Yelemiya 18:16 - IBAYIBOLO 2024

¹⁶ Bakachipela ichisu chabo pakuba chakoghofya, bosi babo bakudumusannyapo bakwiza pakuswigha, sona bakwiza pakupukuzya imutu yabo.

Yelemiya 18:16 Iomraidhean Croise

1 Abamwene 9:8

Napapo Inyumba iyi nyiza nkani, abantu bosi babo bakudumusannya pano bakwiza pakuswigha nukupukuzya imitu, po bakwiza pakulalusya ukuti, ‘Nkimba choni chicho u Mwene achibombela bunubu ichisu ichi ni Nyumba iyi?’

2 Imbili 29:8

Polelo u Mwene abakalaliye abantu aba mu Yuda naba mu Yelusalemu. Abapela pakuba chintu ichakoghofya ni chakuswighisya sona ni chakukozya isoni ngati mumo mukwiyenezya na maso ghinyu.

Masalimo 109:25

Ne chintu ichakobezya ku bantu babo bakunsusya, bo banyennya abantu banaba bakupukunnya imitu yabo.

Masalimo 22:7

Bosi babo bakunyennya bakunyobezya, sona bakusumba intuko papane nukupukunnya imitu yabo.

Masalimo 44:14

Ukatupela pakuba chintu ichakusekezya pakasi pabantu aba inko izinji, sona uluko ulwa bantu lukupukuzya imitu yabo nanti bakutwennya.

Yesaya 37:22

agha gho mazyu ghagho u Mwene akamubuzya umwakususannya nawe akati, Abantu aba mu Ziyoni, bakukusamula nukukobezya. Abantu aba mu Yelusalemu bakupukunnya imutu yabo bo ukuchimbila.

Yesaya 6:11

Nkalalusya nkati, “Wee Mwene, nkimba zinizi zikwiza pakubangako mupaka liyi?” Akamula akati, “Mupaka utwaya tosi utukulu twaba visami sona nayumoyumo umuntu akwiza pakwikalamo, inyumba zitakwiza pakuba na bantu sona chope ichisu chikwiza pakuba nkolongo.

Yelemiya 19:8

Nkwiza pakukapela akaya akakulu kanaka pakuba chakoghofya nkani sona umuntu wesi yuyo akudumusannyapo palapala akwiza pakuba nubogha sona ni chiswigho pachifukwa icha kunanganika kwache.

Yelemiya 25:9

nkwiza pakubitizya abantu aba kumitu poka nu mubombi wane u Nebukadineza u mwene uwa ku Babiloni sona nkwiza pakuchitumila ubwite ichisu ichi poka na bantu babo bakwikala mulamula sona ninko izya bantu babo babazyunguliye. Nkwiza pakubanangannya nukubapela pakuba chintu ichakoghofya nichakusekiwa sona ichisu chila chikwiza pakwipela chisami icha bwila na bwila.

Yelemiya 29:18

Nkwiza pakubakonka nu bwite nizala sona ni chiwaya, nkwiza pakubapela pakuba chintu ichinyazu ku bantu bosi aba bumwene ubwa pachisu ichapasi. Bakwiza pakuba bantu baghuniwa na bantu abakoghofya, abakusekiwa naba kusamuliwa pakasi pabantu aba inko izya bantu kuko nkwiza pakubachimbizizyako.

Yelemiya 42:18

U Mwene Uwamaka Ghosi, u Chala uwa Izilayeli akuti, ‘Ngati mumo ubukali bwane sona nukoghofya kwapunguliliwa ku bantu babo bakwikala mu Yelusalemu, momumo ubukali bwane bukwiza pakupunguliliwa papinyu bo mukubuka ku Ijiputi. Mukwiza pakuba chintu chicho abantu bakuchighuna sona nichakoghofya, ni chamusamu pamo ichakusekiwa, mutakwiza pakubwennya sona ubuzilo bula.’ ”

Yelemiya 44:12

Nkwiza pakubasenda abantu bosi abakusyalako aba mu Yuda, babo bakabikapo u moyo pakwikala mu Ijiputi. Bosi bakwiza pakumalila mu Ijiputi, bakwiza pakughoghiwa kubwite, pamo nizala. Ukwandila ku banandi mupaka ku basongo, bakwiza pakughoghiwa kubwite pamo nizala. Bakwiza pakuba bantu abakughuniwa naba koghofya.

Yelemiya 48:27

Nkimba aba Izilayeli batakaba bakusekiwa kukwinyu? Nkimba akalemiwa pakasi pabiba, bo mukupukuzya imitu yinyu pakubasamula, akabalilo kosi kako mukumunena?

Yelemiya 49:13

Nkulapa nkuti: U Bozila akwiza pakuba chisami sona akwiza pakuba chintu ichakoghofya, nuwa kusekiwa sona kakwiza pakuba kaghuniwa, tope utwaya twache tosi utukulu tukwiza pakuba visami bwila na bwila. Ane ne Mwene nanena.”

Yelemiya 49:17

“U Edomu akwiza pakuba chintu ichakoghofya, umuntu wesi yuyo akudumusannyapo palapala, akwiza pakuba nubogha sona ni chiswigho, pachifukwa icha kunanganika kwache.

Yelemiya 50:13

Pachifukwa icha bukali ubwa Mwene abantu batakwiza pakwikalamo, loli chikwiza pakuba chisami. Abantu bosi babo bakudumusannya mu Babiloni, bakwiza pakuswigha, sona nukusekiwa pachifukwa icha vilonda vyache.

Yelemiya 51:37

U Babiloni akwiza pakuba chibunga icha visami, sona nu buzilo ubwakwikalamo abakambwe, akaya akakoghofya na kakusamuliwa, mumo atalimo nayumoyumo uwakwikalamo.

Yelemiya 51:43

Utwaya twache utukulu tukwiza pakuba chisami, ni chisu ichumizu, sona nicha nkolongo, ichisu chicho mutakwikalamo nayumoyumo, mumo abantu batakwendamo.

Yelemiya 9:11

U Mwene akuti, “Nkwiza pakumupela u Yelusalemu pakuba chisami, numwakughonamo abakambwe, sona utwaya utwa Yuda utukulu nkani tukwiza pakumongoliwa, umwakuti nayumoyumo u muntu akwiza pakwikalaghamo.”

Nkuto 1:12

Nkimba chinichi chitakubaswighisya mwebosi mwe mukudumusannya bulo? Po talankannya mwennye nanti ghalipo amayimba aghanji, ghagho ghayanite na mayimba ghane, amayimba ghagho u Mwene akangwisizya pisiku lilyo akankalalila.

Ezekiyeli 12:19

Ubabuzye abantu aba muchisu chila, izi zyo zizyo u Mwene Uwamaka Ghosi akunena nizya bantu babo bakwikala mu Yelusalemu muchisu icha Izilayeli ukuti bakwiza pakulya ichakulya nubogha nukung'wela amizi bo bakutetema, ichisu chabo chikwiza pakufyuliwa navyosi vivyo vili mumo pachifukwa icha vyongo ivya bantu babo bakwikala mulamula.

Ezekiyeli 27:36

Abaghulizi babo bali pakasi pa inko, bakukobezya. Wafika pabumalilo ubwakoghofya, sona utakwiza pakubako.’ ”

Ezekiyeli 36:3

Polelo laghula ukuti, ‘U Mwene Uwamaka Ghosi akuti: Pakuti inko izinji zikabalema nukubafyula amaghamba agha Izilayeli, umwakuti mwaba mpyana iya inko zizyo zikasyalako, sona ichakusekiwa icha bantu babo bakabayebagha,

Ezekiyeli 6:14

Po nkwiza pakulanjizya amaka ghane nukuchipela ichisu chabo pakuba chisami ukwanda kunkolongo mupaka ku Dibula kosi kuko bakwikala. Po bakwiza pakumanya ukuti ane ne Mwene.’ ”

Aba Levi 26:32

Nkwiza pakuchinangannya ichisu chinyu, umwakuti abalwani binyu babo bakwikalamo bakwiza pakuchiswigha bulo.

Aba Levi 26:43

Pakuti abantu babaghiye pakuchileka tasi ichisu chabo, umwakuti ichisu chibanje na Maka Aghakutuzya. Abantu babaghiye pakufundiwa pachifukwa icha mbibi zyabo, pakuti bakakana indaghilo na malamulo ghane.

Mika 6:16

Pakuti mwayikonka inkalo iya Omuli ni mbombo nakikalile aka mbumba iya Ahabu sona nukuti mwazikonka inyiho zyabo. Polelo nkwiza pakubanangannya, abantu binyu bakwiza pakubatuka, mukwiza pakusamuliwa na bantu aba inko zyosi.”

Matayi 27:39

Abantu babo bakadumusannyanga palapala bakapukuzya imitu yabo nukumusamula u Yesu ukuti,

Maliko 15:29

Abantu babo bakadumusannyanga palapala bakapukuzya imitu yabo nukumusamula u Yesu ukuti, “Eya! Ute wewe ukatinji, ‘Nkwiza pakumongolannya Inyumba iya Chala nukuyizenga sona mumasiku matatu!’

Ukukumbusya Amalamulo 28:59

po u Mwene akwiza pakubawisizya amwe na baluko lwinyu, iviwaya ivipalapala, nintamyo zizyo zitakumala, sona nu bubine bubo bute namalembo naghamoghamo.

Ukukumbusya Amalamulo 29:23

Umuvundo ghukwiza pakumalamo mumaghunda ghinyu, sona ulufumbi lwene ni mbeya nu sulufule vikwiza pakuba posi na posi muchisu chinyu. Mumaghunda ghinyu mutakwiza pakumelamo nachimochimo ichimelwa manyi lisote manyi amakwi. Ichisu chinyu chikwiza pakuyana bulo nakaya aka Sodomu naka Gomola naka Adima naka Zeboyimu tuto u Mwene akatunangannya pachifukwa icha bukali bwache.