Yelemiya 19:4 - IBAYIBOLO 2024

⁴ Nkwiza pakuchibomba ichi pachifukwa ichakuti abantu bandeka, sona babunyazya ubuzilo ubu pakubika ivyakwiyipa ku bachala babo abayeni, babo abene pamo abanyenya babo batabamenye nalumolumo, pamo abamwene aba muchisu icha Yuda. Babwizuzya ubuzilo bunubu nibanda ilya bantu babo bate ninongwa nayimoyimo.

Yelemiya 19:4 Iomraidhean Croise

2 Abamwene 21:16

Ukonjelezya pazinizi u Manase akabaghogha abantu abasita nongwa umwakuti ibanda lyabo likizula mumisebo iya mu Yelusalemu mosi okonjelezya pa mbibi yiyo akabomba pakubapela aba Yuda ukuti bope banangaye pamaso pa Mwene.

2 Abamwene 23:10

Akabunyazya ubuzilo ubwa Tofeti bubo bukaba mwi Kombe ilya Beni Hinomu, umwakuti patakabapo nayumoyumo yuyo akamubika umwana wache umulumendo pamo umulindu ukuti chibanje chakwiyipa kwa Moleki.

2 Abamwene 24:4

Ukonjelezyapo ukubaghogha abantu abasita nongwa. Pakuti u Manase akizuzya akaya akakulu nkani aka Yelusalemu ni banda ilya bantu babo bate ninongwa nayimoyimo, po u Mwene atakalondagha pakumuhobokela u Manase.

Masalimo 106:38

Bakabaghogha abantu babo bate ninongwa, kokuti ibanda ilya bana babo abalumendo na balindu, Bakiyipa abana banaba pakuba chakwiyipa ku bachala aba mu Kenani, ichisu chila chikanyala ni banda lyabo.

Yesaya 59:7

Inyayo zyabo zikuchimbilila pakubomba imbibi, zyengo pakukupula ibanda lilyo lite ninongwa. Inyinong'ono zyabo mbibi, kosi kuko bakwenda, bakunangannya nukuleka ivisami.

Yesaya 65:11

“Loli amwe mwe mukumukana u Mwene, nukuliluvya ighamba lyane izelu, amwe mwe mukuyannya ichakulya, ukuti mubahobosye abachala, u chala uwa lusako nu chala uwa mukosi, nukwizuzya uvinyo uwakongannya uwa bumalilo,

Yelemiya 1:16

Nkwiza pakubapa inongwa iyakubasusya abantu bane pachifukwa icha mbibi zyabo nukundeka. Bakafukizya utwakununkila ku bachala abanji, nukwiputa ku vifwani vivyo bakapanga ni nyobe zyabo.

Yelemiya 11:13

Wee Yuda, abachala bako binji nkani babo bayanite bulo nutwaya twinyu utukulu sona vyope ivighemo vivyo muzengite ivya kumochelapo utwakununkila u chala winyu u Baala, vyinji nkani ngati misebo iya mu Yelusalemu.’

Yelemiya 15:6

U Mwene akuti, “Mwankana, mwanyokela mwisinda. Po nane nkwiza pakugholosya inyobe yane nukubanangannya, sona nalita pakubahobokela.

Yelemiya 16:11

Po awe ubamule uti, ‘Pachifukwa ichakuti abanyenya binyu bakandeka, po bakabakonka abachala abanji nukubabombela sona bakanda pakubiputa. Bakankana sona batakazisunga indaghilo zyane.

Yelemiya 17:13

Wee Mwene we lusubilo ulwa ba Izilayeli, abantu bosi babo bakukukana bakwiza pakukoziwa isoni. Babo bakukuleka bakwiza pakusyiliwa mulufumbi pachifukwa ichakuti bamukana u Mwene, imbwibwi iya mizi amumi.

Yelemiya 17:20

Ubabuzye ukuti, ‘Mwe bamwene aba muchisu icha Yuda, ivwa amazyu agha Mwene sona nu muntu wesi uwa muchisu icha Yuda, na bosi babo bakwikala mu Yelusalemu, babo bakwinjilila pamilyango yiniyi.

Yelemiya 18:15

Loli pope bulo abantu bane banduvizye, bakochela utwakufukizya ku bachala babo bate nimbombo nayimoyimo, bakwipunula muzila zyabo izyakale. Bakwenda mutuzila utwa mwisote, na mumisebo yiyo yitalimiwepo nalumolumo.

Yelemiya 2:13

“Abantu bane babomba imbibi zibili: Bandeka ane ne mbwibwi iya mizi aghakupa ubumi, bikumbiye bene iviziba ivyabo ni vyabo, iviziba vivyo vili nividobozwi vitangasunga amizi.

Yelemiya 2:17

Zinizi zyakubonekela, pachifukwa ichakuti ukamuleka u Mwene, u Chala wako, bo akukulongozya muzila yiyo ukendaghamo.

Yelemiya 2:19

Ukwiza pakufundiwa nu bubibi bwako, pakuti wankana, nkwiza pakukupa inongwa. Winong'one nkani ububibi nu bubavu ubwa kundeka ane ne Mwene u Chala wako, sona winong'one nizya kusita ukunyila.” U Mwene Uwamaka Ghosi anena.

Yelemiya 2:30

“Nkabafunda abantu aba mu Yuda, pope batakamanyilapo nachimochimo. Mukabaghogha abalaghuzi nupanga ngati nkalamu yiyo yikalaye.

Yelemiya 2:34

Mumenda ghinyu mukwaghiwa ibanda ilya bantu abapina babo bate ninongwa nayimoyimo, napapo mutakabagha bakupankula inyumba zyinyu. Loli pavyosi vinivi,

Yelemiya 22:17

“Loli amaso ghako nu moyo wako vili pabukabi ubwa buzimbuli, vili pakukupula ibanda ilya bantu abasita nongwa nayimoyimo, sona nukubayivya abantu abasita nongwa nayimoyimo, nukufyula ivintu vyabo.”

Yelemiya 22:3

U Mwene akuti: Ulongelaye inongwa mubugholosu na mubwanaloli. Umupokaye umuntu munyobe izya bayinvyi sona na yuyo afyuliwe ivyache. Utakamubombelaye nachimochimo ichibibi umuyeni, pamo umupina, pamo umwana umulanda, pamo umukolo umufwilwe, sona utakakupulaye ibanda ilya bantu babo bate nakalema mubuzilo bunubu.

Yelemiya 26:15

Loli mumanye ukuti nanti mwangogha, po amwe mwebenecho poka nakaya akakulu nkani, sona napa bantu babo bakwikala mumo mukwiza pakwisendela mwebene inongwa iya kukupula ibanda lilyo lite ninongwa nayimoyimo pakuti nubwanaloli bosi u Mwene antumite kukwinyu ukuti imbasoke.”

Yelemiya 26:23

Bakamulema u Uliya mu Ijiputi nukubuka nawe kwa mwene u Yehoyakimu, yuyo akamughogha nupanga, bakaghusyila umubili wache ku mapumpa agha kusyililako abantu bulo.

Yelemiya 44:3

pachifukwa ichakuti abantu bakankalalizya sona bakabomba ububibi. Bakocha utwakununkila sona bakabiputa abachala abanji, babo amwe mwebenecho pamo abanyenya binyu mutakabamanyamo nalumolumo.

Yelemiya 5:6

Polelo inkalamu iya mumusitu yikwiza pakubaghogha, sona abakambwe aba munkolongo bakwiza pakubanangannya. Uzyela akwiza pakubavwamilila papipi nutwaya twabo utukulu. Akwiza pakubazepulannya mutupusa umuntu wesi yuyo akufumila kuzi, pakuti ukusambuka kwabo kukulu nkani, sona bate basubiliwa.

Yelemiya 7:6

nanti mutakubakanyilila abayeni, abana abalanda, pamo abafwilwe, sona mutakukupula ibanda ilya bantu babo bate ninongwa pabuzilo bunubu, sona mutakubakonka abachala abanji ukuti batakabanangannye,

Yelemiya 7:9

“ ‘Amwe mukwiba, mukughogha, mukulowa, mukulapa, mukumochela u Baala utwakununkila sona mukubakonka abachala babo mutabamenyemo nalumolumo.

Nkuto 4:13

Loli chikabombiwa pachifukwa icha mbibi izya balaghuzi bache, sona pachifukwa icha kunanga ukwa baputi bache, babo bakabaghogha abantu abagholosu mulamula.

Ezekiyeli 20:26

Nkabaleka ukuti babe banyazu ni vyabupi vyabo pakubika abana babo abakatote pakuba chakwiyipa ichakocha ukuti babe chintu ichakoghofya sona bamanye ukuti ane ne Mwene.’

Ezekiyeli 7:22

Nkwiza pakubapa inkoto, umwakuti amavyondongo ghachinyazye ichisu chane, pakwinjilamo nukuchinyazya.

Ezekiyeli 8:11

Pantazi papabo pakimilila abasongo 70 aba Izilayeli nu Yazaniya umwana uwa Shafani, yuyo akimilila pakasi papabo. Umuntu wesi akaba nicha kochelapo utwakununkila munyobe yache, ilyosi ilya vyakununkila likakwela mumwanya.

Daniyeli 11:31

“Abasilikali bache bamo bakwiza pakubunyazya ubuzilo ubwa malinga agha mu Nyumba iya Chala sona bakwiza pakumazya ivyakwiyipa ivya isiku ni siku. Po kulakula akwiza pakubikako ichintu ichinyazu, chicho chikupela ukunanganika.

Luka 11:50

Po abantu abankulilo iyi bakwiza pakufundiwa, pachifukwa icha kughoghiwa ukwa balaghuzi bosi, babo bakaghoghiwa ukwandila pakabalilo kako ichisu ichapasi chikapeliwa,

Ukukumbusya Amalamulo 13:13

ukuti abantu ababibi biza pakasi papinyu, sona babasovya abantu mutwaya twabo ukuti, “Mwebaya zagha tubiputaye abachala abanji,”

Ukukumbusya Amalamulo 13:6

Nanti uwamwinyu pamo umwana wako umulumendo pamo umulindu pamo umuchi wako umughaniwa pamo umumanyani wako uwa pamoyo akukuzimbula ukuti, “Wee zagha tubiputaye abachala abanji.” Abachala banaba bangaba bo babo awe pamo abanyenya bako mutabiputitepo nalumo,

Ukukumbusya Amalamulo 28:20

Nanti mukunanga pakumukana u Mwene, akwiza pakubawisizya ichighune nukuvulungana, sona nintamyo pambombo zyinyu zyosi, mupaka mwebosi munanganike nukufwa pakabalilo akapimpa bulo.

Ukukumbusya Amalamulo 28:36

U Mwene akwiza pakubachimbizizya amwe poka nu mwene winyu kuchisu ichiyeni, chicho amwe pamo abanyenya binyu mutachimenyepo nalumolumo. Kulakula mukwiza pakubiputa abachala abanji, babo bapangiwe na makwi, sona na mabwe.

Ukukumbusya Amalamulo 28:64

Pisinda pache u Mwene akwiza pakubanyampanikizya pakasi pa inko zyosi, ukwandila ko kumpaka iya chisu ichapasi mupaka iyinji. Kulakula mukwiza pakubiputa abachala abanji, babo bapangiwe na makwi, sona na mabwe, abachala babo amwe pamo abanyenya binyu mutabamenyepo nalumo.

Ubuvumbuli 16:6

Bakakupula ibanda ilya bantu abazelu na balaghuzi, po wabapa ibanda ukuti bang'wele, ukuyana namumo chikababaghilila.”

Abalongi 5:8

Bo abantu basala abachala abanji, mukaya akakulu nkani mukabamo ubwite. Pakasi pabantu 40,000 mu Izilayeli, patakabapo nayumoyumo umuntu, yuyo akanyamula ingulu pamo impalala.