Yelemiya 18:15 - IBAYIBOLO 2024

¹⁵ Loli pope bulo abantu bane banduvizye, bakochela utwakufukizya ku bachala babo bate nimbombo nayimoyimo, bakwipunula muzila zyabo izyakale. Bakwenda mutuzila utwa mwisote, na mumisebo yiyo yitalimiwepo nalumolumo.

Yelemiya 18:15 Iomraidhean Croise

Nehemiya 9:17

Batakivwila sona bakaluvya ivyika vivyo ukabomba pakasi papabo. Bakaba na moyo amakafu nkani sona bakasambuka pakusala abalongozi ukuti banyokele kubukayidi mu Ijiputi. Loli awe we Chala, we waluhobokelo, we wachisa, sona we wachililizi, utakukalala lubilolubilo, sona we walughano nkani. Po utakabakana,

Yesaya 3:12

Abalumendo bakubayivya abantu bane, sona abakolo bakubalaghila. Mwe bantu bane abalongozi binyu bakubapuvya, sona mutakumanya izila iyakwendamo.

Yesaya 41:29

Ennya, bosi bamyasi! Imbombo zyabo zyabulo, ivifwani vyabo vili ngati mpepo iya bulo.”

Yesaya 57:14

Po abantu bakwiza pakunena ukuti, “Zengagha, zengagha, yannya izila! Mwefyemo ivizinka muzila izya bantu bane.”

Yesaya 62:10

Dumusannya, dumusannya imilyango! Yannya izila iya bantu. Yannya, yannya imisebo imikulu nkani! Efyamo amabwe! Zyimikile inko indembela.

Yesaya 65:7

pachifukwa icha mbibi zyabo ni mbibi izya banyenya babo.” U Mwene anena. “Pakuti abene bakocha ivyakwiyipa patughamba nukunyazya ane patughamba, nkwiza pakubatanizya, pachifukwa icha mbombo zizyo bakabombagha.”

Yesaya 9:16

Pakuti abalongozi babo bakubalongozya abantu bakubasovya, sona babo bakulongoziwa bakupulumpa.

Yelemiya 1:16

Nkwiza pakubapa inongwa iyakubasusya abantu bane pachifukwa icha mbibi zyabo nukundeka. Bakafukizya utwakununkila ku bachala abanji, nukwiputa ku vifwani vivyo bakapanga ni nyobe zyabo.

Yelemiya 10:15

Vite nimbombo nayimoyimo, pakuti imbombo yabo yabuzimbuli mpela, sona pakabalilo aka lufundo lwabo bakwiza pakuzimila.

Yelemiya 11:12

Utwaya utukulu utwa Yuda sona na bantu aba mu Yelusalemu bakwiza pakubuka pakubalilila abachala abanji babo bakababikilagha ivyakwiyipa ivyakufukizya, loli batakwiza pakubapoka napo panandi pa kabalilo akantamyo.

Yelemiya 11:13

Wee Yuda, abachala bako binji nkani babo bayanite bulo nutwaya twinyu utukulu sona vyope ivighemo vivyo muzengite ivya kumochelapo utwakununkila u chala winyu u Baala, vyinji nkani ngati misebo iya mu Yelusalemu.’

Yelemiya 11:17

U Mwene Uwamaka Ghosi yuyo akababika muchisu, alamula ukuti, intamyo yikwiza pakubawila pachifukwa icha mbibi zizyo mwabomba mweba Izilayeli naba Yuda. Mwamukalalizya pakubika ichakwiyipa icha kocha kwa Baala.

Yelemiya 13:25

Ichi cho chigaba chinyu chicho imbagabiye, pachifukwa ichakuti munduvizye, nukubasubila abachala abazimbuli. Ane ne Mwene nanena.

Yelemiya 16:19

Wee Mwene, awe we maka ghane, nilinga lyane sona nkuvwamila mumwako mukabalilo akantamyo, inko izya bantu izya ukufuma pachisu ichapasi, zikwiza pakwiza kukwako nukuti, “Abanyenya bitu batakapyanapo chimo, loli abachala aba bumyasi sona na vivyo vite ni mbombo nayimoyimo.

Yelemiya 17:13

Wee Mwene we lusubilo ulwa ba Izilayeli, abantu bosi babo bakukukana bakwiza pakukoziwa isoni. Babo bakukuleka bakwiza pakusyiliwa mulufumbi pachifukwa ichakuti bamukana u Mwene, imbwibwi iya mizi amumi.

Yelemiya 18:14

Nkimba ukabefu uwamu Lebanoni angepapo pamwanya pamabwe agha? Nkimba amizi ghache amakatazu agha mutusoko ghakupwamo lumo?

Yelemiya 19:5

Bamuzengela ivighemo u chala u Baala umwakuti bochelayepo abana babo pakuba vyakwiyipa ivyakocha. Intakabalamulapo napo panandi ukuti babombe zinizi sona ichi chitakanyendamo munyinong'ono zyane.

Yelemiya 2:13

“Abantu bane babomba imbibi zibili: Bandeka ane ne mbwibwi iya mizi aghakupa ubumi, bikumbiye bene iviziba ivyabo ni vyabo, iviziba vivyo vili nividobozwi vitangasunga amizi.

Yelemiya 2:19

Ukwiza pakufundiwa nu bubibi bwako, pakuti wankana, nkwiza pakukupa inongwa. Winong'one nkani ububibi nu bubavu ubwa kundeka ane ne Mwene u Chala wako, sona winong'one nizya kusita ukunyila.” U Mwene Uwamaka Ghosi anena.

Yelemiya 2:32

Nkimba u mulindu angaluvya ivyakwibonesekezya akiza, pamo u mulindu yuyo akusendwa nkimba angaluvya ivyakuvwala vyache ivya pasendwa? Loli pope bulo abantu bane banduvizye, amasiku ghagho ghatangabelengiwa.

Yelemiya 3:21

Ichongo chikwivwika pamwanya pamaghamba, aba Izilayeli bakulila nukulaba ichisa, pachifukwa icha mbibi zyabo, sona bamuluvizye u Mwene u Chala wabo.

Yelemiya 44:25

U Mwene Uwamaka Ghosi, u Chala uwa Izilayeli akuti: Amwe poka na bachi binyu mwanena ukuti, ‘Tukwiza pakubomba zizyo tukafinga. Tukwiza pakocha utwakufukizya utwakununkila nukubika ichakwiyipa icha vinyo kwa Mwene Umukolo Uwakumwanya.’ “Po endelela, bomba chicho mukalayizya! Sunga ifingo zyinyu!

Yelemiya 51:18

Vite nimbombo nayimoyimo, pakuti imbombo yabo yabuzimbuli mpela, sona pakabalilo aka lufundo lwabo bakwiza pakuzimila.

Yelemiya 6:16

U Mwene akuti, “Imilila mulubazu mumusebo nukutalankannya, lalusya izila izya kale. Lalusya kuko kuli izila inyiza sona nukwendamo mulamula, po imizimu yinyu yikwiza pakubwagha ubutuzyo. Loli amwe mukati, ‘Tutakwiza pakwendamo.’

Yelemiya 7:9

“ ‘Amwe mukwiba, mukughogha, mukulowa, mukulapa, mukumochela u Baala utwakununkila sona mukubakonka abachala babo mutabamenyemo nalumolumo.

Ezekiyeli 21:15

Umwakuti amoyo ghasunguluke, sona abinji bakwiza pakufwila palapala. Nabika upanga uwakughoghela, pamilyango yabo yosi. Mwee! Apangiwe ukuti anyezimilaye ngati kamesya, sona apyasiwe ukuti abanje wakughoghela abantu.

Ezekiyeli 36:15

Ntakwiza pakubapela ukuti mwivwanje intuko izya inko, sona mutakwiza pakusekiwa na bantu pamo pakuzipela inko zyinyu ukuti ziwe, u Mwene Uwamaka Ghosi anena.’ ”

Hoseya 11:2

Napapo nkamwitizya u Izilayeli akinji bulo, loli akepaghako nkani kukwane. Bakabika ivyakwiyipa kwa Baala, sona bakafukizya utwakununkila ku vifwani.

Hoseya 2:13

Nkwiza pakumufunda pachifukwa icha masiku agha ba Baala, ghagho akafukizya utwakununkila ku bachala bache aba Baala. Akipela mwene pakuba wakuboneka akiza, pakubombezya ugolide ni vyakwibonesekezya akiza, Akabakonka abaghaniwa bache, akanduvya ane ne Mwene.”

Hoseya 2:6

Polelo nkwiza pakuwighalila umusebo wache na mivwa, nkwiza pakumuzengelela nulupaso umwakuti atakayaghe izila.

Malaki 2:8

Loli mwayileka izila, sona mwabapunuzya abantu abinji nkani ni vimanyisyo vyinyu. Mwalunangannya ulufingo lulo nkafingana nu Levi.” U Mwene Uwamaka Ghosi anena.

Matayi 15:6

Pakubomba bunubu mukughakana amalamulo agha Chala ukuti mukonke inyiho zyinyu.

Aba Loma 14:21

Chizapo ukuleka pakulya inyama pamo pakung'wela uvinyo pamo pakubomba chicho chingamupela umukamu wako ukuti anange.

Ukukumbusya Amalamulo 32:21

Bampelela ubuzuba pachifukwa icha bachala babo abamyasi sona bankalalizya pachifukwa icha vifwani vyabo ivyabupunganu. Po nkwiza pakubombezya uluko, lulo lute luko pakubakalalizya. Nkwiza pakubapela pakuba na kabini, pachifukwa icha luko lulo lupunganu.