Yelemiya 2:2 - IBAYIBOLO 2024

² “Buka nukufumusya ku muntu wesi mu Yelusalemu ukuti: ‘Nkubukumbuka ubusubiliwa bwako bo we mulumendo, namumo ukanganila ngati mulindu yuyo akulonda pakusendwa, namumo ukendelegha nane munkolongo, muchisu chicho batakabyalamo nachimochimo.

Yelemiya 2:2 Iomraidhean Croise

Masalimo 129:1

U Izilayeli anenaye atinji, Abalwani bane banjivya nkani ukwanda ko kubulumendo bwane.

Ukufuma 14:31

Bo aba Izilayeli baghennya amaka amakulu agha Mwene ghagho akabapotela aba Ijiputi, bakamunyila nu nukumusubila u Mwene, sona nu Mozesi umubombi wache.

Ukufuma 16:8

U Mozesi akati, “We Mwene yuyo akwiza pakubapa inyama iyakuti mulye pachamabwila, sona nukubapa ivibama pandabindabi ichakuti mulye nukwikuta, pachifukwa ichakuti ivwa amilumbusyo ghinyu ghosi. Nkimba aswe twe bawenu? Mutakwilumbusya kukwitu, awe, loli kwa Mwene.”

Ivyili 1:20

Amahala ghakwitizya mumisebo, ghakukolomoka muminalo.

Inyimbo izya Solomoni 3:11

Fuma kuzi, mwee bakolo aba mu Ziyoni, mwize mumwennye u mwene u Solomoni! Avwalite impumpu yiyo unyina akamuvwika, pisiku ilya sendwa yache, sona pisiku lilyo umoyo wache ghukahoboka nkani.

Inyimbo izya Solomoni 3:6

Nkimba wewenu yuyo akufumila munkolongo, yuyo akwiza ngati yo mpanda iya lyosi? Apakaye amafuta aghakununkila agha mule, sona nu munusi uwa twakufukizya utwakununkila utwa baghulizi.

Yesaya 58:1

U Mwene akuti, “Kolomoka nkani, utakalekaye, kwezya izyu lyako ngati lipati. Babuzye abantu bane nizya kusambuka kwabo, sona ni mbibi izya bamunyumba iya Yakobo.

Yelemiya 11:6

U Mwene akanena nane akati, “Lumbilila amazyu ghosi ghanagha mutwaya utukulu utwa Yuda na mumisebo iya Yelusalemu: Teghelezya ku amazyu agha lufingo nukughakonka.

Yelemiya 19:2

ubuke kwi Kombe ilya Beni Hinomu, papipi nu Mulyango uwa Nyinga. Kulakula ufumusye amazyu ghagho nkukubuzya.

Yelemiya 2:1

U Mwene akambuzya akati,

Yelemiya 2:6

Batakalalusya ukuti, ‘Nkimba ali ko kwiyi u Mwene, yuyo akatufumya muchisu icha Ijiputi, nukutulongolela munkolongo, muchisu ichumizu sona nicha viliba, muchisu icha lulanga sona icha chisi, muchisu mumo atalimo nayumoyumo yuyo akwendamo nukwikalamo?’

Yelemiya 3:4

Nkimba ute wewe wanyitizya lunulu bulo ukuti, ‘Tata wane, mumanyani wane ukwanda po pabulumendo bwane?

Yelemiya 7:2

“Imilila pamulyango uwa Nyumba iya Mwene nukulumbilila amazyu aghakuti, ‘Ivwa amazyu agha Mwene mwe bantu bosi aba mu Yuda mwe mukwinjila pamilyango iyi pakumwiputa u Mwene.

Ezekiyeli 16:22

Po mubunyazu bwako bosi nu bwamalaya bwako utakaghakumbuka amasiku ghako agha kubulumendo, bo uli nkule umusita kuvwala po ukughalaghata mwibanda lyako.’ ”

Ezekiyeli 16:60

Loli pope bulo nkwiza pakukumbuka ulufingo lulo nkafingana nawe mumasiku agha bulumendo bwako, po nkwiza pakwikazya ulufingo lwane ulwa bwila na bwila.

Ezekiyeli 16:8

“ ‘Pisinda pache nkadumusannya papipi sona bo natalankannya, nkakwennya ukuti naloli wafikapo pakabalilo akasendwa nkakukuzulila inkuto iya nkazo yane nukuvwinka inkule yako. Nkafingana nawe ulufingo ulwa sendwa, u Mwene Uwamaka Ghosi anena, sona ukwiza pakuba we wane.

Ezekiyeli 23:19

Pope bulo akendelela pakubomba ubwamalaya, akazikumbuka imbombo zyache izya kubulindu, pakabalilo kako akabombagha izya bwamalaya muchisu icha Ijiputi.

Ezekiyeli 23:3

Bakabombagha ubwamalaya muchisu icha Ijiputi, ukufuma kubulindu bwabo. Kulakula abantu bakalemagha amabele ghabo nukwinyazya.

Ezekiyeli 23:8

Atakabuleka ubwamalaya bwache bubo akanda pakubomba mu Ijiputi, ukwandila pakabalilo aka bulindu bwache, abanavuli bakaghonana nawe nukulema amabele ghache aghakubulindu, po ichinyonywa chabo chosi chikamalilagha papache.

Hoseya 11:1

Pakabalilo kako u Izilayeli akaba mwana munandi, nkamughana nkani, po nkamwitizya umwana wane umulumendo, ukuti epemo mu Ijiputi.

Hoseya 2:15

Kulakula nkwiza pakumunyosekezya umughunda wache uwa mampesya, sona nkwiza pakulipela Ikombe ilya ntamyo pakuba mulyango uwa Lusubilo. Kulakula akwiza pakwamula ngati mo mumasiku agha bulindu bwache, ngati mo mumasiku ghagho akepela mu Ijiputi.

Hoseya 2:17

Nkwiza pakughefyamo amatabwa agha aba Baala pamalomo ghache, sona abantu batakwiza pakughakumbukamo sona amatabwa ghabo pakwiputa.

Hoseya 2:7

Akwiza pakubachimbilila abapamoyo bache, loli atakwiza pakubalema. Akwiza pakubalondalonda. Loli atakwiza pakubagha. Po akwiza pakunena ukuti, “Nkunyokela ku mulume wane uwakwanda, ngati mumo zikabelagha pakwanda pala. Pakuti kale ivintu vikabapo akiza ukuchila pakabalilo aka.”

Hoseya 8:1

U Mwene akuti Lizya ipati! Izwanga lili pachisonje icha Nyumba iya Mwene, pachifukwa ichakuti abantu balunangannya ulufingo, sona balusambukiye ululaghilo lwane.

Hoseya 9:10

“Bo namwagha u Izilayeli nkaba ngati naghagha amampesya munkolongo. Bo nkubennya aba banyenya, nkaba ngati po nkuvyennya ivikomwa ivya kwanda ivya makuyu. Loli bo biza pighamba ilya Baala Pewoli bakipaghulila bene ichifwani icha nkozyasoni, sona mukaba ngati chintu icha mwiko chicho mukachighana.

Yona 1:2

“Bukagha kukaya akakulu nkani aka Ninive nukulumbilila amazyu sona nukubasusya pachifukwa ichakuti nennya ububibi bwabo.”

Matayi 11:15

Yuyo ali na makutu aghakwivwila, ivwe!

Luka 12:13

Umuntu yumo mukasi muchilundilo icha bantu akamulaba u Yesu akati, “Wee Mumanyisi, umubuzye uwamwitu ukuti agabe ivyuma vivyo utata umuyazi akatulekela.”

Ukukumbusya Amalamulo 2:7

U Mwene u Chala winyu abasaya amwe pambombo zyosi zizyo mwabomba. Abasungilila akiza pabulendo bwinyu munkolongo inkulu yila. U Mwene u Chala winyu abanga namwe amaka 40 ghosi ghanagha, sona mutakasobelwapo ichintu nachimochimo.

Ukukumbusya Amalamulo 33:3

Naloli u Mwene abaghanite abantu bache, sona abantu bako bosi bali munyobe zyache. Po bakufughama munyayo zyache, sona bakupokela ivimanyisyo vyache.

Ukukumbusya Amalamulo 8:2

Mukumbukaye namumo u Mwene u Chala winyu akabalongolela munkolongo amaka 40 pakubawisizya amayimba ukuti abayelaye umwakuti aghamanye amoyo ghinyu nanti mungaghakonka amalamulo ghache.

Yakobo 4:4

Mwe bantu mwe mute mwe basubiliwa mwee! Nkimba mutazimenye ukuti pakuba bamanyani aba chisu ichapasi, mukwipela mwebene pakuba balwani aba Chala? Abantu babo bakulonda pakuba bamanyani aba muchisu ichapasi bakwipela bene pakuba balwani aba Chala.

Ubuvumbuli 2:4

Loli ichintu chicho nkukususya nacho cho ichi: Utakungana ukuyana namumo ukanganilagha pakwanda.