Yelemiya 17:22 - IBAYIBOLO 2024

²² Mutakanyamulaye u katundu uwa munyumba zyinyu, pamo mutakabombaye imbombo Pisiku Ilyakutuzya, loli libanje lizelu, ngati mumo nkubalamulila abanyenya binyu.

Yelemiya 17:22 Iomraidhean Croise

Nehemiya 13:15

Mumasiku ghalaghala, nkabennya abantu aba Yuda bali pakukanyankila amampesya Pisiku Ilyakutuzya. Bamo bakizagha na malezi pampunda zyabo nu vinyo na mampesya na makuyu sona nu katundu uwakulekanalekana. Bakizagha navyo vyosi vinivi ku Yelusalemu Pisiku Ilyakutuzya. Po nkabasoka ukuti batakaghulizyanje ivyakulya pisiku lilalila.

Ukufuma 23:12

“Mubombaye imbombo zyinyu amasiku sikisi, loli pisiku ilyaseveni mutakabombaye imbombo, umwakuti ing'ombe zyinyu ni mpunda zyinyu zingatuzya, sona nukuti abazya na bayeni abamunyumba zyinyu bangatuzyako.

Yesaya 58:13

“Nanti mukulisunga Isiku lyane Ilyakutuzya, nukusita ukubomba imbombo zyinyu pisiku lyane izelu, nanti mukwitizya Isiku lyane Ilyakutuzya lisiku ilya lusekelo, nukumuchindika u Mwene pisiku izelu, sona nanti mukulichindika ukusita ukwenda muzila zyinyu, nukusita ukubomba izyakwihobosya mwebene, pamo pakunena amazyu aghabulo,

Yelemiya 17:24

U Mwene akuti: Loli nanti mukunyivwila, sona mutakwinjila nu katundu pamilyango iya kaya akakulu nkani Pisiku Ilyakutuzya, loli mukulisunga pakuba lizelu sona mutakubombapo imbombo Pisiku Ilyakutuzya,

Ezekiyeli 20:12

Nkabapa sona Isiku Ilyakutuzya pakuba chimanyilo pakasi papitu, ukuti bamanye ukuti ane ne Mwene nkabapela pakuba bazelu.

Ezekiyeli 22:8

Mwavisamula ivintu vyane ivizelu nukughanyazya Amasiku ghane Aghakutuzya.

Aba Levi 19:3

“ ‘Umuntu wesi amuchindikaye unyina nu wise nukulisungilila Isiku lyane Ilyakutuzya. Ane ne Mwene u Chala winyu.

Aba Levi 23:3

Mungabomba imbombo zyinyu mumasiku sikisi, loli isiku ilyaseveni lyo Lisiku Ilyakutuzya, isiku ilipaghuliwa ilya chiputo. Mutakabombaye nayimoyimo imbombo, pakuti ili lyo Lisiku Ilyakutuzya ilya Mwene.

Zekaliya 1:4

Mutakabanje ngati bo banyenya binyu, babo kale abalaghuzi bakababuzyanga amazyu ghane. Bakababuzyanga ukuti, ‘Baleke ububibi bwabo sona ni mbibi zyabo loli batakanteghelezya pamo ukunyivwila.’ U Mwene Uwamaka Ghosi anena.

Luka 23:56

Bakabwela kunyumba nukuyannya amafuta ni vyakununkila. Loli bakatuzya Pisiku Ilyakutuzya ukuyana ni Ndaghilo izya Mozesi.

Luka 6:5

Pabumalilo u Yesu akababuzya akati, “U Mwana uwa Muntu we Mwene uwa Isiku Ilyakutuzya.”

Ubuvumbuli 1:10

Pisiku ilya Mwene u Muzimu Umuzelu akanyizila, po nkivwa izyu ilyamaka kwisinda kukwane, lilyo likaba ngati kulila ukwa lipati.