Yelemiya 2:21 - IBAYIBOLO 2024

²¹ Loli nkakubyala ngati mampesya amiza ghagho ghafumite mwikwi ilyiza. Po nkimba ukandeka bulibuli nukwipela pakuba mampesya agha mwisote?

Yelemiya 2:21 Iomraidhean Croise

Ubwandilo 18:19

Namusala umwakuti angabalamula abana bache na baluko ukuti banyivwilaye nukubomba chicho chanaloli ni chigholosu. Nanti bakubomba bunubu, nane nkwiza pakumubombela zyosi zizyo nkamulayizya.”

Ubwandilo 32:28

Umuntu yula akati, “Ukwanda ilelo itabwa lyako litakwiza pakuba sona we Yakobo. Watoba nu Chala, sona na bantu nukubapota. Polelo itabwa lyako likwiza pakuba we Izilayeli.”

Masalimo 105:6

mwee baluko ulwa Abulahamu umubombi wache, mwee bana aba Yakobo, abasaliwa bache.

Masalimo 44:2

Ukabachimbizya abantu aba inko izinji, nukubikazya abanyenya bitu mulamula. Ukabayivya abantu aba uluko ulunji, nukubitikizya abanyenya bitu ukuti ivintu vibendelaye akiza.

Masalimo 80:8

Ukalunyunkulamo ulutabo lwamampesya mu Ijiputi, ukabefyamo abantu aba inko izinji nukulubyala mulamula.

Masalimo 80:9

Ukaghalimila umughunda amampesya ghala, po aghene ghakamela amagululuzi amibizu nkani, amagululuzi ghala ghakataba posi na posi pachisu.

Ukufuma 15:17

Ukubinjizya nukubikazya pighamba lyako, ubuzilo bubo awe we Mwene ubusalite pakuba buzilo bwako, Ubuzilo Ubuzelu bubo awe ukabuzenga.

Yesaya 1:21

Ennya akaya akakulu nkani akasubiliwa kabeleye, pakuba kaya aka bamalaya, kale kakabombagha ubwanaloli, sona ubugholosu bukaba mulamula loli ilelo kizuye na baghoghi!

Yesaya 27:2

Pisiku lilalila U Mwene akwiza pakwimba, nizya mughunda uwa mampesya uwakumuhobosya ukuti:

Yesaya 41:8

“Wee mubombi wane u Izilayeli, yuyo namusala, we waluko ulwa Abulahamu umumanyani wane,

Yesaya 5:4

Nkimba chilipo chicho nkapotwa pakubombapo pamughunda? Po nkimba choni chicho ghukwela amampesya amababe, bo nkulindilila amampesya amiza ghagho intakasubalilagha?

Yesaya 60:21

Po abantu bako bosi bakwiza pakuba bagholosu, sona ichisu chikwiza pakuba chako bwila na bwila. Sona bakwiza pakuba kakwi kane akabisi, kako nabyala ni mbombo izya nyobe zyane, umwakuti nchindikiwanje.

Yesaya 61:3

nukubapa babo bakulila mu Ziyoni, ukubapa impumpu iya kabonekele akiza mubuzilo ubwa itoyi, amafuta aghalusekelo, mubuzilo ubwa kulila, numwenda uwa mapalo, mubuzilo ubwa muzimu uwa vitima. Bakwiza pakwitiziwa umupandapanda uwa bugholosu, ichibyalwa icha Mwene ukuti achindikiwanje.

Yelemiya 11:16

Akabalilo kamo u Mwene akakufwanikizya ni kwi ibisi ilya musyunguti ni vikomwa vyache ivyiza nkani. Loli nukupoma ukwa mpepo iya maka akwiza pakulyocha numoto, sona isamba zyache zyosi zikwiza pakochiwa numoto.

Yelemiya 11:17

U Mwene Uwamaka Ghosi yuyo akababika muchisu, alamula ukuti, intamyo yikwiza pakubawila pachifukwa icha mbibi zizyo mwabomba mweba Izilayeli naba Yuda. Mwamukalalizya pakubika ichakwiyipa icha kocha kwa Baala.

Yelemiya 5:10

“Buka nukughanangannya amampesya, loli mutakaghanangannye nkani. Dumulannya isamba zyache, pakuti abantu banaba bate ba Mwene.

Nkuto 4:1

Mwee, ugolide yula anyalite nkani, ugolide umwenecho yula ananganikite. Amabwe aghamutengo ghala agha mu Nyumba iya Chala yanyampana, kunkuto zyosi izya mumisebo.

Ezekiyeli 15:2

“Wee mwana uwa muntu, nkimba ikwi ilya mampesya lingaba lyiza ukuchila akasamba pamakwi ghosi mumusitu?

Matayi 21:33

U Yesu akati, “Teghelezya ichili ichinji. Kukabako umuntu yumo yuyo akaba nu mughunda wache. Akabyalamo amampesya mumughunda ghula, akaghuzengelela ulupaso umwakughuzyungulila, akakumba ichiliba ichakukanyilamo amampesya nukuzenga ichitembe. Akabazimya abalimi abamwabo, po umwenecho akanyamuka nukubuka kuchisu ichinji.

Maliko 12:1

Po u Yesu akanda pakunena nabo muvyili akati, “Kukabako umuntu yumo yuyo akabyala amampesya mumughunda wache, akaghuzengelela ulupaso umwakughuzyungulila, akakumba ichiliba ichakukanyilamo amampesya nukuzenga ichitembe. Akabazimya abalimi abanji, po umwenecho akanyamuka nukubuka kuchisu ichinji.

Luka 20:9

Po u Yesu akabataghila abantu bala ichili ichi, “Kukabako umuntu yumo, yuyo akabyala amampesya mughunda wache. Akabazimya abalimi abanji, po umwenecho akafumapo nukwikala kulakula akabalilo akatali.

Yohani 15:1

“Ane ne lutabo ulwa mampesya ulwanaloli, loli Utata we mulimi.

Ukukumbusya Amalamulo 32:32

Abalwani babo babibi nkani, bayanite bulo nu Sodomu nu Gomola, sona bayanite bulo na mampesya amababe, ghagho ghali nubwanga.

Ukukumbusya Amalamulo 4:37

Pachifukwa ichakuti akabaghana nkani abanyenya binyu, akabasala amwe, mwe baluko lwabo nukubefyamo mu Ijiputi nu bubapo bwache, sona na maka ghache amakulu nkani.

Yoshwa 24:31

Aba Izilayeli bakamubombelagha u Mwene pakabalilo kosi aka bumi ubwa Yoshwa, sona na pakabalilo aka balongozi, babo bakabapo bo u Yoshwa afwa. Abalongozi banaba bakavyennya ivintu vyosi vivyo u Mwene akababombela aba Izilayeli.