Yelemiya 2:11 - IBAYIBOLO 2024

¹¹ Nkimba lulipo lumo uluko, lulo lwanduyepo lumo abachala babo, napapo bate boba chala? Loli pope bulo abantu bane baghulizannya u Chala wabo uwabuchindamu nabachala babo aba mwalwemwalwe.

Yelemiya 2:11 Iomraidhean Croise

1 Abamwene 11:33

Nkwiza pakubomba bunubu pachifukwa ichakuti bankana nukumwiputa u Ashitoleti uchala umukolo uwa ba Sidoni nu Kemoshi uchala uwa ba Mowabu, sona nu Moleki uchala uwa ba Amoni. Abantu banaba batakabomba vivyo nkabalamula, pamo ukubomba ivintu ivigholosu pamaso papane, pamo ukuzikonka indaghilo na malamulo ghane ukuyana namumo uwise uwa Solomoni u Devedi akabombelagha.

2 Abamwene 1:3

Loli uwantumi uwa Mwene akamubuzya umulaghuzi u Eliya umu Tishibi akati, “Buka ukomane ni ntumi izya mwene u Ahaziya nukuzilalusya ukuti, ‘Nkimba kokuti mu Izilayeli mutalimo u Chala, ukuti mubuke pakubuzikizya kwa Baala Zebubi, uchala uwa ba Ekiloni?’

2 Imbili 13:9

Nkimba amwe mutakabachimbizya abaputi aba Mwene, babo bana aba Aloni naba Levi nukwiyimikila mwebene abaputi abinyu na binyu ngati mumo bakubombela abantu abanji aba muvyisu ivinji? Nanti umuntu wesi iza ni nkambaku inyana na badubi seveni pakwipaghula mwene, kokuti angaba muputi uwa vintu vivyo vite bachala.

Masalimo 106:20

Bakatanana u Chala umuchindamu, ni chifwani icha ngwata, yiyo yikulya isote.

Masalimo 115:4

Loli ivifwani vyabo vya siliva nu golide, vivyo vipangiwe ni nyobe izya muntu.

Masalimo 3:3

Loli wee Mwene awe we ngulu yane, we buchindamu bwane, sona we ukughukazya nkani umoyo wane.

Yesaya 37:19

Babasumbila abachala babo mumoto nukubanangannya, pakuti batakaba bo bachala, loli bakaba bo bachala abamakwi na bamabwe, babo bakapangiwa ni nyobe izya bantu.

Yelemiya 16:20

Nkimba abantu bangipangila bene abachala ababo na babo? Awe, nanti bangapanga, kokuti batangaba bo bachala aba naloli.”

Yelemiya 18:13

Polelo u Mwene akuti, “Lalusya pakasi pa inko, nkimba wewenu yuyo azyivuyepo lumo zinizi? Umulindu wane u Izilayeli abomba ichintu ichinyazu.

Yelemiya 2:5

U Mwene akukulalusya akuti, “Nkimba bubibi boni bubo abanyenya binyu bakabwagha mumwane, ukuti banchimbile? Bakavyiputa ivifwani ivya mwalwemwalwe nukwipela pakuba bamwalwemwalwe.

Yelemiya 2:8

Abaputi batakalalusyapo ukuti, ‘Nkimba u Mwene ali kwiyi?’ Abamanyandaghilo batakamanya, abalongozi bakansambukila. Abalaghuzi bakalaghulila mwitabwa ilya chala u Baala, nukuvikonka ivifwani vivyo vite ni mbombo.”

Yelemiya 5:7

U Mwene akuti, “Nkimba choni chicho imbahobokele? Abana binyu bankanite, sona nukulapa ku bachala babo bate bo bachala. Nkabapa vyosi vivyo bakalondagha, loli pope bulo bakalowa bakatagha akabalilo munyumba izya bamalaya.

Ezekiyeli 14:5

Nkwiza pakubomba bunubu umwakuti inganyosye amoyo agha bantu aba Izilayeli, babo banchimbiye pachifukwa icha kwiputa ivifwani vyabo.’

Ezekiyeli 5:7

Polelo, u Mwene Uwamaka Ghosi akuti, “Mwe bamadinko ukuzichila inko zizyo zibazyunguliye sona mutakughakonkite amalamulo ghane pamo indaghilo zyane. Loli mukazikonka indaghilo izya inko zizyo zibazyunguliye.”

Mika 4:5

Inko zyosi zikumuchindika, nukumwivwila u chala wabo, loli aswe tukwiza pakumwiputa nukumwivwila u Mwene u Chala witu bwila na bwila.

Aba Loma 1:23

Mubuzilo ubwa kumuchindika u Chala yuyo atakufwa, bakuvichindika ivifwani vivyo vikuboneka ngati po muntu yuyo akufwa, pamo ngati po viyuni, pamo ivinyamana ivya vinama folo, pamo ngati po vinyamana ivyakwavula.

1 Aba Kolinti 8:4

Polelo nizya vyakulya vivyo vyabikiwa ku vifwani ukuti chibanje chakwiyipa, tuzimenye ukuti ichifwani kate kantu napo panandi, sona tuzimenye ukuti atalipo u Chala uyunji, loli weka mpela.

Aba Galatiya 4:8

Pakwanda bo mutamumenye u Chala, amwe mukaba mwe bazya aba bachala, babo bate bo bachala abanaloli.

Ukukumbusya Amalamulo 32:16

U Mwene akaba nu buzuba, pachifukwa ichakuti bakabiputa abachala abanji. Bakamukalalizya nkani, pachifukwa ichakwiputa ivifwani vyabo ivyamwiko.

Ukukumbusya Amalamulo 32:21

Bampelela ubuzuba pachifukwa icha bachala babo abamyasi sona bankalalizya pachifukwa icha vifwani vyabo ivyabupunganu. Po nkwiza pakubombezya uluko, lulo lute luko pakubakalalizya. Nkwiza pakubapela pakuba na kabini, pachifukwa icha luko lulo lupunganu.

Ukukumbusya Amalamulo 33:29

Mwee ba Izilayeli, mwe basayiwa nkani! Nkimba wewenu yuyo ayanite namwe, mwe bantu babo bapokiwe nu Mwene? U Mwene umwenecho we ngulu yinyu, sona wepanga winyu uwakupotela. Abalwani binyu bakwiza pakukupama, po amwe mukwiza pakubakanyankila pasi.”

1 Pitala 1:18

Pakuti muzimenye ukuti mukasatuliwa kunkalo zyinyu imbibi zizyo mukapyana ku banyenya binyu. Amwe mutakasatuliwa ni vintu vimo vivyo vikunanganika ngati we siliva pamo ugolide.

1 Samuweli 4:21

Akamwita umwana yula ukuti we Ikabodi kokuti, “Ubuchindamu ubwa Chala bwepapo pakasi paba Izilayeli!” Akanena bunubu pachifukwa icha kufyuliwa ukwa Ibokosi ilya Lufingo ilya Chala, sona nu bufwe ubwa wisevyala u Eli nu mulume wache.