Biblia Todo Logo
Bìoball air-loidhne

- Sanasan -




Yelemiya 18:21 - IBAYIBOLO 2024

21 Po ilelo Mwene, baleke abana babo bafwanje nizala, baleke bafwile kubwite. Baleke abachi babo babanje bafwilwe, abasita bana nabamobamo. Baleke abalume babo baghoghiwe, baleke abalumendo bafwile kubwite.

Faic an caibideil Dèan lethbhreac




Yelemiya 18:21
27 Iomraidhean Croise  

Akiza nu mwene uwamu Babiloni, yuyo akabaghogha abana babo abalumendo muchipinda ichizelu, umwakuti atakabapo nayumoyumo umulumendo pamo umulindu pamo abasongo pamo umughosi yuyo akamuleka mumi. U Chala akababika bosi banaba munyobe izya Nebukadineza.


Abantu banaba bakwiza pakughoghiwa kubwite, po bakwiza pakuba chakulya cha bakabila.


Loli u mwene akwiza pakuhoboka pachifukwa icha Chala. Bosi babo bakalapila mwitabwa lyache, bamuchindikaye, bo abamyasi basona imilomo yabo.


Po nkwiza pakubakalalila nukubaghogha nu bwite. Abachi binyu bakwiza pakuba bafwilwe, sona abana binyu bakwiza pakuba balanda.


Ubwele bwabo bukwiza pakubaghogha abalumendo, batakwiza pakubapelelagha ichisa ababonda, pamo pakuba nichililizi na bana.


Pakuti abalongozi babo bakubalongozya abantu bakubasovya, sona babo bakulongoziwa bakupulumpa.


Polelo u Mwene atakwiza pakuhoboka na balumendo, pamo pakuba ni chisa na balanda sona na bafwilwe, pakuti bosi batamumenye u Chala sona babomba mbibi amalomo ghabo ghakunena ivyabupunganu. Pa zyosi zinizi ubukali bwache butakutozoka, inyobe yache yichili yigholokite bulo.


Loli pope bulo awe wee Mwene ummenye nkani, Ukunyennya nukuzipima nyinong'ono zyane namumo nkughaniye. Ubawesele kubutali abantu ababibi banaba ngati yo ng'ozi yiyo yikwiza pakughoghiwa. Ubapaghule ukuti balindililaye isiku ilya kughogheliwa.


Sona abantu babo bakubalaghulila bakwiza pakusumbiwa mumisebo iya mu Yelusalemu pachifukwa icha zala nu bwite. Atakwiza pakubapo nayumoyumo uwakubasyila pamo abachi babo, abana babo abalumendo pamo abalindu. Nkwiza pakubafunda nintamyo zizyo zibabaghiye.


Nkwiza pakubapeta nuluselo ngati lyelelo mukaya akakulu nkani. Nkwiza pakubapela bafwilwe nukubanangannya abantu bane, pachifukwa ichakuti batakunyokako kunkalo zyabo imbibi.


Nkwiza pakonjelezya ubwinji ubwa bakolo abafwilwe, ukuchila nu musesenga uwa munyanja. Nkwiza pakubasendela uwakubanangannya, abamayi na bana babo pakasi pamusanya, Umwakuchenusya bulo nkwiza pakubizila nintamyo ni vyakoghofya.


Polelo abalumendo bache bakwiza pakuwila mumisebo, abasilikali bache bakwiza pakughoghiwa pisiku lilalila. Ane ne Mwene nanena.”


Imfwa yatwizila ukwendela mumabwindo ghitu, yinjila munyumba izya bumwene. Yatughoghela abana bitu mumisebo, sona yatumalila abalumendo bitu muminalo.


“U Mwene abakana abasilikali bosi abajivu, babo bali pakasi papane. Abitizya abasilikali pakulwa nane, umwakuti abaghogha abasilikali bane bosi abachilumendo. Muchiliba chache ichakufinyilamo amampesya, u Mwene akabakanyankila abantu aba mu Yuda.


Twaba twe balanda, sona tute na batata, po abamayi baba bakolo abafwilwe.


Nkwiza pakukufunda pachifukwa icha bwamalaya nicha kukupula ibanda, po nkwiza pakutanizya pakukupula ibanda pachifukwa icha bukali bwane sona na kabini kane.


Abamwene babo bali ngati nkalamu zizyo zikubuluma zikukavulannya ichinyamana. Bakubaghogha abantu, bakusenda ivyuma vyabo ni vintu vyabo ivya mutengo, nukubapela abafwilwe pakuba binji mukaya kache.


“Nkabawisizya iviwaya ngati mumo nkabombela mu Ijiputi. Nkabaghogha abalumendo binyu nupanga, poka ni falasi zyinyu zizyo mukazifyula. Nkazipela impuno zyinyu pakunusya umunusi uwa mivimba iyakufuma muvisakasa ivya basilikali, loli pope bulo mutakanyokela kukwane.” U Mwene anena.


Abantu bakwiza pakufwa nubwite mumisebo, sona bakwiza pakufwa nubogha munyumba zyabo. Abalumendo na balindu bakwiza pakufwa, bope ababonda na baghosi bakwiza pakufwa.


U Alikizandala, umusyani uwa vyela yula akambombela ububibi nkani. U Mwene akwiza pakumutanizya ukuyana ni mbombo zyache.


Loli u Samuweli akati, “Upanga wako abapelela abakolo pakuba basita bana, umwakuyana bulo unyoko akwiza pakuba musita bana.” Po u Samuweli akamudumulannya u Agagi yula pamaso pa Mwene mu Giligali.


Lean sinn:

Sanasan


Sanasan