Yelemiya 2:13 - IBAYIBOLO 2024

¹³ “Abantu bane babomba imbibi zibili: Bandeka ane ne mbwibwi iya mizi aghakupa ubumi, bikumbiye bene iviziba ivyabo ni vyabo, iviziba vivyo vili nividobozwi vitangasunga amizi.

Yelemiya 2:13 Iomraidhean Croise

2 Abamwene 22:17

Pachifukwa ichakuti abantu bankana nukufukizya utwakununkila ku bachala abanji, nukunkalalizya ni vifwani vyabo vyosi vivyo bapangite ni nyobe zyabo, po ane nkwiza pakukakalalila akaya akakulu nkani kanaka, umwakuti ubukali bwane butakwiza pakutozoka nalumolumo.’

Masalimo 36:9

Pakuti imbwibwi iya bumi yili nawe, sona tukwennya ulukozyo ukufuma mulukozyo lwako.

Umulumbilili 1:14

Navyennya ivintu vyosi vivyo vikubombiwa pachisu ichapasi ukuti vyosi vite ni mbombo, sona ko kwitamya bulo.

Umulumbilili 1:2

Umulumbilili akati, “Vite ni mbombo. Vyosi vite ni mbombo! Naloli vyosi vite ni mbombo nayimoyimo.”

Umulumbilili 12:8

Umulumbilili akuti, “Vite ni mbombo nayimoyimo. Vyosi vite ni mbombo nayimoyimo.”

Umulumbilili 2:11

Loli bo ninong'ona umwakufikapo zizyo nkabomba, sona ni mbombo zizyo nkiyula pakubomba, nkagha ukuti vyosi vite ni mbombo. Intakukabapo nachimochimo pachisu ichapasi.

Umulumbilili 2:21

Pakuti umuntu angabomba imbombo na mahala nu bumanyi, sona nu bwafundi bwache, po vyosi akumulekela umuntu yuyo atakayimbilapo. Vyope vinivi vite ni mbombo nayimoyimo, sona vibibi nkani.

Umulumbilili 2:26

Umuntu yuyo u Chala ahobokite nawe, akumupa amahala nu bumanyi sona nu buhobosu. Loli umuntu uwa mbibi akumupa imbombo iyakubungannya ubukabi nukumusungila umuntu yuyo u Chala ahobokite nawe. Vyope vinivi vite ni mbombo nayimoyimo, ko kuyimba bulo.

Umulumbilili 4:4

Po nkazyaghannya ukuti imbombo zyosi inkafu sona ni mbombo izya bwafundi zikubombiwanga pachifukwa icha kabini kako umupalamani ali nako pa wamwabo. Vyope vinivi vite ni mbombo, sona ko kuyimba bulo.

Yesaya 1:3

Inkambaku zimumenye umwenecho impunda yope yichimenye ichakulyelamo. Loli aba Izilayeli batakuzimanya, abantu bane batakwivwisya.”

Yesaya 1:4

Chighune, ku mwe luko ulubibi, mwe mwizuye ni mbibi, mwe baluko ulubomba mbibi abana babo banyonganite! Bamukanite u Mwene sona bamusulite Umuzelu uwa Izilayeli, nukumupa inkonto.

Yesaya 12:3

Nulusekelo mukwiza pakusembamo amizi muchiziba icha bupoki.

Yesaya 5:13

Polelo abantu bane bakubuka kuchisu icha buzya pakuti bakusobelwa ubumanyi, abantu babo abapamwanya bakufwa nizala, sona abantu abinji bakufwa ninyota.

Yesaya 55:2

Nkimba choni chicho mukutagha indalama, pavivyo te vyakulya, sona nukubombela pachicho chitakwikutizya? Nteghelezya akiza, sona mulyanje chicho chiza, mwilaghaye pakulya ivyakulya ivyizya.

Yesaya 63:8

Akati, “Naloli aba bantu bane, abana babo batanganzimbula,” po akaba Mupoki wabo.

Yelemiya 1:16

Nkwiza pakubapa inongwa iyakubasusya abantu bane pachifukwa icha mbibi zyabo nukundeka. Bakafukizya utwakununkila ku bachala abanji, nukwiputa ku vifwani vivyo bakapanga ni nyobe zyabo.

Yelemiya 14:3

Abachindikiwa bakubatuma abambombo pakusemba amizi, bakubuka ku viziba, loli batakughaghako amizi. Bakunyokela ni sonta zizyo zite na mizi naghamoghamo, bali ni soni sona bitwikite inyobe zyabo pamitu yabo.

Yelemiya 15:6

U Mwene akuti, “Mwankana, mwanyokela mwisinda. Po nane nkwiza pakugholosya inyobe yane nukubanangannya, sona nalita pakubahobokela.

Yelemiya 17:13

Wee Mwene we lusubilo ulwa ba Izilayeli, abantu bosi babo bakukukana bakwiza pakukoziwa isoni. Babo bakukuleka bakwiza pakusyiliwa mulufumbi pachifukwa ichakuti bamukana u Mwene, imbwibwi iya mizi amumi.

Yelemiya 18:14

Nkimba ukabefu uwamu Lebanoni angepapo pamwanya pamabwe agha? Nkimba amizi ghache amakatazu agha mutusoko ghakupwamo lumo?

Yelemiya 19:4

Nkwiza pakuchibomba ichi pachifukwa ichakuti abantu bandeka, sona babunyazya ubuzilo ubu pakubika ivyakwiyipa ku bachala babo abayeni, babo abene pamo abanyenya babo batabamenye nalumolumo, pamo abamwene aba muchisu icha Yuda. Babwizuzya ubuzilo bunubu nibanda ilya bantu babo bate ninongwa nayimoyimo.

Yelemiya 2:11

Nkimba lulipo lumo uluko, lulo lwanduyepo lumo abachala babo, napapo bate boba chala? Loli pope bulo abantu bane baghulizannya u Chala wabo uwabuchindamu nabachala babo aba mwalwemwalwe.

Yelemiya 2:17

Zinizi zyakubonekela, pachifukwa ichakuti ukamuleka u Mwene, u Chala wako, bo akukulongozya muzila yiyo ukendaghamo.

Yelemiya 2:26

“Ngati mumo u mwiba akubela ni soni bo alemiwa, momumo aba Izilayeli bakubela ni soni, na bamwene babo na makambala ghabo na baputi babo sona na balaghuzi babo.

Yelemiya 4:22

U Mwene akuti, “Abantu bane bapunganu, batammenye. Abana babo batakwinong'ona, sona batakwivwisya. Bo bafundi pakubomba ububibi, loli batamenye na pakubomba ubwiza.”

Yelemiya 5:26

“Mukasi mubantu bane mulimo abantu ababibi babo bakuvwamilila ngati bantu babo bakutegha iviyuni sona ngati bantu babo bakutegha ivipingo nukubalema abantu.

Yelemiya 5:31

Abalaghuzi bakulaghula ivyabumyasi, abaputi bakumanyisya chicho bakulonda, sona abantu bane bakuhoboka na zyosi zinizi. Po nkimba mukwiza pakubomba choni pabumalilo?”

Ezekiyeli 14:5

Nkwiza pakubomba bunubu umwakuti inganyosye amoyo agha bantu aba Izilayeli, babo banchimbiye pachifukwa icha kwiputa ivifwani vyabo.’

Ezekiyeli 47:1

Umuntu yula akanyosezya kumulyango uwa Nyumba iya Chala, po nkennya amizi ghakufuma kuzi ukwamulyango ghugho ghukennya kubufumilo bwizuba. Amizi ghala ghakikilagha kuntende ukwa lubazu ulwa Nyumba iya Chala, kuntende ukwa chighemo.

Mika 2:8

Loli u Mwene akamula akati, “Amwe mukabasambukila abantu bane ngati balwani. Mukubavula inkazo inyiza abantu babo bakudumusannya ukusita kupasya, bakunyokako kubwite umwakufwasa.

Mika 6:3

“Mwee bantu bane, nkimba imbabombeye ichoni? Nkimba nabalitizya bulibuli? Munyamule.

Zekaliya 13:1

U Mwene Uwamaka Ghosi akuti, “Pisiku lilalila imbwibwi yikwiza pakubighukila abamunyumba iya Devedi, sona na bantu babo bakwikala mu Yelusalemu, ukuti yibaswefye kumbibi zyabo naku bunyazu bwabo.

Yohani 4:10

U Yesu akamwamula akati, “Nanti wavimenye ivyabupi ivya Chala nu muntu yuyo akukulaba amizi aghakung'wela, ngali wamulabite amizi aghakung'wela, po ngali umwene akupiye amizi amapela bumi.”

Yohani 4:11

Umukolo akati, “Wee Mwene, ichakusembela ute nacho, sona ichiziba chibilite. Nkimba ungaghagha kwiyi amizi amapela bumi?

Yohani 4:14

Loli umuntu wesi yuyo akung'wela amizi ghagho nkwiza pakumupa atakwiza pakubapo nalumolumo ni nyota. Amizi ghagho nkwiza pakumupa ghakwiza pakuba mumwache ngati yo mbwibwi iya mizi amapela bumi nukumupa ubumi ubwa bwila na bwila.”

Yohani 7:37

Pisiku ilyabumalilo ilya lusekelo, lilyo likaba ilya pamwanya nkani, u Yesu akimilila nukunena na mazyu agha pamwanya ukuti, “Umuntu wesi yuyo ali ni nyota ize kukwane nukung'wela.

Ukukumbusya Amalamulo 31:16

U Mwene akamubuzya u Mozesi akati, “Uli papipi pakufwa, loli bo wafwa abantu banaba bakwiza pakulunangannya ulufingo lulo nkafingana nabo. Bakwiza pakubadepukila abachala abanji nukubiputa muchisu chicho bakubuka pakwikalamo.

2 Pitala 2:17

Abantu banaba bayanite bulo ni mbwibwi zizyo zite na mizi, sona bayanite bulo nu kabefu yuyo akuputiwa ni impepo iyamaka. U Chala abasungiye ubuzilo ubwa chisi ichakoghofya nkani.

Ubuvumbuli 21:6

Akambuzya akati, “Kwamala. Ane ne Alefa nu Omega. Ane ne Bwandilo nu Bumalilo. Umuntu wesi yuyo ali ni nyota, nkwiza pakumupa amizi agha pabulo aghakufuma pambwibwi iyabumi.

Ubuvumbuli 22:1

Po uwantumi yula akandanjizya ulusoko ulwa mizi amapela bumi, ulwakunyezimila ngati lyo ligalasi, lulo lukufuma kuchitengo icha bumwene ubwa Chala nicha Mwana uwa ng'ozi.

Ubuvumbuli 22:17

U Muzimu Umuzelu nu mukolo yuyo akusendwa bakuti, “Zagha!” Umuntu wesi yuyo akwivwa zinizi, wepe anene ati, “Zagha!” Umuntu wesi yuyo ali ni nyota, ize. Umuntu wesi yuyo akughalonda, muleke asende pabulo amizi amapela bumi.

Abalongi 10:13

Loli pope bulo amwe mukandeka nukubabombela abachala abanji, po ntakwiza pakubapoka sona.

1 Samuweli 12:10

Bakamulilila u Mwene bakati, ‘Aswe twananga, pachifukwa ichakuti twamukana u Mwene, nukumubombela u Baala ni vifwani ivya Ashitoleti. Loli ilelo tupoke munyobe izya balwani bitu, po tukwiza pakukubombela.’