Yelemiya 18:22 - IBAYIBOLO 2024

²² Ukulila kwivwike munyumba zyabo bo ukubatumila umwalubilolubilo ichilundilo icha bakufyula pakubafyula utwaya twabo. Bakumbite ichiliba ichakuti ingwilemo, sona bateghite ivipingo ukuti bandeme.

Yelemiya 18:22 Iomraidhean Croise

Masalimo 119:85

Abantu abakwituvya bankumbila iviliba, babo balusulannya ululaghilo lwako.

Masalimo 140:5

Abantu abamituvyo bantegha ni chipingo, po muzila zyane bantegha ni mpote ukuti bandeme.

Masalimo 140:6

Wee Mwene, nkukubuzya nkuti, “Awe we Chala wane.” Wee Mwene, ivwa ukulila kwane ukuti unyavwe.

Masalimo 142:4

Nkwennya kundilo kwane, atalipo nayumoyumo uwakumpasikizya. Ubuzilo ubwakuti ningavwamamo nabumobumo sona atalipo nayumoyumo yuyo akubupasikizya ubumi bwane.

Masalimo 38:12

Abantu babo bakubulondelezya ubumi bwane bakuntegha, abantu babo bakulonda pakumvulazya bakunena nizya ukunangannya, akabalilo kosi bakubatika nizya kumbombela ububibi.

Yesaya 10:30

Mwee bantu aba mu Galimu! Kolomoka nkani, mwee bantu aba mukaya akakulu nkani aka Layisha Teghelezya! Mwee bantu aba mukaya akakulu nkani aka Anatoti mubamule!

Yelemiya 18:20

Nkimba chiza pakutanizya imbibi pa chintu ichiza? Loli abene bankumbiye ichiliba ichibizu ukuti ingwilemo. Kumbuka namumo nkizila kukwako, nukukulambilizya ukuti utozole ubukali bwako.

Yelemiya 20:10

Nkubivwa abinji bakuteketa bakuti, “Ukoghofya kuli imbazu zyosi! Mumulongelele! Zagha tumulongelele!” Na bamanyani bane bosi bakulindilila ukuti ingwilemo bakuti, “Lumo angazimbuliwa, po tungamulema nukumutanizya ububibi.”

Yelemiya 20:16

Umuntu yunuyo abanje ngati twaya utukulu nkani, tuto u Mwene atakatupelela ichisa pakutunangannya. Ivwa ukulila ukwa pandabindabi, sona nipati ilya bwite pakasi pamusanya,

Yelemiya 4:31

Nkivwa ukulila ngati po kwa mukolo yuyo ali pakusayiwa, ukukoloma ukwa yuyo akupapa umwana ukatote. Ukulila ukwa bantu aba mu Ziyoni bo bali pakubulonda ubumi bwabo, bakugholosya inyobe zyabo bakuti, “Mwee nkuzilika! Ubumi bwane bwabikiwa munyobe izya baghoghi.”

Yelemiya 5:26

“Mukasi mubantu bane mulimo abantu ababibi babo bakuvwamilila ngati bantu babo bakutegha iviyuni sona ngati bantu babo bakutegha ivipingo nukubalema abantu.

Yelemiya 6:26

Mwee bantu bane, vwala amasaka sona mughalaghataye mwitoyi, mulilaye umwakukolomoka, ngati mumo umuntu akumulilila u mwana wache weka naweka, pakuti umwakuchenusya bulo uwakutunangannya akwiza pakutwizila.

Zefaniya 1:16

pisiku linilyo kukwiza pakwivwika ukulila ukwa mapati, ni chongo icha bwite ukulwana nutwaya utukulu nkani utwa malinga sona ni vitembe ivya pankuto.

Matayi 22:15

Aba Falisayi bakabuka nukwivwana mumo bangamuteghela u Yesu pakumulalusya.