Yelemiya 2:17 - IBAYIBOLO 2024

¹⁷ Zinizi zyakubonekela, pachifukwa ichakuti ukamuleka u Mwene, u Chala wako, bo akukulongozya muzila yiyo ukendaghamo.

Yelemiya 2:17 Iomraidhean Croise

1 Imbili 28:9

“Wee mwana wane Solomoni, umwivwilaye nukumubombela u Chala uwa ghuso nu moyo wako ghosi pakuti u Mwene azimenye inyinong'ono izya muntu na kabombele kache. Nanti ukumulondelezya, ukwiza pakumwagha, loli nanti ukumusula, wepe akwiza pakukukana bwila na bwila.

2 Imbili 15:2

Po akabuka pakukomana nu Asa nukumubuzya ukuti, “Wee Asa na mwebosi mwe bantu aba mu Yuda naba mu Benjamini ivwa kuno! U Mwene akuba namwe nanti mukuba nawe. Nanti mukumulondelezya, mukwiza pakumwagha, loli nanti mukumukana, wepe akwiza pakubakana.

Yobu 34:27

pachifukwa ichakuti balekite pakumwivwila, sona batakaghakonkagha amalamulo ghache.

Yobu 4:8

Ngati mumo nkwenezya, abantu babo bakubyala ububibi, nukupesa intamyo, bakwinula intamyo zilazila.

Masalimo 107:7

Akabalongozya muzila iyakugholoka bulo mupaka bakafika mukaya akakulu nkani, ukuti bikalayemo.

Masalimo 136:16

Akabalongozya abantu bache munkolongo. Ulughano lwache lwa bwila na bwila.

Masalimo 77:20

Ukabalongozya abantu bako ngati zyo ng'ozi, pakwendela mwa Mozesi nu Aloni.

Ivyili 15:10

Umuntu yuyo akuyikana izila ingolosu akufundiwanga, umuntu yuyo akubengite ukuchemeliwa akufwanga.

Yesaya 1:4

Chighune, ku mwe luko ulubibi, mwe mwizuye ni mbibi, mwe baluko ulubomba mbibi abana babo banyonganite! Bamukanite u Mwene sona bamusulite Umuzelu uwa Izilayeli, nukumupa inkonto.

Yesaya 59:13

tukusambukiye nukukukana we Mwene, nukukupa inkoto awe we Chala witu, twabayivya abantu abinji, nukwepako kukwako, pakunena ubumyasi bubo buli mumoyo ghitu.

Yelemiya 13:22

Nanti mukwilalusya mwebene mukuti, ‘Nkimba choni chicho zyosi zinizi zyatuwila?’ Pachifukwa icha mbibi zyinyu inyinji ivyakuvwala vyinyu vyazepuliwa sona amabili ghinyu ghayinviwa.

Yelemiya 19:4

Nkwiza pakuchibomba ichi pachifukwa ichakuti abantu bandeka, sona babunyazya ubuzilo ubu pakubika ivyakwiyipa ku bachala babo abayeni, babo abene pamo abanyenya babo batabamenye nalumolumo, pamo abamwene aba muchisu icha Yuda. Babwizuzya ubuzilo bunubu nibanda ilya bantu babo bate ninongwa nayimoyimo.

Yelemiya 2:13

“Abantu bane babomba imbibi zibili: Bandeka ane ne mbwibwi iya mizi aghakupa ubumi, bikumbiye bene iviziba ivyabo ni vyabo, iviziba vivyo vili nividobozwi vitangasunga amizi.

Yelemiya 2:19

Ukwiza pakufundiwa nu bubibi bwako, pakuti wankana, nkwiza pakukupa inongwa. Winong'one nkani ububibi nu bubavu ubwa kundeka ane ne Mwene u Chala wako, sona winong'one nizya kusita ukunyila.” U Mwene Uwamaka Ghosi anena.

Yelemiya 4:18

“Akendele kinyu ni mbombo zyinyu vyo vivyo vyabizila nintamyo. Ulu lo lufundo lwinyu sona lukubaba, lukughavulazya amoyo ghinyu.”

Yelemiya 44:3

pachifukwa ichakuti abantu bakankalalizya sona bakabomba ububibi. Bakocha utwakununkila sona bakabiputa abachala abanji, babo amwe mwebenecho pamo abanyenya binyu mutakabamanyamo nalumolumo.

Yelemiya 5:25

Loli ububibi bwinyu bo bubo bwavikanizya vyosi vinivi, imbibi zyinyu zyabukanizya ubwiza ukuti buleke pakubizila.

Ezekiyeli 39:24

Nkababombela izi ukuyana nubunyazu bwabo ni mbibi zyabo, sona nkabafisa icheni chane.

Hoseya 13:9

Wee Izilayeli wananganika, pachifukwa ichakuti wansambukila, sona wamusambukila umwavwilizi wako.

Mika 1:5

Zyosi zinizi zili bunubu pachifukwa icha kunanga ukwa baluko ulwa Yakobo, sona na pachifukwa icha mbibi izya ba Izilayeli. Nkimba ukunanga ukwa Izilayeli ko koni? Fwandi te we Samaliya? Nkimba bo bawenu babo bakabapela abantu aba mu Yuda ukuti biputaye ivifwani? Fwandi batakaba bantu aba ku Yelusalemu?

Ukubelengiwa 32:23

“Loli nanti mwapotwa pakubomba zinizi, kokuti mukwiza pakumunangila u Mwene, pakuti ukupuvya kwinyu kukwiza pakubakonka.

Ukukumbusya Amalamulo 32:10

Akabagha munkolongo muchisu mumo mutakabamo nakamokamo. Akabavighilila nukubasungilila ngati mumo angalisungilila ilyiso lyache.

Ukukumbusya Amalamulo 32:19

Bo u Mwene azyennya zinizi, akabakana abantu bache. Akabakana abana bache abalumendo na balindu, pachifukwa ichakuti bakamukalalizya.