Yelemiya 17:25 - IBAYIBOLO 2024

²⁵ po abamwene abakwikala pachitengo icha Devedi bakwiza pakwinjila pamulyango uwa kaya akakulu nkani kanaka poka na makambala ghabo. Abene poka na makambala ghabo bakwiza pakukwela mungolo na pafalasi bo bakulongozannya na bantu aba muchisu icha Yuda na babo bakwikala mu Yelusalemu, po abantu banaba bakwiza pakwikalaghamo bwila na bwila.

Yelemiya 17:25 Iomraidhean Croise

2 Samuweli 7:16

Inyumba yako nu bumwene bwako vikwiza pakubangako bwila na bwila pamaso papane. Ubumwene bwako bukwiza pakwikalana bwila na bwila.’ ”

2 Samuweli 8:4

U Devedi akazilema ingolo zyache izya bwite 1,700, sona na basilikali abakwenda pasi 20,000. Akazidumula inkole izya vinama izya ifalasi zyache izya ngolo, loli akazisungako ingolo zimo 100.

Ukufuma 12:14

“Isiku linili mubaghiye pakulisunga pakuba lisiku lizelu ilya lusekelo ulwa Mwene. Inkulilo zyosi izya muntazi zikwiza pakulisunga isiku linili pakuba lisiku izelu ilya lusekelo ulwa Mwene. Mubaghiye pakulikumbuka pakuba lulaghilo ulwa bwila na bwila.”

Yesaya 9:7

Ukonjeleziwa ukwa bulaghili bwache nu mutende butakwiza pakumala. Akwiza pakulaghila pachitengo icha Devedi napabumwene bwache, pakubwikazya nukubukuzya mubwanaloli nu bugholosu ukwanda pakabalilo kalakala sona bwila na bwila. Ulweke ulwa Mwene Uwamaka Ghosi lukwiza pakuzimalizya zinizi.

Yelemiya 13:13

Po ubabuzye uti u Mwene akuti, ‘Nkwiza pakubizuzya nubwachingw'ela abantu bosi babo bakwikala muchisu ichi. Abantu banaba bo aba: Abamwene babo bakwikala pachitengo icha Devedi, na baputi, na balaghuzi, sona na bantu bosi babo bakwikala mu Yelusalemu.

Yelemiya 22:2

‘Wee mwene uwa Yuda, ivwa amazyu agha Mwene, wewe ukwikala pachitengo icha Devedi, awe poka na makambala ghako sona na bantu babo bakwinjilila pamilyango iyi.

Yelemiya 22:30

U Mwene akuti, “Mumusimbe umuntu uwa bunubu ngati mughumba, umuntu yuyo atangendelela mubumi bwache pakuti atalipo nayumoyumo uwa luko lwache, yuyo akwiza pakupyanapo ubumwene ubwa Devedi, pamo pakulaghila sona mu Yuda.”

Yelemiya 22:4

Pakuti nanti mukughivwila amalamulo ghanagha, po abamwene babo bakwikala pachitengo icha Devedi bakwiza pakwinjila pamilyango iya nyumba iya bumwene, bo bakwelite pa ngolo napa falasi, poka na makambala ghabo sona na bantu babo.

Yelemiya 25:5

Abalaghuzi bala bakati, “Umuntu wesi mumwinyu ayileke inkalo yache imbibi sona ni zila zyache imbibi, po mukwiza pakwikala muchisu chicho u Mwene akabapa amwe na banyenya binyu mupaka bwila na bwila.

Yelemiya 33:15

Mumasiku ghalaghala, sona na pakabalilo kalakala, nkwiza pakumumezekezya u Devedi ulusamba ulugholosu, akwiza pakubomba zizyo nyiza sona ngolosu muchisu.

Yelemiya 33:17

“Umu momumo u Mwene akunenela: U Devedi atakwiza pakupotwapo pakuba nu wakumupyana uwakwikala pachitengo icha bumwene ubwa Izilayeli,

Yelemiya 33:21

po ulufingo lwane lulo nkafingana nu mubombi wane u Devedi sona ulufingo lwane lulo ingafingana naba Levi abaputi babo bakumbombela akabalilo kosi lungananganika, umwakuti u Devedi atakabanje nuwa luko pakuba we mwene uwa ba Izilayeli.

Yelemiya 7:3

U Mwene Uwamaka Ghosi, u Chala uwa Izilayeli akuti: Yannya inkalo zyinyu ni mbombo zyinyu, po nkwiza pakubitikizya pakwikala pabuzilo ubu.

Yelemiya 7:7

po nkwiza pakubitikizya pakwikala pabuzilo bunubu, muchisu chicho nkabapa abanyenya binyu ukuti chibanje chabo bwila na bwila.

Ukukumbusya Amalamulo 17:16

U mwene atakabanje ni falasi izya bwite inyinji nkani, sona atakabatumaye abantu ku Ijiputi pakughula ifalasi zimo, pakuti u Mwene akababuzya akati, “Mutakanyokelayeko sona.”

Aba Hebeli 12:22

Loli mwiza kwighamba ilya Ziyoni nakaya akakulu nkani aka Chala Umumi, u Yelusalemu uwakumwanya, poka ni chilundilo icha bantumi amasabuzani na masabuzani.

1 Samuweli 8:11

U Samuweli akati, “Izi zyo zizyo u mwene yuyo mukumulonda akwiza pakubombagha. Akwiza pakubafyenga abana binyu abalumendo pakulwa ubwite, abanji bakwiza pakuba bakwendezya ingolo izya bwite, bamo abakukwela impunda zyache, sona abanji abakuchimbila pantazi pangolo zyache zila.