Yelemiya 18:7 - IBAYIBOLO 2024

⁷ Pakabalilo kosi nkulufumusya uluko pamo ubumwene ukuti bunyunkuliwe nukuzepuliwa sona nukubunangannya,

Yelemiya 18:7 Iomraidhean Croise

Ubwandilo 6:6

Akaba ni chitima pachifukwa ichakuti akabapela abantu nukubabika muchisu ichapasi. Po chikamubaba nkani mumoyo wache.

Yelemiya 1:10

Ilelo nkukusala ukuti ubanje nu bulaghili panko izya bantu nu bumwene, pakunyunkula nukumongola, pakunangannya nukutagha sona nukuzenga nukubyala.”

Yelemiya 26:3

Lumo bangateghelezya nukunyokako, po umuntu wesi angabuleka ububibi bwache, umwakuti indeke pakubapa ulufundo lulo natinji imbafunde nalo pachifukwa icha bubibi bubo babombite.

Yelemiya 31:28

Ngati mumo nkabenelezyanga pakubanyunkulannya nukubazepulannya nukubapota nukubanangannya nukubawisizya intamyo, momumo nkwiza pakubenelezya pakuzenga nukubyala.

Yelemiya 42:10

Nanti mukwikala muchisu chinichi, ntakwiza pakubanyampannya awe, loli nkwiza pakubazenga, ntakwiza pakubanyunkulannya awe, loli nkwiza pakubabyala, pakuti nanyokako kuchintu ichibibi chicho nkababombela.

Yelemiya 45:4

U Mwene akuti, “Umubuzye u Baluki ukuti, ‘Nkwiza pakuchimongolannya chicho nkachizenga. Momumo nkwiza pakubombela ni chisu chosi.

Ezekiyeli 33:14

Nanti nkumusoka umuntu umubibi ukuti, ‘Naloliloli ukwiza pakufwa,’ loli akuzileka imbibi nukubomba ubwanaloli nu bugholosu,

Daniyeli 11:4

Loli bo ubulaghili bwache bwafika pa chinamwene, ubumwene bwache bukwiza pakunanganika, sona bukwiza pakugabinkana muvigaba folo. Abaluko lwache batakwiza pakubupyana ubumwene bulabula, sona butakwiza pakubanga na maka ngati mumo akabela umwenecho, pachifukwa ichakuti ubumwene bula bukwiza pakunyunkuliwa nukubikiwa munyobe izya bantu abanji.

Amosi 9:8

Naloliloli amaso agha Mwene Uwamaka Ghosi ghakubwennya ubumwene bubo bukubomba imbibi. “Nkwiza pakubuzimizya pachisu ichapasi, loli ntakwiza pakubananganizizya zila abamunyumba iya Yakobo.” U Mwene anena.

Yona 3:10

Bo u Chala ennya ukuti abantu bala bayileka inkalo yabo imbibi, akabapelela ichisa. Po atakabafunda nu lufundo ukuyana namumo akalondelagha.

Yona 3:4

U Yona akenda ubulendo ubwa isiku lyoka nukufika mukaya kala. Akanda pakulumbilila ukuti, “Bo ghachilapo amasiku 40, u Ninive akwiza pakumongoliwa!”