwendakwenda, batakuvikanizya ivinama vyabo. Po u Mwene atakubapokela sona akwiza pakubukumbuka ububibi bwabo nukubafunda pachifukwa icha mbibi zyabo.”

Yelemiya 18:12

Loli bakamula bakati, ‘Chinicho chite nimbombo nayimoyimo. Aswe tukwiza pakwendelela ni mbatiko izyitu ni zyitu, umuntu wesi akwiza pakubomba zizyo inyinong'ono zyache inkafu izya moyo umubibi.’ ”

Yelemiya 2:31

Amwe mwe bantu aba nkulilo iya ilelo, ivwa zizyo u Mwene akunena. Nkimba name ne nkolongo kwa Izilayeli pamo ichisu icha chisi ichikulu? Nkimba choni chicho abantu bane bakuti, ‘Aswe twe bantu abasatuke, tutangiza sona kukwako?’

Yelemiya 22:20

U Mwene akubabuzya abantu aba mu Yelusalemu ukuti, “Kwela kumaghamba agha Lebanoni, nukulila kulakula umwakukolomoka, amazyu ghinyu ghivwike mupaka ku Bashani, mulilaye umwakukolomoka bo muli mumaghamba agha Mowabu, pakuti abamanyani binyu bosi bapotwa.

Yelemiya 22:21

Nkakusoka bo ufwasite, loli ukati, ‘Intakwivwa napo panandi!’ Momumo wabeleye bo uchili we mulumendo, utakaghivwila amalamulo ghane.

Yelemiya 3:13

“ ‘Itika bulo ukunanga kwako, sona nukuti ukamusambukila u Mwene u Chala wako, ukabika ulughano lwako pa bachala abayeni pakwiputa mwikwi lyosi ilya kuvwinka, sona utakughivwila amalamulo ghane. Ane ne Mwene nanena.’ ”

Yelemiya 44:17

Nubwanaloli bosi tukwiza pakubomba chosi chicho tukanena ukuti tukwiza pakuchibomba. Tukwiza pakumochela utwakununkila u Mwene Umukolo Uwakumwanya nukumubikila ichakwiyipa icha vinyo ngati mumo aswe na banyenya na bamwene bitu na makambala ghitu tukabombela mutwaya utukulu utwa Yuda sona na mumisebo iya Yelusalemu. Pakabalilo kalakala tukaba ni chakulya ichinji nkani, sona tukaba akiza nkani, yitakabapo intamyo nayimoyimo.

Nkuto 1:2

Pabusiku akulila nkani, sona amasozi ghatakumala mumasaya ghache. Atalipo nayumoyumo uwakumusangalusya pakasi pa baghaniwa bache bosi. Abamanyani bache bosi bamusambukiye, sona baba balwani bache.

Nkuto 4:4

Pachifukwa icha nyota, ululimi ulwa mwana wache lulematiye ichikende. Abana babo bakulonda ivibama, loli atalipo nayumoyumo umuntu uwakubapa.

Ezekiyeli 20:32

Mukuti, “Tukulonda pakuba ngati inko, ngati bantu aba muchisu chosi, babo bakwiputa amakwi na mabwe.” Loli zinizi zitakwiza pakubombiwa.

Hoseya 2:3

Lumo ningamuvula amenda, nukumuleka bwazi ngati po pisiku ilya kupapiwa kwache. Nkwiza pakumupela pakuba ngati yo nkolongo, pakuba ngati cho chisu ichumizu, sona nkwiza pakumughogha ni nyota.

Hoseya 2:5

Unyina atakaba musubiliwa, sona akamela ulwandwa bo akubomba inkozyasoni. Akati, “Nkwiza pakubakonka abapamoyo bane, babo bakumpa ichakulya, na mizi. Bakumpa sona ameya, na menda amatonte, na mafuta agha misyunguti, sona nu vinyo.”

Malaki 3:14

“Mukunena ukuti, ‘Vite ni mbombo nayimoyimo pakumubombela u Chala. Nkimba tukakabapo ichoni pakukonka indaghilo zyache pakuba ngati bantu abafwilwe pantazi pa Mwene Uwamaka Ghosi?

Luka 15:22

Loli uwise akabitizya abambombo nukubabuzya ukuti, ‘Lubilolubilo, kasende inkazo inyiza nkani nukumuvwika. Mumuvwike impete mu kafingwi, sona mumuvwike inkwato kunyayo zyache.

Luka 16:24

Po akakolomoka nkani akati, ‘Tata Abulahamu, umpelele ichisa ane. Mutume u Lazalo ukuti adwibike akasonga aka kafingwi kache mumizi ukuti akatazye ululimi lwane, pachifukwa ichakuti indi muntamyo nkani pamoto ughu!’

Aba Loma 8:24

Pakuti lukaba lusubilo lwitu lulo tukapokiwa nalo. Loli ulusubilo lulo lukuboneka na maso, lute lusubilo. Nkimba muntu wenu yuyo akusubila ichintu chicho akuchennya na maso ghache?

Ukukumbusya Amalamulo 28:48

Polelo mukwiza pakubabombela abalwani binyu, babo u Mwene akwiza pakubatumila. Mukwiza pakuba nizala ni nyota sona abapina nkani. U Mwene akwiza pakubayivya nkani mupaka abanangannye mwebosi.

Ukukumbusya Amalamulo 32:16

U Mwene akaba nu buzuba, pachifukwa ichakuti bakabiputa abachala abanji. Bakamukalalizya nkani, pachifukwa ichakwiputa ivifwani vyabo ivyamwiko.