Yelemiya 17:23 - IBAYIBOLO 2024

²³ Loli pope bulo batakivwila, sona bakighalila amakutu ghabo, nukughakazya amoyo ghabo, pamo pakuleka pakwivwila ivimanyisyo vyane.

Yelemiya 17:23 Iomraidhean Croise

Masalimo 50:17

Pakuti uvibengite vivyo nkukubuzya, sona ukughasulannya amazyu ghane.

Ivyili 1:3

Vibamanyisyanje sona inkalo inyiza na kikalile aka mahala pakubomba ingolosu, nukubombela mubwanaloli,

Ivyili 1:5

Nanti umuntu uwamahala aghivwa, onjelezyepo ubumanyi bwache, sona abantu abakwivwisya baghaghilepo amahala.

Ivyili 29:1

Umuntu yuyo akuba nu moyo umukafu bo achemeliwa akinji bulo, naloli lubilolubilo akunanganika umwakusita kupola.

Ivyili 5:12

Ukwiza pakunena ukuti, “Mwee, nkimba choni chicho nkaghasulannya amafundwe? Nkimba choni chicho intakaba ni mbombo nu luchemelo?

Ivyili 8:10

Salapo ichimanyisyo chane mubuzilo ubwa siliva, sona salapo amahala mubuzilo ubwa golide umwiza.

Yesaya 48:4

Pakuti nkamanya ukuti, amoyo ghinyu makafu nkani, sona mukaba bakafu ngati chela, ivyeni vyinyu vikaba mukuba.

Yelemiya 11:10

Banyokeye kumbibi izya banyenya babo, babo bakaghakana amazyu ghane. Babakonkite abachala abanji nukubabombela. Bosi poka aba Izilayeli naba Yuda balunanganizye ulufingo lulo nkafingana na banyenya babo.

Yelemiya 19:15

“Umu momumo u Mwene Uwamaka Ghosi, u Chala uwa Izilayeli akunenela akuti, ‘Teghelezya! Nkwiza pakukizila nintamyo akaya akakulu nkani aka nutwaya tuto tukazyunguliye ngati mumo nkanenela, pachifukwa ichakuti abantu banaba bakazizye nkani amoyo ghabo sona bakukana pakwivwila amazyu ghane.’ ”

Yelemiya 32:33

Bampa inkonto mubuzilo ubwakumpa ivyeni vyabo, napapo nkatamiwa nkani pakubamanyisya loli pope bakakana amafundwe.

Yelemiya 35:15

Kabilikabili nkabatumilagha ababombi bane abalaghuzi ukuti bize bababuzye ukuti, “Umuntu wesi mumwinyu azileke imbombo zyache imbibi. Yannya inkalo zyinyu, sona mutakabakonkaye abachala abanji nukubabombela. Po mukwiza pakwikala muchisu chicho imbapiye amwe na baghuso.” Loli pope bulo mutakanteghelezya sona mutakanyivwila.

Yelemiya 5:3

Wee Mwene nkimba amaso ghako ghatakulonda ubwanaloli? Ukabafunda loli batakivwa ububavu, ukabasyempa loli bakakana pakumanyila. Bakavikazya ivyeni vyabo ngati mabwe, nukukana pakupinduka.

Yelemiya 6:8

Wee Yelusalemu, sendapo ichimanyilo, ukuti intakepukeko kukwako nukukuleka pakuba chisami, ichisu chicho atalipo nayumo umuntu angikalamo.”

Yelemiya 7:28

Polelo ubabuzye ukuti, ‘Ulu lo luko ulwa bantu babo batakaghitika amazyu agha Mwene u Chala wabo, pamo ukwitika ukunanga kwabo. Ubwanaloli butalipo pakasi papabo, sona butakwivwikapo pamilomo yabo.

Ezekiyeli 20:13

“ ‘Loli pope bulo abantu aba mu Izilayeli bakansambukila munkolongo. Batakazikonka indaghilo zyane loli bakaghakana amalamulo ghane napapo umuntu yuyo akughivwila akubanga nubumi. Bakaghanyazya Amasiku ghane Aghakutuzya. Po nkinong'onagha pakubapungulila ubukali bwane nukubanangannya munkolongo.

Ezekiyeli 20:16

pachifukwa ichakuti baghakana amalamulo ghane sona batazikonka indaghilo zyane nukughanyazya Amasiku ghane Aghakutuzya. Pakuti bakuvyiputa ivifwani vyabo.

Ezekiyeli 20:21

“ ‘Loli abana babo bakansambukila, batakazikonka indaghilo zyane, sona batakabikilako umoyo pakukonka amalamulo ghane, ghagho nanti umuntu akughakonka akuba nubumi. Bakaghanyazya Amasiku ghane Aghakutuzya. Po nkwiza pakupungulila ubukali bwane papabo nukubakalalila munkolongo.

Zefaniya 3:7

Nkakabuzya akaya akakulu nkani nkati, ‘Naloliloli ukwiza pakunnyila nukwitika ukuchemela kwane!’ Po akaya kache katangananganika, pamo ukuti ulufundo lwane lukawile. Loli pope bulo bakaba bengo nkani pakubomba ivyamabeko vyabo vyosi.

Imbombo 7:51

U Sitefani akendelela pakunena ukuti, “Mwe bantu aba moyo amakafu mwee. Amoyo ghinyu ghayanite bulo na bantu abakuzi, sona muli na mapuli! Ukuyana namumo bakabombelagha abanyenya binyu, akabalilo kosi amwe mukumukana u Muzimu Umuzelu!

Abalongi 6:10

Nkababuzya nkati, ‘Ane ne Mwene u Chala winyu. Mutakabiputaye abachala aba ba Amoli muchisu chicho mukwikalamo.’ Loli amwe mutakanteghelezya.”