Yelemiya 2:18 - IBAYIBOLO 2024

¹⁸ Nkimba po choni chicho ukubuka kuchisu icha Ijiputi, pakung'wela amizi mu Nayelo? Nkimba choni chicho ukubuka kuchisu icha Asiliya pakung'wela amizi agha mu Yufuleti?

Yelemiya 2:18 Iomraidhean Croise

2 Imbili 28:16

Pakabalilo kalakala u mwene u Ahazi akatuma intumi kwa mwene uwamu Asiliya ukuti amwavwe.

Yesaya 23:3

Pakuloboka inyanja bakaghulizya amalezi agha mu Shiholi, inyinulo iya mu Nayilo. Wee Sidoni waba we munalo uwakughulizizyapo inko.

Yesaya 31:1

Chighune ku bantu babo bakubuka kuchisu icha Ijiputi, pakulaba ubwavwilizi, babo beghamiye pafalasi, abantu babo bachisubiye ichilundilo icha bendezya ingolo, namumaka amakulu agha basilikali babo, loli batakumusubila u Muzelu uwa Izilayeli, pamo ukulonda ubwavwilizi ubwa Mwene.

Yesaya 7:20

Pisiku lilalila u Mwene akwiza pakusimba uwa kumwa isisi kwisila ilya lusoko ulwa Yufuleti weyuyo we mwene uwaku Asiliya. Weyuyo akwiza pakubamwa isisi ilya kumutu, na meya agha muvinama, sona ni ndevu.

Yelemiya 2:36

Nkimba choni chicho mukwisamula mwebene pakwendakwenda uku na uku? Aba Ijiputi bakwiza pakubakozya isoni ngati mumo aba Asiliya bakabombela.

Yelemiya 31:22

Nkimba mukwiza pakwendakwenda mupaka liyi, mwee bana bane basita busubiliwa? U Mwene akwiza pakupela ichintu ichipya pachisu ichapasi, umukolo weyuyo akumusungilila umwanavuli.”

Nkuto 4:17

Amaso ghitu ghakalita pakubulindilila ubwavwilizi bwako. Tukalindilililagha inko yiyo yitangatupoka.

Nkuto 5:6

Tukababombela aba Ijiputi naba Asiliya, ukuti batupeko ichakulya ichakukwana.

Ezekiyeli 16:28

Ukabomba ubwamalaya naba Asiliya, pachifukwa ichakuti utakikutiziwa, naloli ukabomba nabo loli pope bulo utakikutiziwa.

Ezekiyeli 17:15

Loli u mwene uwa chisu icha Yuda akamusambukila nukutuma intumi kuchisu icha Ijiputi pakusenda ifalasi ni chilundilo icha babwite. Nkimba vingamwendela akiza? Nkimba abaghiye pakupona umuntu yuyo akubomba zinizi? Nkimba anganangannya ulufingo nukupona?

Ezekiyeli 23:30

Ichinyonywa chako nu bwamalaya bwako vyo vyakwizila nivintu vinivi, pakuti wabomba ubwamalaya ninko izinji nukwinyazya ni vifwani vyabo.

Hoseya 5:13

Bo aba Efulayimu babwennya ububine bwabo, sona bo abantu aba mu Yuda bavyennya ivilonda vyabo, po aba Efulayimu bakabuka kwa Asiliya, pakumulaba u mwene uwa maka nkani ukuti abavwe. Loli atakakupoka, sona atakakupozya ivilonda vyako.

Hoseya 7:11

Aba Efulayimu bali ngati yo nkunda, yiyo yikuzimbuliwa sona yitakwivwisya. Ilelo bakubitizya aba Ijiputi ukuti babavwe, indabi bakweghamila ku Asiliya ukuti abapoke.

Yoshwa 13:3

ukwandila ko kulusoko ulwa Sihoni kubufumilo bwizuba ubwa Ijiputi mupaka muchigaba icha Ekiloni kumitu kokuti ichisu chosi icha ba Kenani, chicho abamwene fayivi aba Filisiti bakalaghilagha mu Gaza, na mu Ashidodi namu Ashikeloni namu Gati namu Ekiloni sona na mu Avimu.