Yelemiya 18:10 - IBAYIBOLO 2024

¹⁰ sona nanti uluko lula lukwendelela pakubomba ububibi pamaso ghane sona lutakunyivwila, po ntakwiza pakulubombela inyiza zizyo nalondagha pakulubombela.

Yelemiya 18:10 Iomraidhean Croise

Masalimo 125:5

Loli babo bakweghelela inkalo inyonganu, u Mwene akwiza pakubachimbizya poka na babomba mbibi. Mu Izilayeli mubanje umutende.

Ezekiyeli 18:24

“ ‘Loli nanti umuntu umugholosu akuleka pakubomba ubugholosu nukubomba imbibi sona akubomba ivintu ivyamwiko vilavila vivyo umuntu umubibi akubomba, nkimba akwiza pakuba nubumi? Butalipo ubugholosu nabumobumo bubo akabomba bukwiza pakukumbukiliwapo. Pachifukwa icha kusita kusubiliwa sona na pachifukwa icha mbibi zizyo abomba akwiza pakufwa.

Ezekiyeli 33:12

“Polelo, we mwana uwa muntu, ubabuzye abantu aba kukwinyu ukuti, ‘Ubugholosu ubwa muntu umugholosu butakwiza pakumupoka nanti abomba imbibi, sona ububibi ubwa muntu umubibi butakwiza pakumupela ukuti awe, nanti akubuleka. Nanti umuntu umugholosu ananga, atakwiza pakuba nubumi pachifukwa icha bugholosu bwache ubwakwanda.’

Ezekiyeli 33:18

Nanti umuntu umugholosu akubuleka ubugholosu bwache nukubomba imbibi, akwiza pakufwila mu mbibi.

Ezekiyeli 45:20

Mubombaye bunubu pisiku ilyaseveni ilya mwezi ukuti umuntu wesi yuyo akubomba imbibi umwakusita kumanya, pamo umwakusita lubatiko, po mubikaye ichakwiyipa icha kuswefesezya Inyumba iya Chala.

Zefaniya 1:6

Nkwiza pakubanangannya abantu babo bakukana pakumukonka u Mwene sona babo batakumulondelezya pamo pakumubuzikizya u Mwene.”

Ukubelengiwa 14:22

po nkulapa ukuti atalipo nayumo umuntu uwa bantu banaba akwiza pakwinjilamo muchisu chila. Abantu banaba bakabwennya ubuchindamu bwane ni viswigho vyane, vivyo nkabomba mu Ijiputi, sona na munkolongo, loli pope bulo bakanjela akabalilo akinji bulo, nukukana pakughivwila amazyu ghane.

Ukubelengiwa 14:23

Atalipo nayumo umuntu yuyo akwiza pakuchennya ichisu chicho nkalayizya ni chilapo ukuti nkwiza pakubapa abanyenya babo. Atalipo nayumo umuntu yuyo akankana akwiza pakuchennya.

Ukubelengiwa 14:34

Mukwiza pakufundiwa amaka 40 pachifukwa icha mbibi zyinyu, kokuti umwaka ghoka ghukwimilila isiku lyoka ilya masiku ghagho mukabuka pakutendela ichisu chila. Po mukwiza pakubumanya namumo bubeleye ububibi ubwakuti ane imbasambukile.

1 Samuweli 13:13

U Samuweli akamubuzya akati, “Wabomba ivyabupunganu nkani. Awe utakaghasunga amalamulo ghagho u Mwene u Chala wako akakupa. Nanti ukabombagha bunubu, ngali ikazizye ubumwene bwako pakasi paba Izilayeli bwila na bwila.

1 Samuweli 15:11

“Indi ni chitima nkani ukuti nkamwimika u Sabuli pakuba we mwene. U Sabuli ansambukila, sona aleka pakughakonka amalamulo ghane.” U Samuweli akakalala nkani, po akamulambilizya u Mwene ubusiku bosi bulabula.

1 Samuweli 15:35

U Samuweli atakakomanapo sona nu Sabuli mupaka pisiku lilyo u Samuweli yula akafwila, napapo akamulililagha nkani. Po u Mwene akaba ni chitima nkani, pakuti akamwimika u Sabuli ukuti abanje we mwene uwa ba Izilayeli.

1 Samuweli 2:30

“ ‘Ane ne Mwene u Chala uwa Izilayeli nkabalayizya abamunyumba yako na baluko lwako ukuti bakwiza pakuba baputi bane bwila na bwila. Losi ulu ntakulonda sona! Loli nkwiza pakubachindika abantu babo bakunchindika, loli abantu babo batakunchindika nane bulo ntakwiza pakubachindika.