Yelemiya 19:2 - IBAYIBOLO 2024

² ubuke kwi Kombe ilya Beni Hinomu, papipi nu Mulyango uwa Nyinga. Kulakula ufumusye amazyu ghagho nkukubuzya.

Yelemiya 19:2 Iomraidhean Croise

2 Abamwene 23:10

Akabunyazya ubuzilo ubwa Tofeti bubo bukaba mwi Kombe ilya Beni Hinomu, umwakuti patakabapo nayumoyumo yuyo akamubika umwana wache umulumendo pamo umulindu ukuti chibanje chakwiyipa kwa Moleki.

2 Imbili 28:3

Akabika ivyakwiyipa ivyakocha mwikombe ilya Beni Hinomu nukubocha abana bache abalumendo pamoto pakuba chakwiyipa, pachifukwa ichakuti akakonkagha inyiho imbibi izya inko izinji zizyo u Mwene akazichimbizya pamaso paba Izilayeli.

2 Imbili 33:6

Akabocha abana bache pakuba chakwiyipa mwi Kombe ilya Beni Hinomu. Akabombagha amayele, akalaghulagha nu bulozi nukubuzikizya kumizimu. Akamunangila u Mwene umwakuti akamukalalizya nkani.

Nehemiya 3:29

Pakakonkapo u Zadoki u mwana uwa Imeli, wepe akazenga sona ichigaba ichakwenannya ni nyumba yache. Pakakonkapo u Shemaya umwana uwa Shekaniya, yuyo akaba mulindilili uwa pa Mulyango uwakubufumilo bwizuba.

Yelemiya 1:7

Loli u Mwene akanyamula akati, “Utakanenaye ukuti, ‘Ne mwana munandi.’ Loli buka ku bantu babo nkukutumako, sona ubabuzye chosi chicho nkukulamula.

Yelemiya 11:6

U Mwene akanena nane akati, “Lumbilila amazyu ghosi ghanagha mutwaya utukulu utwa Yuda na mumisebo iya Yelusalemu: Teghelezya ku amazyu agha lufingo nukughakonka.

Yelemiya 18:2

“Buka kunyumba iya mumata isonta, po kulakula ukwiza pakwivwa amazyu ghane.”

Yelemiya 26:2

“Buka wimilile palubinjilo ulwa Nyumba iya Mwene nukubabuzya abantu bosi aba mutwaya utukulu utwa Yuda babo bakwiputila mu Nyumba iya Mwene. Ubabuzye zyosi zizyo nkukulamula, utakalilekayepo nizyu nalimolimo.

Yelemiya 3:12

U Mwene akati, “Buka ufumusye amazyu amiza kumitu, ‘Nyokela Izilayeli we musita kusubiliwa, icheni chane chitakwiza pakukukalalila, pakuti ane ne wachisa, ntakwiza pakukukalalila bwila na bwila. Ane ne Mwene nanena.

Yelemiya 32:35

Bakamuzengela u Baala ubuzilo ubwapamwanya mwi Kombe ilya Beni Hinomu ukuti babikayepo abana babo abalumendo na balindu pakuba chakwiyipa kwa Moleki, napapo intakabalamulapo sona intakinong'onelapo ukuti bangabomba inyazu ngati zinizi nukubapela aba Yuda ukuti babombe imbibi.”

Yelemiya 7:2

“Imilila pamulyango uwa Nyumba iya Mwene nukulumbilila amazyu aghakuti, ‘Ivwa amazyu agha Mwene mwe bantu bosi aba mu Yuda mwe mukwinjila pamilyango iyi pakumwiputa u Mwene.

Yona 3:2

“Bukagha ku Ninive, kukaya akakulu nkani kala, pakulumbilila amazyu ghagho nkukubuzya.”

Matayi 10:27

Zyosi zizyo nkubabuzya kubusyefu mukwiza pakuzinena pabuzelu, sona zyosi zizyo mwivwa pakuteketa mukwiza pakufumusya pachisonje.

Imbombo 20:27

Pakuti intakafisapo nachimochimo kukwinyu, loli nkalumbilila zyosi zizyo u Chala akulonda.

Imbombo 5:20

“Bukagha mu Nyumba iya Chala nukubabuzya abantu zyosi nizya bumi ubupya ubu.”

Yoshwa 15:8

Po impaka yikakwela kwi Kombe ilya Beni Hinomu kuntende ukwa kaya akakulu nkani aka Yebusi, kokuti we Yelusalemu. Ukufuma pala yikakwela pamwanya pighamba kubwinjililo bwizuba ubwa Ikombe ilya Beni Hinomu kumitu mupaka kwi Kombe ilya Lefayimu.