Yelemiya 2:22 - IBAYIBOLO 2024

²² Napapo ukoghela itoyi nukubombezya isopo inyinji, pope ubunyazu ubwa mbibi zyako bukuboneka pantazi papane.” U Mwene Uwamaka Ghosi anena.

Yelemiya 2:22 Iomraidhean Croise

2 Samuweli 11:12

U Devedi akamubuzya akati, “Ulinde kuno ilelo, po indabi nkwiza pakukwitikizya ukuti ubukaye.” U Uliya yula akalinda mu Yelusalemu pisiku lilalila mupaka ni lyandabi yache.

Yobu 14:17

Ukusambuka kwane kukwiza pakupinyililiwa munyambi, nukuzizimya imbibi zyane.

Masalimo 130:3

Wee Mwene, nanti ukazibelengagha imbibi, nkimba wewenu yuyo angapona?

Masalimo 90:8

Wazivumbula imbibi zyitu pamaso papako, zyope imbibi izya kubusyefu wazivumbula pabuzelu

Yelemiya 16:17

Pakuti amaso ghane ghakuzyennya inkalo zyabo zyosi imbibi, batavwamite kukwane napo panandi, sona yitalipo nayimoyimo imbibi yiyo intayimenye

Yelemiya 17:1

U Mwene akuti, “Imbibi iya ba Yuda yisimbiwe na kasimbilo aka chela, sona yisimbiwe pamoyo ghabo nibwe ilya dayimondi, na pampembe izya vighemo vyabo.

Yelemiya 4:14

Wee Yelusalemu, swefya umoyo wako kumbibi ukuti upokiwe. Nkimba ukwiza pakuba ninyinong'ono imbibi zinizyo mupaka liyi?

Ezekiyeli 24:6

“ ‘U Mwene Uwamaka Ghosi akuti: Chighune kukaya akakulu nkani, kako kakukupula ibanda, kali ngati sonta yiyo yili nuluzima, lulo lutakuziwe! Usendemo ichipuza ni chipuza, sona utakasalaye.

Hoseya 13:12

Ububibi ubwa ba Efulayimu bwabunganikiwa, zyope imbibi zyabo zyasimbiwa.

Amosi 8:7

Pachifukwa icha kwituvya ukwa bamunyumba iya Izilayeli, u Mwene alapa ukuti, “Ntakwiza pakuluvyapo nalumo ichintu chosi chicho babomba.

Ukukumbusya Amalamulo 32:34

U Mwene wabo akuzikumbuka zizyo abalwani babo babombite, akulindilila bulo akabalilo akiza ukuti abafunde.