Yelemiya 2:19 - IBAYIBOLO 2024

¹⁹ Ukwiza pakufundiwa nu bubibi bwako, pakuti wankana, nkwiza pakukupa inongwa. Winong'one nkani ububibi nu bubavu ubwa kundeka ane ne Mwene u Chala wako, sona winong'one nizya kusita ukunyila.” U Mwene Uwamaka Ghosi anena.

Yelemiya 2:19 Iomraidhean Croise

1 Abamwene 18:18

U Eliya akamula akati, “Ane ntakupela intamyo mu Izilayeli. Loli awe na bamunyumba yako mukupela intamyo mu Izilayeli. Pakuti mwaghasula amalamulo agha Mwene nukumukonka u Baala.

2 Imbili 12:5

Po umulaghuzi u Shemaya akiza kwa Lehobowamu, na ku balongozi aba mu Yuda, babo bakabungana mu Yelusalemu pachifukwa ichakuti bakamunyilagha u Shishaki nukubabuzya ukuti, “U Mwene ati, ‘Pachifukwa ichakuti mwankana, po nane nkubabika munyobe izya Shishaki.’ ”

2 Imbili 21:10

Ukwanda pakabalilo kalakala mupaka nilelo bulo, aba Edomu bachisambukiye ichisu icha Yuda. Kope akaya akakulu aka Libina kakasambuka pakabalilo kalakala, pachifukwa ichakuti u Yeholamu akamukana u Mwene, u Chala uwa banyenya bache.

2 Imbili 25:16

Bo umulaghuzi yula achili ali pakunena, u mwene akamulalusya akati, “Nkimba sweswe tukakusala ukuti ubanje we wakumanyisya u mwene amahala? Utakandizye sona! Nkimba choni chicho ukulonda pakufwa?” Umulaghuzi yula akaleka loli akati, “Inzimenye ukuti u Chala akulonda pakukughogha, pachifukwa ichakuti wabomba zinizi sona nukuti ukazisulannya zizyo nkakubuzya.”

Masalimo 36:1

Imbibi yikunena mumoyo uwa muntu umubibi, Kutaliko ukumwiputa u Chala pamaso papache.

Ukufuma 33:6

Po ukwandila pakabalilo kako aba Izilayeli bakepela pighamba ilya Sinayi, batakavwala sona ivyakwibonesekezya akiza.

Ivyili 1:31

po bakwiza pakulya ivikomwa ivya mbombo zyabo nukwikuta ni vintu vivyo bakabatika pakuvibomba.

Ivyili 1:32

Pakuti abapunganu bakunangika pachifukwa ichakuti bakunkana, sona bakwighogha bene pachifukwa icha mituvyo ghabo.

Ivyili 5:22

Imbombo imbibi izya muntu umubibi zikuba chipingo chache, inkusa izya mbibi zyache zikumupinya mwene.

Yesaya 3:9

Akabonekele aka vyeni vyabo kakubasusya, bakananga pabuzelu ngati mumo bakabombela abantu aba mu Sodomu, batakafisa nachimo. Chighune kukwabo! Bipalaghulila intamyo.

Yesaya 5:5

Nkwiza pakubabuzya zizyo nkwiza pakubomba, nu mughunda wane uwa mampesya. Nkwiza pakwefyako ulubagha lulo lughuzyunguliye, nukulumongolannya ulubumba lulo lughuzighiliye, po ghukwiza pakukanyankiliwa

Yesaya 50:1

U Mwene akuti, “Nkimba ukwinong'ona ukuti nkababwezya abantu bane, ngati mumo umuntu akumusosezya umuchi wache? Po nkimba bali ko kwiyi abakalata abasoka? Nkimba ukwinong'ona ukuti nkakughulizya mubukayidi, ngati muntu yuyo akubaghulizya abana bache ngati bazya? Awe, mukabuka mubukayidi pachifukwa icha mbibi zyinyu. Mukachimbiziwa pachifukwa icha kunanga kwinyu.

Yelemiya 1:16

Nkwiza pakubapa inongwa iyakubasusya abantu bane pachifukwa icha mbibi zyabo nukundeka. Bakafukizya utwakununkila ku bachala abanji, nukwiputa ku vifwani vivyo bakapanga ni nyobe zyabo.

Yelemiya 13:22

Nanti mukwilalusya mwebene mukuti, ‘Nkimba choni chicho zyosi zinizi zyatuwila?’ Pachifukwa icha mbibi zyinyu inyinji ivyakuvwala vyinyu vyazepuliwa sona amabili ghinyu ghayinviwa.

Yelemiya 2:17

Zinizi zyakubonekela, pachifukwa ichakuti ukamuleka u Mwene, u Chala wako, bo akukulongozya muzila yiyo ukendaghamo.

Yelemiya 3:22

“Mwe bantu abasita kusubiliwa nyokela kukwane, nkwiza pakubapozya ukuti mube basubiliwa.” “Eee, tukwiza kukwako, pakuti we Mwene u Chala witu.

Yelemiya 4:18

“Akendele kinyu ni mbombo zyinyu vyo vivyo vyabizila nintamyo. Ulu lo lufundo lwinyu sona lukubaba, lukughavulazya amoyo ghinyu.”

Yelemiya 5:22

Ane ne Mwene. Nkimba choni chicho mutakunyila? Nkimba mutakutetema pamaso papane? Nkabika umusesenga pakuba yo mpaka iya nyanja, impaka iya bwila na bwila yiyo inyanja yitangaloboka. Amayigha agha nyanja ghangabunguluka, loli ghatangabomba nachimochimo, ghangapongomoka loli ghatangaloboka.

Yelemiya 5:24

Batakunena mumoyo ghabo ukuti, ‘Zagha tumunyilaye u Mwene u Chala witu, yuyo akutupa ivula iya chizimyalupya pakabalilo kache, sona ni vula iyamaka pakabalilo kache, sona atwimikiye amasiku aghakutuzikizya nagha nyinulo.’

Yelemiya 5:6

Polelo inkalamu iya mumusitu yikwiza pakubaghogha, sona abakambwe aba munkolongo bakwiza pakubanangannya. Uzyela akwiza pakubavwamilila papipi nutwaya twabo utukulu. Akwiza pakubazepulannya mutupusa umuntu wesi yuyo akufumila kuzi, pakuti ukusambuka kwabo kukulu nkani, sona bate basubiliwa.

Yelemiya 7:19

Nkimba batakunkalalizya nene? Nkimba batakwivulazya bene umwakuti bakoziwanje isoni?”

Yelemiya 8:5

Po nkimba chifukwa choni chicho abantu banaba bapulumpa? Nkimba choni chicho u Yelusalemu akwendelela pakunyokela kwisinda? Babukakatiye ubumyasi, bakukana pakunyokako.

Ezekiyeli 23:30

Ichinyonywa chako nu bwamalaya bwako vyo vyakwizila nivintu vinivi, pakuti wabomba ubwamalaya ninko izinji nukwinyazya ni vifwani vyabo.

Ezekiyeli 39:24

Nkababombela izi ukuyana nubunyazu bwabo ni mbibi zyabo, sona nkabafisa icheni chane.

Hoseya 11:7

Abantu bane balemezizye pakunkana, Napapo bakwitizya ku Wakumwanya Nkani, loli batakunchindika nubwanaloli.

Hoseya 13:9

Wee Izilayeli wananganika, pachifukwa ichakuti wansambukila, sona wamusambukila umwavwilizi wako.

Hoseya 14:1

Mwee ba Izilayeli, nyokela kwa Mwene u Chala winyu. Imbibi zyinyu zyabawisya!

Hoseya 4:16

Aba Izilayeli bali na moyo amakafu, ngati mbogho inyana. Po nkimba u Mwene angazidima bulibuli, ngati to twana utwa ng'ozi munganda?

Hoseya 5:5

Ukwikwezya ukwa ba Izilayeli kukubasimikizya, Aba Efulayimu bope bakwipunula mumbibi zyabo. Abantu aba muchisu icha Yuda bope bakwipunula poka nabo.

Hoseya 7:2

Loli batakuzyaghannya, ukuti nkuzikumbuka imbombo zyabo zyosi imbibi. Imbibi zyabo zikubamila, akabalilo kosi bali pamaso papane.

Hoseya 9:1

Mwee ba Izilayeli mutakahobokaye, mutakasekelaye ngati mumo zikubombela inko izinji. Pakuti mutakaba mwe basubiliwa kwa Chala winyu, mughaghanite amalipilo agha bamalaya, pabuzilo ubwa kukomelapo inyinulo.

Amosi 8:10

Ulusekelo lwinyu ulwanyiputo, lukwiza pakuba chililo, kope ukwimba kwinyu kukwiza pakuba kulila. Umuntu wesi akwiza pakuvwinkiwa amasaka, nukumwa isisi kumitu yinyu, pachifukwa icha chitima. Nkwiza pakukapela akabalilo kalakala pakuba ngati ko kabalilo akakumulila umwana mwene na mwene, sona ubumalilo bwisiku lilalila bukwiza pakuba bwakubaba nkani.”

Mika 1:5

Zyosi zinizi zili bunubu pachifukwa icha kunanga ukwa baluko ulwa Yakobo, sona na pachifukwa icha mbibi izya ba Izilayeli. Nkimba ukunanga ukwa Izilayeli ko koni? Fwandi te we Samaliya? Nkimba bo bawenu babo bakabapela abantu aba mu Yuda ukuti biputaye ivifwani? Fwandi batakaba bantu aba ku Yelusalemu?

Zekaliya 7:11

“Loli namoyo amakafu abantu banaba bakakana pakuteghelezya, bakampa inkonto zyabo sona bakighalila amakutu ghabo umwakuti batakivwanje.

Aba Loma 3:18

sona batakumunyila u Chala napo panandi.”

Abalongi 10:13

Loli pope bulo amwe mukandeka nukubabombela abachala abanji, po ntakwiza pakubapoka sona.