Yelemiya 18:12 - IBAYIBOLO 2024

¹² Loli bakamula bakati, ‘Chinicho chite nimbombo nayimoyimo. Aswe tukwiza pakwendelela ni mbatiko izyitu ni zyitu, umuntu wesi akwiza pakubomba zizyo inyinong'ono zyache inkafu izya moyo umubibi.’ ”

Yelemiya 18:12 Iomraidhean Croise

Ubwandilo 6:5

U Mwene akennya ukuti abantu aba muchisu ichapasi bananga nkani, sona nukuti inyinong'ono zyabo zyaba mbibi nkani.

Ubwandilo 8:21

Bo u Mwene anusya umunusi umwiza ghula akati, “Ntakwiza pakuchighuna sona ichisu ichapasi pachifukwa icha zizyo abantu bakubomba, pakuti inzimenye ukuti inyinong'ono izya muntu umubibi zikwandila kubwana bwache. Ntakwiza sona pakuvizimizya ivintu vyosi ivyabumi ukuyana namumo nabombela.

2 Abamwene 6:33

Bo u Elisha achili akunena na basongosongo bala, intumi yila yikafika. Po u mwene akati, “Wee Mwene yuyo atuwisizya intamyo zinizi. Nkimba choni chicho indindilile ukuti u Mwene abombepo zimo?”

Yesaya 57:10

Mukalita pachifukwa ichabutali ubwa zila zyinyu, loli mutakanena pakuti, “Chabulo.” Amaka ghinyu ghakanyokelamo, po mutakadedebala.

Yesaya 65:2

Akabalilo kosi nkugholosya inyobe zyane, pabantu abakusambuka, babo batakwenda muzila inyiza, bakuzikonka inyinong'ono zyabo,

Yelemiya 11:8

Loli bakighalila amakutu ghabo, mubuzilo bwache, umuntu wesi akenda muzila iyache ni yache iya moyo wache umubibi. Po nkabatumila ivighune vyosi ivya lufingo lulo nkabalamula ukuti balukonkaye loli batakalukonka.”

Yelemiya 16:12

Loli amwe mwabomba ububibi nukuchilapo pabubo abanyenya binyu bakabomba. Umuntu wesi akubukonka ububibi ubwa moyo wache umukafu mubuzilo ubwa kunyivwila.

Yelemiya 2:25

Utakendaye vinama vyene sona pimilo lyako patakabanje inyota. Loli awe ukati, ‘Chite ni mbombo! Imbaghanite abachala abayeni, sona imbaghiye pakubakonka.’

Yelemiya 23:17

Bakwendelela pakubabuzya abantu babo bakukana pakuteghelezya ku zizyo nkubabuzya bakuti, ‘U Mwene akuti: Mukwiza pakuba nu mutende.’ Sona bakubabuzya babo bali na moyo amakafu bakuti, ‘Intamyo zitakwiza pakubawila napo panandi.’

Yelemiya 3:17

Pakabalilo kalakala u Yelusalemu akwiza pakwitiziwa pakuba Chitengo icha Mwene, sona inko zyosi zikwiza pakubungana mu Yelusalemu nukulichindika itabwa ilya Mwene. Batakwiza pakuba sona na moyo amabibi.

Yelemiya 44:17

Nubwanaloli bosi tukwiza pakubomba chosi chicho tukanena ukuti tukwiza pakuchibomba. Tukwiza pakumochela utwakununkila u Mwene Umukolo Uwakumwanya nukumubikila ichakwiyipa icha vinyo ngati mumo aswe na banyenya na bamwene bitu na makambala ghitu tukabombela mutwaya utukulu utwa Yuda sona na mumisebo iya Yelusalemu. Pakabalilo kalakala tukaba ni chakulya ichinji nkani, sona tukaba akiza nkani, yitakabapo intamyo nayimoyimo.

Yelemiya 6:17

Nkabimikila abalindilili nukuti, ‘Teghelezya ukulila ukwa ipati!’ Loli amwe mukati, ‘Tutakwiza pakuteghelezya.’

Yelemiya 7:24

Loli abantu bala batakivwila pamo ukubikilako umoyo, mubuzilo bwache bakendelela pakubomba zizyo amoyo ghabo amabibi ghakalondogha. Bakanyokela kwisinda mubuzilo ubwakwendelela.

Ezekiyeli 37:11

Po u Mwene akambuzya akati, “Wee mwana uwa muntu, amafupa ghosi agha ba Izilayeli. Bakuti, ‘Amafupa ghitu ghumiye sona nulusubilo lwitu lope lwamala; tuyanite bulo nababo bakafwa.’

Malaki 3:14

“Mukunena ukuti, ‘Vite ni mbombo nayimoyimo pakumubombela u Chala. Nkimba tukakabapo ichoni pakukonka indaghilo zyache pakuba ngati bantu abafwilwe pantazi pa Mwene Uwamaka Ghosi?

Luka 1:51

Abomba ivintu ivikulu nkani ni nyobe yache nukunyampannya abamituvyo ni mbatiko zyabo zyosi.

Ukukumbusya Amalamulo 29:19

Mwenelezye nkani ukuti atakabepo nayumoyumo umuntu pakasi papinyu ilelo, yuyo akwivwa amazyu ghanagha loli akunena mumoyo wache akuti, “Ivintu vyosi vikunyendela akiza bulo, napapo nkubomba ubwighane bwane.” Panapa akwiza pakwipalaghulila mwene ukunanganika manyi muntu umubibi manyi muntu umwiza bulo.