Yelemiya 17:7 - IBAYIBOLO 2024

⁷ “Musayiwa umuntu yuyo ali nu lusubilo mwa Mwene, yuyo abikite umoyo wache ghosi mu mwache.

Yelemiya 17:7 Iomraidhean Croise

Masalimo 125:1

Babo bamusubiye u Mwene, bali ngati lighamba ilya Ziyoni, lilyo litangayingana, loli likubangako bwila na bwila.

Masalimo 146:5

Musayiwa umuntu yuyo umwavwilizi wache we Chala uwa Yakobo, yuyo amusubiye u Mwene u Chala wache,

Masalimo 2:12

Mumuchindikaye lumo angabakalalila nukubanangannya, pakuti ubukali bwache bukwaka lubilolubilo. Basayiwa bosi babo bakuchimbilila kukwache.

Masalimo 20:8

Abantu banaba bakwiza pakwipunula nukuwa pasi, loli aswe tukwiza pakunyamuka nukwimilila.

Masalimo 34:8

Mumuyezyanje, po mukwiza pakumanya ukuti u Mwene mwiza. Musayiwa umuntu yuyo akuchimbilila kukwache.

Masalimo 40:4

Musayiwa umuntu yuyo amusubiye u Mwene wache, yuyo atakubadepukila abantu abakwituvya, kubabo bakupulumpila ku bachala abamyasi.

Masalimo 71:5

Wee Mwene Uwamaka Ghosi, ulusubilo lwane luli mumwako, sona nakusubiye ukwanda ko kubwana bwane.

Masalimo 84:12

Wee Mwene Uwamaka Ghosi, basayiwa abantu babo bakukusubila.

Ivyili 16:20

Umuntu yuyo akwivwila vivyo abanji bakumubuzya, ivintu vikumwendelagha akiza. Musayiwa umuntu yuyo akumusubila u Mwene.

Yesaya 30:18

Pachifukwa chinichi u Mwene akubalindilila ukuti abapelelaye ichisa, akunyamuka nukubalanjizya ichililizi pakuti u Mwene we Chala uwanaloli. Basayiwa bosi babo bakumulindilila!

Yesaya 61:3

nukubapa babo bakulila mu Ziyoni, ukubapa impumpu iya kabonekele akiza mubuzilo ubwa itoyi, amafuta aghalusekelo, mubuzilo ubwa kulila, numwenda uwa mapalo, mubuzilo ubwa muzimu uwa vitima. Bakwiza pakwitiziwa umupandapanda uwa bugholosu, ichibyalwa icha Mwene ukuti achindikiwanje.

Yelemiya 39:18

Nkwiza pakukupoka, utakwiza pakufwila kubwite awe, loli ukwiza pakubupoka ubumi bwako pachifukwa ichakuti unsubiye.’ Ane ne Mwene nanena.”

Daniyeli 3:28

Po u Nebukadineza akati, “Apaliwanje u Chala uwa Shadiliki nu Meshaki nu Abedinego, yuyo amutuma uwantumi wache pakubapoka ababombi bache! Bakamusubila u Chala nukulusulannya ululaghilo ulwa mwene, sona bakiyannya pakwiyipa ubumi bwabo bosi ukuti bamubombelaye u Chala wabo nukusita ukuti bamubombelaye pamo ukumwiputa uchala uyunji.

Zefaniya 3:12

Loli nkwiza pakubaleka pakasi papinyu abololo na bakwiyisya, babo bakuchimbilila kukwane, kune Mwene.

Aba Efeso 1:12

Ifundo yache yikaba yakuti aswe twe tukaba bakwanda pakuba nu lusubilo mwa Kilisitu, tubupale ubuchindamu bwache.