Yelemiya 19:11 - IBAYIBOLO 2024

¹¹ Ubabuzye ukuti, ‘U Mwene Uwamaka Ghosi akuti: Nkwiza pakuchifwantannya ichisu ichi nakaya akakulu kanaka ngati mumo umumata isonta akubombela, isonta yiniyi yitangamatiwa sona. Bakwiza pakubasyila abafwe mu Tofeti pakuti butakwiza pakubapo sona ubuzilo ubunji ubwa kubasyililako.

Yelemiya 19:11 Iomraidhean Croise

Masalimo 2:9

Ukwiza pakubakoma ni ndisa iya chela, sona ukwiza pakubafwantannya ngati yo sonta.”

Ivyili 6:15

Ukunanganika kukumwizila umwalubilolubilo, naloli lubilolubilo akunanganika umwakusita kupola.

Yesaya 30:14

Po akazepukile kache kali ngati kufwantika ukwa sonta, yiyo yikafwantika akabibi, katakwiza pakwaghiwapo akamenyu kamo akakupalila umoto, pamo akakusembela amizi muchiziba.”

Yelemiya 13:14

Nkwiza pakubakomezya imitu abawise nabana. Ntakwiza pakubapelela ichisa napo panandi sona ntakwiza pakubahobokela mupaka imbanangannye.’ ”

Yelemiya 19:12

Momumo nkwiza pakubombela nu buzilo ubu sona na bantu bosi babo bakwikala munumu. Nkwiza pakukapela akaya kanaka ngati kaya aka Tofeti.

Yelemiya 19:6

Po u Mwene akuti, akabalilo kakwiza kako ubuzilo ubu butakwiza pakwitiziwa sona ukuti Tofeti pamo Ikombe ilya Beni Hinomu. Mubuzilo bwache bukwiza pakwitiziwanga ukuti, Ikombe Ilyakughoghelako.

Yelemiya 25:34

Mwee badimi, mulilaye nukufwifwitila nkani. Mwee balongozi aba bantu bane, mughalaghataye mulufumbi. Pakuti akabalilo kinyu akakughogheliwa kafika, sona mukwiza pakughoghiwa ngati bo badubi.

Yelemiya 48:38

Pavisonje vyosi ivya ku Mowabu sona na mumisebo yache, mutalimo nachimochimo loli ko kulila kwene, pakuti namupyola u Mowabu ngati yo sonta yiyo yitakulondiwa nu muntu nayumoyumo. Ane ne Mwene nanena.

Yelemiya 51:63

Bo wamala pakubabelengela abantu ibuku ili, ulipinyilile nibwe nukulisumbila mulusoko ulwa Yufuleti.

Nkuto 4:2

Abakolo aba mu Yelusalemu babo bakaba bapamwanya ngati we golide, ilelo bali ngati zyo sonta bulo, zizyo zimatiwe nu mumatasonta.

Imbombo 21:11

Akiza kukwitu nukusenda ulamba uwa Pabuli, akipinya ivinama ni nyobe zyache nukuti, “U Muzimu Umuzelu akuti, ‘Umwenecho uwa lamba yunuyu akwiza pakupinyiwa bunubu naba Yuda aba mu Yelusalemu, po bakwiza pakumubika munyobe izya bantu babo bate ba Yuda.’ ”

Ubuvumbuli 2:27

Akwiza pakubalaghila ni ndisa iya chela, nukubafwantannya ngati yo sonta.