Yelemiya 17:9 - IBAYIBOLO 2024

⁹ U moyo uwa muntu chintu ichizimbuli ukuchila ivintu vyosi. Nkimba wenu yuyo angawivwisya?

Yelemiya 17:9 Iomraidhean Croise

Ubwandilo 6:5

U Mwene akennya ukuti abantu aba muchisu ichapasi bananga nkani, sona nukuti inyinong'ono zyabo zyaba mbibi nkani.

Ubwandilo 8:21

Bo u Mwene anusya umunusi umwiza ghula akati, “Ntakwiza pakuchighuna sona ichisu ichapasi pachifukwa icha zizyo abantu bakubomba, pakuti inzimenye ukuti inyinong'ono izya muntu umubibi zikwandila kubwana bwache. Ntakwiza sona pakuvizimizya ivintu vyosi ivyabumi ukuyana namumo nabombela.

2 Samuweli 11:15

Mwakalata yula akasimbamo ukuti, “Umubike u Uliya mumuzele uwa kuntazi, kuko kuli ubwite ubwakoghofya nkani. Po umuleke mwene ukuti aghoghiwe.”

Masalimo 51:5

Naloli nkapapiliwa mumbibi, nkaba ne mubibi ukwandila papo umayi wane akamela ulwanda.

Masalimo 64:7

Loli u Chala akwiza pakubalasa nu tulasilo, po umwakuchenusya bulo bosi bakwiza bakuvulala.

Ivyili 28:26

Umuntu yuyo akwisubila mwene we mupunganu, loli umuntu yuyo akughakonka amahala akwikala mumutende.

Umulumbilili 9:3

Ichi cho chintu ichibibi chicho chikubombiwanga pachisu ichapasi. Ichighune chikubawila abantu bosi umwakuyana bulo. Pakonjelezyapo, inyinong'ono izya bantu zyizuye nu bubibi nu bwachipena bo bachili bumi, po pisinda pache bakufwa umwakuchenusya bulo.

Yesaya 1:5

Nkimba mukulonda imbakome piyi, fwandi choni chicho mukusambuka bulo? Umutu winyu ghosi ghuvulaye sona amoyo ghinyu ghosi ghabinite.

Yesaya 1:6

Ukwanda kunyayo mupaka kumutu, patalipo napamopamo pabugwalazule, napapo paboliwe, sona ni vilonda ivyakukomiwa bulo umwakuti atalipo nayumoyumo umuntu uwakuvipinya, pamo ukupakazya amafuta.

Yesaya 6:10

Po akambuzya akati, “Ughapelaye amoyo agha bantu banaba ukuti ghabanje makafu, amakutu ghabo ghabanje namapuli, ubapelaye ukuti babanje bafwamaso, ukuti lumo bangennya na maso ghabo pamo ukwivwa na makutu ghabo, sona nukuvwisya na moyo ghabo, ukuti bapinduke nukupola.”

Yelemiya 16:12

Loli amwe mwabomba ububibi nukuchilapo pabubo abanyenya binyu bakabomba. Umuntu wesi akubukonka ububibi ubwa moyo wache umukafu mubuzilo ubwa kunyivwila.

Yelemiya 7:24

Loli abantu bala batakivwila pamo ukubikilako umoyo, mubuzilo bwache bakendelela pakubomba zizyo amoyo ghabo amabibi ghakalondogha. Bakanyokela kwisinda mubuzilo ubwakwendelela.

Matayi 13:15

Pakuti amoyo ghabo makafu nkani, sona basindiye amakutu ghabo, basizilite amaso ghabo. Pakuti ngali amaso ghabo ghakwennya, amakutu ghabo ngali ghakwivwa ni nyinong'ono zyabo ngali zikwivwisya. Po ngali bapindukila kukwane, u Chala akunena, ngali imbapozizye.’

Matayi 15:19

Pakuti mumoyo uwa muntu, momumo mukufuma inyinong'ono imbibi, zizyo zikumulongolezya ukuti aghoghe, alowe nukubomba ubwamalaya; ubwiba, ubumyasi, sona ni yebo.

Maliko 2:17

Bo u Yesu ivwa zinizi akabamula akati, “Abantu abapuma batakumulonda umughanga, loli bene babo babine. Ntizite pakwitizya abantu abagholosu ukuti bapinduke, loli nizite pakwitizya abantu abambibi.”

Aba Loma 1:21

Napapo bakamumanya u Chala, loli batakamuchindika, pamo ukumupalizya. Loli inyinong'ono zyabo zikaba zyamwalwe, sona amoyo ghabo ghakizula ni chisi.

Aba Loma 7:11

Pakuti imbibi yikalwagha ulusako, sona ukwendela mu malamulo, imbibi yikanzimbula nukungogha.

Aba Efeso 4:22

Polelo mubuvule ubuntu bwinyu ubwakale bubo bukayana nubumi bwinyu ubukali bula, sona bubo bwananganika pachifukwa icha vinyonywa vyache ivyabumyasi.

Aba Hebeli 3:12

Mwee bakamu bane, muchebaye ukuti atakabepo nayumo umuntu mumwinyu uwa moyo umubibi, sona nu musita ukusubila, ghugho ghungamulesannya nu Chala umumi.