Yelemiya 18:11 - IBAYIBOLO 2024

¹¹ “Po ilelo buka ubabuzye abantu aba muchisu icha Yuda na babo bakwikala mu Yelusalemu uti, ‘U Mwene akuti: Nkwinong'ona pakubabombela ichintu ichibibi, sona nkwiyannya nukubatika zizyo nkwiza pakubabombela. Po umuntu wesi anyokeko ku zila zyache imbibi naku mbombo zyache zizyo akuzibomba. Leka inkalo zyinyu imbibi ni mbombo zyinyu.’

Yelemiya 18:11 Iomraidhean Croise

Ubwandilo 11:7

Zagha twike nukuvulungannya ineno yabo, umwakuti batakivwanaye bo bakunena.”

1 Abamwene 22:23

“Polelo u Mwene abika umuzimu uwabumyasi mumulomo uwa balaghuzi bako bosi. U Mwene alamula ukuti intamyo zikuwile.”

2 Abamwene 17:13

U Mwene akabasoka aba Izilayeli, naba Yuda ukwendela mu balaghuzi, sona na benelezyi bache bosi ukuti, “Muzileke imbombo zyinyu imbibi. Muzikonkaye indaghilo zyane na malamulo ghane, ghagho nkabalamula abanyenya binyu, sona ghagho nkabapa ukwendela mubabombi bane abalaghuzi.”

2 Abamwene 22:13

“Buka mumbuzikizyeko kwa Mwene, sona na mubuzilo ubwa bantu bosi aba mu Yuda pamazyu ghagho ghakasimbiwa mwibuku lilyo lyaghiwa. Pakuti u Mwene atukalalila nkani, pachifukwa ichakuti abanyenya bitu batakivwila amazyu agha mwibuku ili, sona batakabomba zizyo amazyu ghosi ghagho ghasimbiwe aghakunena nizya aswe.”

2 Abamwene 5:5

U mwene akamwamula akati, “Bukagha kwa mwene uwamu Izilayeli nu kalata uyu.” Po u Naamani akabuka, bo asendite isalabazya 30,000 izya siliva ni salabazya 6,000 izya golide sona na menda 10 agha palusekelo.

Yesaya 5:5

Nkwiza pakubabuzya zizyo nkwiza pakubomba, nu mughunda wane uwa mampesya. Nkwiza pakwefyako ulubagha lulo lughuzyunguliye, nukulumongolannya ulubumba lulo lughuzighiliye, po ghukwiza pakukanyankiliwa

Yesaya 57:1

Abagholosu bakufwa, sona atalipo nayumo umuntu yuyo akupasyapo, abantu abasubiliwa bakusendiwa, sona atalipo nayumo yuyo akwivwisya, ukuti abagholosu bakusendiwa, ukuti ububibi butakabawile.

Yelemiya 11:11

Polelo u Mwene akuti, ‘Nkubizila nintamyo yiyo batabaghiye pakuyichimbila. Napapo bangandilila, pope bulo ntakwiza pakubivwa napo panandi.

Yelemiya 11:19

Nkaba ngati ne mwana uwa ng'ozi yuyo akubuka pakughoghiwa. Intakazimanya ukuti amaso ghosi ghali papane, bo bakunena ukuti, “Zagha tulidumule ikwi ili bo lichili libisi. Zagha tumughoghe ukuti itabwa lyache lizimile.”

Yelemiya 18:18

Po abantu bakati, “Zagha tubatike pakumubombela ububibi u Yelemiya! Pakuti abaputi bakwiza pakuba naswe akabalilo kosi pakutulongozya, abamahala bakwiza pakutulongozya, sona abalaghuzi bakwiza pakulumbilila amazyu agha Chala. Zagha tumupe inongwa, sona tuleke pakuteghelezya zizyo akunena.”

Yelemiya 19:15

“Umu momumo u Mwene Uwamaka Ghosi, u Chala uwa Izilayeli akunenela akuti, ‘Teghelezya! Nkwiza pakukizila nintamyo akaya akakulu nkani aka nutwaya tuto tukazyunguliye ngati mumo nkanenela, pachifukwa ichakuti abantu banaba bakazizye nkani amoyo ghabo sona bakukana pakwivwila amazyu ghane.’ ”

Yelemiya 19:3

Ubabuzye uti, ‘Mwee bamwene aba mu Yuda, na bosi babo bakwikala mu Yelusalemu, ivwa ku zizyo ane ne Mwene Uwamaka Ghosi, u Chala uwa Izilayeli nkunena: Nkwiza nintamyo impalapala nkani pabuzilo ubu umwakuti wesi yuyo akwivwa akwiza pakuswigha bulo.

Yelemiya 25:2

Po umulaghuzi u Yelemiya akababuzya abantu bosi aba mu Yuda na bantu bosi babo bakikalagha mu Yelusalemu akati:

Yelemiya 25:5

Abalaghuzi bala bakati, “Umuntu wesi mumwinyu ayileke inkalo yache imbibi sona ni zila zyache imbibi, po mukwiza pakwikala muchisu chicho u Mwene akabapa amwe na banyenya binyu mupaka bwila na bwila.

Yelemiya 26:13

Ilelo yannya akendele kinyu ni mbombo zyinyu nukumwivwila u Mwene u Chala winyu, po u Mwene akwiza pakubahobokela ichibibi chicho alondagha pakubabombela.

Yelemiya 26:3

Lumo bangateghelezya nukunyokako, po umuntu wesi angabuleka ububibi bwache, umwakuti indeke pakubapa ulufundo lulo natinji imbafunde nalo pachifukwa icha bubibi bubo babombite.

Yelemiya 3:1

“Nanti u mwanavuli akumusosya umuchi wache, sona u mukolo yula akwepako kukwache, nukusendana nu mwanavuli uyunji, nkimba u mwanavuli yula anganyokela nukumusenda sona u mukolo yula pakuba muchi wache? Nkimba ichisu chila chitanganyaziwa? Loli wabomba ubwamalaya na baghaniwa abinji nkani, nkimba unganyokela kukwane? Ane ne Mwene nanena.

Yelemiya 3:22

“Mwe bantu abasita kusubiliwa nyokela kukwane, nkwiza pakubapozya ukuti mube basubiliwa.” “Eee, tukwiza kukwako, pakuti we Mwene u Chala witu.

Yelemiya 35:15

Kabilikabili nkabatumilagha ababombi bane abalaghuzi ukuti bize bababuzye ukuti, “Umuntu wesi mumwinyu azileke imbombo zyache imbibi. Yannya inkalo zyinyu, sona mutakabakonkaye abachala abanji nukubabombela. Po mukwiza pakwikala muchisu chicho imbapiye amwe na baghuso.” Loli pope bulo mutakanteghelezya sona mutakanyivwila.

Yelemiya 36:3

Pamo bo aba Yuda bivwa nizya ntamyo zizyo nkwinong'ona pakubawisizya umwakuti umuntu wesi anyokeko ku zila zyache imbibi, po ane nkwiza pakubahobokela ku bubibi bwabo bosi sona na kumbibi zyabo.”

Yelemiya 36:7

Lumo inyiputo zyabo zingafika pamaso agha Mwene nukuti wesi akwiza pakunyokako kumbombo zyache imbibi, pakuti ubukalale nu bukali ubwa Mwene bwaba bukulu nkani.”

Yelemiya 4:1

U Mwene akuti, “Mwee ba Izilayeli, nanti mukulonda pakunyokela kukwane, nyokela. Mwefyepo ivifwani ivinyazu vyosi pamaso papane, sona mutakusobelapo nalumo,

Yelemiya 4:14

Wee Yelusalemu, swefya umoyo wako kumbibi ukuti upokiwe. Nkimba ukwiza pakuba ninyinong'ono imbibi zinizyo mupaka liyi?

Yelemiya 4:23

Nkenelezya pachisu ichapasi, chitakaba na kantu nakamokamo, sona nkennya kumwanya nkagha ukuti ulukozyo lutaliko.

Yelemiya 4:6

Kwezya indembela ku kaya aka Ziyoni! Chimbila lubilolubilo ukuti mupone, pakuti nkutuma intamyo izya kumitu sona nukunanganika ukukulu nkani.”

Yelemiya 51:11

“Pyasya utulasilo, senda ingulu zyinyu! U Mwene abasonjelezya abamwene aba mu Mediya, pakuti inyinong'ono zyache zyakuti amunangannye u Babiloni. U Mwene akwiza pakutanizya, pachifukwa ichakuyinangannya Inyumba yache.

Yelemiya 7:3

U Mwene Uwamaka Ghosi, u Chala uwa Izilayeli akuti: Yannya inkalo zyinyu ni mbombo zyinyu, po nkwiza pakubitikizya pakwikala pabuzilo ubu.

Ezekiyeli 13:22

Pachifukwa icha bumyasi bwinyu mwabawisya amaka abantu bane abagholosu napapo ane intakulonda ukubapelela ichitima awe, loli mwabakazya ababibi ukuti batakazileke izila zyabo imbibi, po pakubomba bunubu bakubupoka ubumi bwabo.

Ezekiyeli 18:23

U Mwene Uwamaka Ghosi akuti: Nkimba nkuhoboka nimfwa iya muntu umubibi? Nkimba intangahoboka nanti azileka imbombo zyache imbibi nukuba mumi?

Yona 3:8

Umuntu wesi avwale amasaka, vyope ivinyamana vivwale amasaka nukumwiputa nkani u Chala. Umuntu wesi ayileke inkalo yache imbibi sona ni mbombo zyabo imbibi.

Mika 2:3

Polelo, u Mwene akuti, “Nkubatika ukunanganika pabantu banaba, kuko mutangipoka mwebene Mutakwiza pakwenda nalumolumo umwakwituvya, pakuti kakwiza pakuba kabalilo akapalapala.

Zekaliya 1:3

Polelo babuzye abantu ukuti: U Mwene Uwamaka Ghosi ati, ‘Nyokela kukwane, po nane nkwiza pakunyokela kukwinyu.’ U Mwene Uwamaka Ghosi anena.

Imbombo 26:20

Pakwanda nkalumbilila mu Damasika, ukufuma mula nkalumbilila mu Yelusalemu, sona na mosi mu Yudeya, na pakasi pabantu babo bate ba Yuda ukuti bazileke imbibi zyabo nukupindukila kwa Chala nukubomba ivintu vivyo vingalanjizya ukuti bapindukite naloli.

Yakobo 4:13

Losi ulu ivwa kuno, mwe mukunena ukuti, “Ilelo pamo indabi tukwiza pakubuka mukaya kamo akakulu nkani, kuko tukwiza pakwikala umwaka ghoka. Tukwiza pakughula nukughulizya, po tukwiza pakuzyagha indalama inyinji nkani.”

Yakobo 5:1

Ilelo teghelezya, mwe bantu abakabi. Lilagha nukukolomoka pachifukwa icha ntamyo zizyo zikwiza pakubawila.