Yelemiya 2:20 - IBAYIBOLO 2024

²⁰ “Pakuti kale ukapyola ikoli lyako nukudumulannya iminyololo yako ukati, ‘Ntakwiza pakukubombela!’ Momumo, pighamba lyosi sona na muntende mwikwi lyosi ilyakuvwinka ukughona nukubomba ubwamalaya.

Yelemiya 2:20 Iomraidhean Croise

1 Abamwene 12:32

Akalamula ukuti pisiku ilya 15 ilya mwezi uwa eyiti pabanje ulusekelo, ulwakuyana bulo nu lusekelo lulo lukaba mu Yuda, sona bakabika ivyakwiyipa pachighemo. Akazibomba zinizi mu Beteli, nukubika ivyakwiyipa ku vifwani ivya ngwata vivyo akapangagha. Akabika sona abaputi mu Beteli ukuti babombaye imbombo pabuzilo bwache ubwapamwanya ubwakwiputilapo ivifwani.

1 Abamwene 14:23

Bakizengela ubuzilo ubwapamwanya ubwakwiputilapo ivifwani pighamba, na mabwe amapaghuliwa, sona ni vifwani ivya Ashela pamwanya pighamba lyosi, sona na muntende mumakwi ghagho ghavwinkite akiza.

Masalimo 107:14

Akabefyamo muchisi, nukudumulannya ubunyololo.

Masalimo 2:3

Bakutinji, “Zagha tubudumulaye ubunyololo bwabo, sona zagha tuzisatulaye inkusa zyabo.”

Masalimo 78:58

Bakamukalalizya u Chala nu buzilo bwabo ubwapamwanya, umwakuti bakamupela ukuti abanje nu buzuba ni vifwani vyabo.

Ukufuma 19:8

Po abantu bala bakamulila poka bakati, “Tukwiza pakubomba vyosi vivyo u Mwene anena.” Pisinda pache u Mozesi akamubuzya u Mwene amazyu ghagho abantu bakamula.

Ukufuma 24:3

U Mozesi akababuzya abantu amazyu na malamulo ghosi ghagho u Mwene akamubuzya, po bosi bakamulila poka bakati, “Tukwiza pakuzibomba zyosi zizyo u Mwene anena.”

Ukufuma 3:8

Po nika pakubapoka munyobe izya bantu aba mu Ijiputi nukubefyamo muchisu chilachila nukubinjizya muchisu ichikulu nkani icha mboto mumo mukwikala aba Kenani naba Hiti naba Amoli naba Pelezi naba Hivi sona naba Yebusi.

Yesaya 1:21

Ennya akaya akakulu nkani akasubiliwa kabeleye, pakuba kaya aka bamalaya, kale kakabombagha ubwanaloli, sona ubugholosu bukaba mulamula loli ilelo kizuye na baghoghi!

Yesaya 10:27

Pisiku lila ukatundu wabo akwiza pakwefiwapo pavipunko vyabo, ikoli ilya musingo zyabo likwiza pakupyoka pachifukwa ichakwina kwinyu.

Yesaya 14:25

Nkwiza pakubanangannya aba Asiliya babo bali muchisu chane, nukubakanyankila pamwanya pighamba lyane. Po ikoli likwiza pakwefiwapo pabantu bane, poka nu katundu pavipunko vyabo.”

Yesaya 9:4

Pakuti ukapyola ikoli lilyo likabang'wamila, sona ni ndisa yiyo yikukoma pavimpunko vyabo, wazipota inko zizyo zikabayivya nukubanangannya abantu bako, ngati mumo ukabapotela abasilikali aba Midiyani.

Yelemiya 13:27

Nabwennya ubunyazu bwako, ubwamalaya bwako, ni chinyonywa chako! Navyennya ivyakubombiwa vyako ivinyazu, ivyakubombiwa pamaghamba sona namumaghunda. Wee Yelusalemu! Chighune kukwako. Nkimba ukwiza pakuswefiwa liyi?”

Yelemiya 17:2

Bope na bana babo bakuvikumbuka ivighemo vyabo, ni chifwani chabo icha Ashela, sona muntende mumakwi na patumaghamba ututali.

Yelemiya 2:31

Amwe mwe bantu aba nkulilo iya ilelo, ivwa zizyo u Mwene akunena. Nkimba name ne nkolongo kwa Izilayeli pamo ichisu icha chisi ichikulu? Nkimba choni chicho abantu bane bakuti, ‘Aswe twe bantu abasatuke, tutangiza sona kukwako?’

Yelemiya 3:13

“ ‘Itika bulo ukunanga kwako, sona nukuti ukamusambukila u Mwene u Chala wako, ukabika ulughano lwako pa bachala abayeni pakwiputa mwikwi lyosi ilya kuvwinka, sona utakughivwila amalamulo ghane. Ane ne Mwene nanena.’ ”

Yelemiya 30:8

U Mwene Uwamaka Ghosi akuti, “Mwisiku lilalila, nkwiza pakupyolannya ikoli musingo zyabo, nkwiza pakudumulannya iminyololo yabo, sona batakwiza pakuba pasi pabulaghili ubwa bayeni bala.

Yelemiya 5:5

Ilelo nkubuka ku balongozi aba bantu ukuti inene nabo, naloliloli bayimenye izila iya Mwene, bachimenye chicho u Chala akuchilonda.” Bope bulo bakapyolannya ikoli, nukudumulannya ubunyololo.

Ezekiyeli 16:28

Ukabomba ubwamalaya naba Asiliya, pachifukwa ichakuti utakikutiziwa, naloli ukabomba nabo loli pope bulo utakikutiziwa.

Ezekiyeli 16:31

Bo wazenga ubuzilo ubwakwiputilapo ubwapamwanya ivifwani posi na posi pankomano izya misebo, utakaba ngati mukolo umalaya, pakuti ukaghabenga amalipilo.

Ezekiyeli 16:41

Bakwiza pakocha inyumba zyako nukukufundila pamaso pabakolo abinji. Nkwiza pakumazya ubwamalaya bwinyu sona mutakwiza pakuvilipila ivighane vyinyu.

Ezekiyeli 20:28

Bo nabinjizya muchisu chicho nkafingana nabo pakubapa sona bo bennya akaghamba pamo ikwi ilyakulemba amani, palapala bakabika ivyakwiyipa vyabo sona ni vyabupi vivyo vikankalalizya, nukubika ichakwiyipa icha utwakununkila poka ni chakwiyipa icha vinyo.

Ezekiyeli 23:5

“Ohola akabombagha ubwamalaya bo achili wane, po akibika nkani umoyo wache pavighane vyache aba Asiliya,

Hoseya 1:2

Bo u Mwene anda pakunenela mwa Hoseya akati, “Usende umalaya pakuba muchi wako, sona mupape nawe abana. Bope bakwiza pakuba bamalaya pachifukwa ichakuti ichisu chabomba ubwamalaya ubukulu nkani pakumupa u Mwene inkonto.”

Hoseya 2:5

Unyina atakaba musubiliwa, sona akamela ulwandwa bo akubomba inkozyasoni. Akati, “Nkwiza pakubakonka abapamoyo bane, babo bakumpa ichakulya, na mizi. Bakumpa sona ameya, na menda amatonte, na mafuta agha misyunguti, sona nu vinyo.”

Hoseya 3:3

Nkamubuzya nkati, “Ilelo Wikalaye munyumba yane amasiku aminji, po utakabombaye sona ubwamalaya, pamo ukulowa sona nu mwanavuli uyunji. Nane bulo nkwiza pakwikalagha poka nawe.”

Hoseya 4:13

Bakubika ivyakwiyipa vyabo pamwanya pamaghamba, nukocha ivyakwiyipa mutughamba muntende mumakwi agha mupandapanda, pachifukwa ichakuti ghali na kazundila akiza. Polelo abana binyu abalindu bakubomba ubwamalaya, bope abalasagha binyu bakulowa.

Hoseya 9:1

Mwee ba Izilayeli mutakahobokaye, mutakasekelaye ngati mumo zikubombela inko izinji. Pakuti mutakaba mwe basubiliwa kwa Chala winyu, mughaghanite amalipilo agha bamalaya, pabuzilo ubwa kukomelapo inyinulo.

Aba Levi 26:13

Ane ne Mwene u Chala winyu, ne nkabefya mu Ijiputi, umwakuti mutakabe sona bazya aba ba Ijiputi. Nkapyola ikoli lyinyu, umwakuti mugholokaye bulo pakwenda.

Nahumu 1:13

Ilelo nkwiza pakulipyola ikoli, lilyo lili pasingo zyinyu nukulyefyapo, sona nkwiza pakuyidumula iminyololo yinyu.”

Ukukumbusya Amalamulo 12:2

Bo mwachifyula ichisu chilachila, munangannye ubuzilo bosi ubwapamwanya ubwakwiputilapo ivifwani, bubo abantu babo mukuchifyula ichisu chabo bakubiputilapo abachala babo, bubo buli mumaghamba amatali, na mutumaghamba, sona na muntende mumakwi ghagho ghavwinkite akiza.

Ukukumbusya Amalamulo 15:15

Mukumbukaye ukuti namwe bulo mukaba mwe bazya mu Ijiputi, sona u Mwene u Chala winyu akabapoka. Ichi cho chifukwa ilelo nkubapa ilamulo linili.

Ukukumbusya Amalamulo 26:17

Ilelo mwitika ukuti u Mwene we Chala winyu, sona nukuti mukwiza pakuzikonka indaghilo zyache na malamulo ghache ghosi, nukubomba zyosi zizyo akubalamula.

Ukukumbusya Amalamulo 4:20

Loli ukunena nizya amwe, u Mwene akabefyamo mu Ijiputi, muchiliba ichakwaka umoto, umwakuti mubanje mwe bantu abache na bache. Umu momumo mubeleye ilelo.

Ukukumbusya Amalamulo 4:34

Nkimba alipo u chala uyunji yuyo akayezyapo lumo pakubefya abantu bache muchisu icha bantu aba inko izinji ukuti babanje bantu abache na bache ukuyana namumo u Mwene u Chala winyu akabombela namwe mu Ijiputi? Akabomba zinizi na maka amakulu nkani, bo mukwennya na maso ghinyu. Akabawisizya iviwaya nubwite, akabomba ivyika ni viswigho, sona ni vintu ivyakoghofya.

Ukukumbusya Amalamulo 5:27

Upalamile ukuti wivwe zyosi zizyo u Mwene u Chala witu akunena. Tukwiza pakuteghelezya nukwivwila.”

Yoshwa 1:16

Po bakamwamula u Yoshwa bakati, “Tukwiza pakubomba zyosi zizyo watulamula, sona tukwiza pakubuka kosi kuko ukututuma.

Yoshwa 24:24

Po abantu bala bakamubuzya u Yoshwa bakati, “Tukwiza pakumubombela u Mwene u Chala witu nukumwivwila.”

Yoshwa 24:26

U Yoshwa akavisimba ivintu vyosi vinivi mwibuku ilya Ndaghilo izya Chala. Po akasenda ibwe ikulu nukulyimika muntende mwikwi ilya mupandapanda papipi ni Chipinda Ichizelu icha Mwene.

Ubuvumbuli 17:1

Po weka uwa bantumi seveni, babo bakakupula vivyo vikaba mumbako seveni bala bakiza nukunena nane ukuti, “Zagha, nkwiza pakukulanjizya namumo umalaya umumanyikwe, yuyo ikaye pamizi aminji nkani, akwiza pakufundiliwa.

Abalongi 10:6

Aba Izilayeli bakamunangila sona u Mwene, pakamuchindika u Baala nu Ashitoleti na bachala aba ba Siliya na bachala aba ba Sidoni na bachala aba ba Mowabu na bachala aba ba Amoni sona na bachala aba ba Filisiti. Aba Izilayeli bakamukana u Mwene nukuleka pakumubombela.

Abalongi 2:11

Po aba Izilayeli bakamunangila nkani u Mwene nukumwiputa u Baala.

Abalongi 2:13

pachifukwa ichakuti bakamukana u Mwene nukwanda pakumubombela u Baala nu Ashitoleti.

1 Samuweli 12:10

Bakamulilila u Mwene bakati, ‘Aswe twananga, pachifukwa ichakuti twamukana u Mwene, nukumubombela u Baala ni vifwani ivya Ashitoleti. Loli ilelo tupoke munyobe izya balwani bitu, po tukwiza pakukubombela.’