Yelemiya 19:7 - IBAYIBOLO 2024

⁷ “ ‘Pabuzilo bunubu nkwiza pakuvulungannya imbatiko zyosi izya bantu aba muchisu icha Yuda nicha Yelusalemu. Abalwani babo bakwiza pakubapota nukubaghoghela kubwite. Nkwiza pakuvipa iviyuni ni vinyamana imivimba yabo ukuti cho chibanje chakulya chabo.

Yelemiya 19:7 Iomraidhean Croise

2 Abamwene 21:14

Nkwiza pakubakana abantu babo basyala bumi nukubabika munyobe izya balwani babo. Abalwani babo bakwiza pakubapota nukuvifyula ivintu vyosi vivyo vili muchisu chabo,

Ivyili 21:30

Ghataliko amahala, pamo ukwivwisya ivintu, pamo imbatiko, zizyo zingamuchila u Mwene.

Yesaya 29:14

Polelo nkwiza pakubabombela abantu aba, ivyakuswighisya ivyakulekanalekana, amahala agha bantu abamahala ghakwiza pakuzimila, sona ubumanyi ubwa bantu abamanyi, bope bukwiza pakuzyebeluka.”

Yesaya 8:10

Munene zyosi zizyo mukulonda pakunena, loli zikwiza pakuba zyabulo sakizya imbatiko zyinyu, loli zitakwiza pakubomba pakuti u Chala ali naswe.

Yelemiya 15:2

Sona nanti bakukulalusya bakuti, ‘Nkimba tubukaye kwiyi?’ ubabuzye uti: U Mwene akuti, ‘Babo ubufwe bubabaghiye, bafwanje, babo upanga ababaghiye, bafwanje nupanga, babo izala yibabaghiye, bafwanje nizala, babo ubuzya bubabaghiye, babukaye kubuzya.’ ”

Yelemiya 15:9

U nyina uwa bana seveni akwiza pakuzilika nukuzililika. Izuba likwiza pakumwinjilila pakasi pamusanya bulo. Akwiza pakukoziwa isoni nukusamuliwa. Abakusyalikila bosi nkwiza pakubaghogha pamaso pabalwani babo. Ane ne Mwene nanena.”

Yelemiya 16:4

“Bakwiza pakufwa nu bubine ubupalapala nkani. Batakwiza pakubalila pamo pakubasyila loli bakwiza pakuba ngati vinyazu vivyo vili pachisu. Bakwiza pakufwa nu bwite sona nizala. Imivimba yabo yikwiza pakuba chakulya icha viyuni ni vinyamana.”

Yelemiya 18:21

Po ilelo Mwene, baleke abana babo bafwanje nizala, baleke bafwile kubwite. Baleke abachi babo babanje bafwilwe, abasita bana nabamobamo. Baleke abalume babo baghoghiwe, baleke abalumendo bafwile kubwite.

Yelemiya 21:7

Pisinda pache u Mwene akuti, ‘Abantu aba nkwiza pakubabika munyobe izya Nebukadineza u mwene uwa Babiloni nakubalwani babo bakulonda pakubaghogha: U Zedekiya u mwene uwa ba Yuda, poka na makambala ghache na bantu aba mukaya akakulu nkani aka, babo bakapona kuchiwaya nupanga na kuzala. U Nebukadineza akwiza pakubaghogha nupanga, atakwiza pakubapelela ichisa pamo pakubapasikizya pamo pakuba nichililizi.’

Yelemiya 22:19

Akwiza pakusyiliwa ngati mpunda, bakwiza pakumuwesela nukumusumbila kuzi ukwa milyango iya Yelusalemu.”

Yelemiya 22:25

Nkwiza pakukubika munyobe izya bantu babo bakubulonda ubumi bwako, babo ukubanyila, kokuti kwa Nebukadineza u mwene uwa Babiloni sona na bantu bache.

Yelemiya 32:28

Polelo u Mwene akuti: Indi papipi pakukabika akaya akakulu nkani aka munyobe izya Nebukadineza u mwene uwa chisu icha Babiloni yuyo akwiza pakukafyula.

Yelemiya 34:20

nkwiza pakubabika munyobe izya balwani babo bakubulondelezya ubumi bwabo. Imivimba yikwiza pakuba chakulya icha viyuni ni vinyamana.

Yelemiya 46:26

Nkwiza pakubabika munyobe izya Nebukadineza u mwene uwa chisu icha Babiloni sona na munyobe izya makambala ghache babo bakulonda pakubunangannya ubumi bwabo. Bo pachilapo akabalilo, ichisu icha Ijiputi chikwiza pakuba na bantu ngati mumo chikabela nabo pakwanda. Ane ne Mwene nanena.

Yelemiya 7:33

Po imivimba yikwiza pakuba chakulya icha viyuni sona ni vinyamana ivya muchisu ichapasi, sona atakwiza pakubapo nayumo uwa kuvyoghofya.

Yelemiya 8:2

Ghakwiza pakunyampaniziwa kwizuba na kumwezi sona ni tondwa zyosi vivyo bavighanite nkani nukuvibombela sona vivyo bavikonka nukulabako amahala nukuvyiputa. Batakwiza pakughabungannya amafupa ghala pamo ukughasyila, loli ghakwiza pakuba muvundo pamwanya pitope.

Yelemiya 8:8

“ ‘Nkimba munganena bulibuli ukuti, “Aswe tuli namahala, pakuti tuli nu lulaghilo ulwa Mwene.” Loli mumanye ukuti abasimbi binyu bo babo basimbite izinji bulo zizyo zyabumyasi?

Yelemiya 8:9

Abamahala bakwiza pakukoziwa isoni, amahala ghakwiza pakubamalila sona bakwiza pakulemiwa. Pakuti balikana izyu ilya Mwene, nkimba bali na mahala ghoni?

Nkuto 3:37

Nkimba wewenu angalamula ukuti ichi pamo chila chibombiwanje, nanti u Mwene atitikizizye?

Aba Levi 26:17

Nkwiza pakubapa inkonto, umwakuti abalwani binyu babapote, sona abantu babo bababengite bakwiza pakubalaghila. Mukwiza pakuchimbila, napapo nayumoyumo atabachimbizizye.”

Aba Levi 26:25

Nkwiza pakubatumila ubwite pachifukwa ichakuti mukalunangannya ulufingo lulo nkafingana namwe. Nanti mukuchimbilila mutwaya twinyu utukulu nkani ukuti muponelemo, nkwiza pakubatumila iviwaya, sona abalwani binyu bakwiza pakubapota.

Aba Loma 3:31

Nkimba ichi chikung'anamula ukuti tukunanga Indaghilo nu lwitiko lwitu? Awe, napo panandi. Loli tukuzipela Indaghilo pakuba zyamaka.

Aba Loma 4:14

Pakuti nanti zizyo u Chala akabalayizya abantu zikupeghiwa pachifukwa ichakukonka Indaghilo, kokuti ulwitiko lwaba lwabulo, sona ilayizyo ilya Chala lite ni mbombo.

1 Samuweli 17:46

Umusanya ughu u Mwene akwiza pakukubika munyobe zyane sona nkwiza pakukukoma nukukudumula umutu. Umusanya ughu nkwiza pakuvisumbila iviyuni ni vinyamana imivimba iya basilikali aba Filisiti, sona ichisu chosi ichapasi chikwiza pakumanya ukuti mu Izilayeli alimo u Chala.