Yelemiya 18:6 - IBAYIBOLO 2024

⁶ “Wee Izilayeli, nkimba ntangabomba nawe zimo ngati mumo umumata isonta akubombelagha? Ngati litope munyobe iya mumata isonta, momumo nawe ubeleye munyobe zyane.

Yelemiya 18:6 Iomraidhean Croise

Yesaya 45:9

Chighune ku muntu yuyo akulwana numupeli wache, isonta yiyo yiyanite bulo nizinji. Nkimba isonta yingamubuzya yuyo akuyimata ukuti, “Ukubomba ichoni”? Nkimba isonta yingamubuzya umumata isonta ukuti, “Ate ninyobe”?

Yesaya 64:8

Wee Mwene naloli we Tata witu. Twe litope, awe we mumati, twebosi twe mbombo izya nyobe yako.

Yelemiya 18:4

Loli isonta yiyo akamatagha yikananganikila munyobe zyache, po umumata isonta yula akamata iyamwabo, akayimata ukuyana namumo umwenecho akalondelagha.

Yelemiya 18:5

Po u Mwene akambuzya akati,

Daniyeli 4:23

“Wee mwene, ukamwennya uwantumi umuzelu akwika kumwanya akuti, ‘Lidumule ikwi nukulinangannya, loli uchileke ichisinko, bo uchipinyiliye ni chela nu mukuba nukuchileka mwisote, sona amagululuzi ghache ghabe mwitope. Muleke anyekaye ni nganda, sona ikalaye poka ni vinyamana mupaka amaka seveni.’

Matayi 20:15

Nkimba inte nu bulaghili ubwakubomba chicho nkulonda ni ndalama zyane? Pamo uli na kabini pachifukwa ichakuti ne mupi?’ ”

Aba Loma 11:34

Pakuti Amasimbo ghakuti, “Nkimba wewenu azimenye inyinong'ono izya Mwene? Pamo wewenu yuyo angamumanyisya amahala?