Yelemiya 17:13 - IBAYIBOLO 2024

¹³ Wee Mwene we lusubilo ulwa ba Izilayeli, abantu bosi babo bakukukana bakwiza pakukoziwa isoni. Babo bakukuleka bakwiza pakusyiliwa mulufumbi pachifukwa ichakuti bamukana u Mwene, imbwibwi iya mizi amumi.

Yelemiya 17:13 Iomraidhean Croise

Masalimo 22:4

Abanyenya bitu bakakusubilagha, po ukabapoka pakuti bakakusubila.

Masalimo 69:29

Loli ane nkuyimba nkani sona nkwivwa ububavu, wee Chala unvighililaye nu bupoki bwako.

Masalimo 71:5

Wee Mwene Uwamaka Ghosi, ulusubilo lwane luli mumwako, sona nakusubiye ukwanda ko kubwana bwane.

Masalimo 73:27

Abantu bosi babo bali kubutali nawe bazimilaye. Pakuti ukubazimizya abantu bosi babo te basubiliwa kukwako.

Masalimo 97:7

Bosi babo bakuvyiputa ivifwani bakoziwanje isoni, kokuti bakwituvikizya mu bachala. Mwee bachala, mwebosi mumufughamililaye.

Ivyili 10:7

Umuntu umugholosu akukumbukiwanga ngati lusayo, loli itabwa ilya muntu umubibi likwiza pakuba ngati chintu ichibozu.

Ivyili 14:14

Umuntu umubibi akupokelagha umuvwalo ukuyana ni nkalo yache, loli umuntu umwiza akupokelagha umuvwalo ukuyana ni mbombo zyache.

Yesaya 1:28

Loli abakusambuka na bantu abambibi bosi bakwiza pakunanganika, sona bosi babo bakumukana u Mwene akwiza pakubazimizya.

Yesaya 66:5

Ivwa izyu ilya Mwene, amwe mwe mukumunyila nukumwivwila, “Abawamwinyu babo bababengite, nukubafumyamo chifukwa icha itabwa lyane, bakuti, ‘Leka u Mwene achindikiwanje, umwakuti twennye ulusekelo lwako!’ Loli bakwiza pakukoziwa isoni.

Yelemiya 14:8

Wee lusubilo ulwa ba Izilayeli, we Mupoki wabo pakabalilo akantamyo, nkimba choni chicho ukuba ngati we muyeni muchisu, ngati mwendazila yuyo akwikalamo bulo ubusiku boka mpela?

Yelemiya 17:17

Utakanyoghofyanje, awe nkuvwamamo mukabalilo akantamyo zyane.

Yelemiya 17:18

Leka abalwani bane bakoziwanje isoni, loli ane intakakoziwanje isoni, leka ubogha bubaleme, loli ane butakanyaghaye. Ubatumile intamyo, ubanangannye, sona nako kuboneka batakabonekaye.

Yelemiya 17:5

U Mwene akuti, “Mughuniwa umuntu yuyo akundeka ane, nukubika ulusubilo lwache mubantu, akweghamila ku bwavwilizi ubwa bantu, sona u moyo wache ghuli kubutali nu Mwene.

Yelemiya 19:4

Nkwiza pakuchibomba ichi pachifukwa ichakuti abantu bandeka, sona babunyazya ubuzilo ubu pakubika ivyakwiyipa ku bachala babo abayeni, babo abene pamo abanyenya babo batabamenye nalumolumo, pamo abamwene aba muchisu icha Yuda. Babwizuzya ubuzilo bunubu nibanda ilya bantu babo bate ninongwa nayimoyimo.

Yelemiya 2:13

“Abantu bane babomba imbibi zibili: Bandeka ane ne mbwibwi iya mizi aghakupa ubumi, bikumbiye bene iviziba ivyabo ni vyabo, iviziba vivyo vili nividobozwi vitangasunga amizi.

Yelemiya 2:17

Zinizi zyakubonekela, pachifukwa ichakuti ukamuleka u Mwene, u Chala wako, bo akukulongozya muzila yiyo ukendaghamo.

Yelemiya 50:7

Umuntu wesi yuyo akabagha akabalya, abalwani babo bakati, ‘Aswe tute ninongwa nayimoyimo, pakuti bakamunangila u Mwene, yuyo pakudimapo apanaloli, yuyo lusubilo ulwa banyenya babo.’

Ezekiyeli 13:9

Nkwiza pakabafunda abalaghuzi babo bakuvyennya ivisetuka ivyabumyasi sona bakulaghula ivyabumyasi. Batakwiza pakubangapo pankomano izya bantu bane pamo ukusimbiwa mumabuku agha ba Izilayeli, pamo ukwinjila ichisu icha Izilayeli. Po mukwiza pakumanya ukuti ane ne Mwene Uwamaka Ghosi.

Ezekiyeli 16:63

Ukumbuke nukuba nisoni umwakuti utakighulaye sona umulomo wako, pachifukwa icha kusamuliwa kwako, bo nkukuhobokela zyosi zizyo wabomba, u Mwene Uwamaka Ghosi anena.’ ”

Ezekiyeli 36:32

Nkulonda ukuti muzimanye ukuti intakubomba ichi pachifukwa chinyu, u Mwene Uwamaka Ghosi anena. Mukoziwanje isoni nukusamuliwa chifukwa icha mbombo zyinyu, amwe mweba Izilayeli!

Daniyeli 12:2

Abantu abinji babo bakafwa kale sona bakasyiliwa bakwiza pakuzyuka. Abanji bakwiza bakwilaghagha ubumi ubwa bwila na bwila sona bamo bakwiza pakufundiwanga bwila na bwila.

Yoweli 3:16

U Mwene akwiza pakubuluma mu Ziyoni, sona akwiza pakupaya mu Yelusalemu. Kumwanya ni chisu ichapasi vikwiza pakuyingana. Loli u Mwene akwiza pakuba chakuponelamo abantu bache, sona akwiza pakuba lilinga ilya ba Izilayeli.

Zekaliya 13:1

U Mwene Uwamaka Ghosi akuti, “Pisiku lilalila imbwibwi yikwiza pakubighukila abamunyumba iya Devedi, sona na bantu babo bakwikala mu Yelusalemu, ukuti yibaswefye kumbibi zyabo naku bunyazu bwabo.

Zekaliya 9:12

Mwee bakayidi, nyokela kwilinga lyinyu, amwe mukalindililagha nulusubilo, ilelo nkufumusya ukuti nkwiza pakubanyosezyamo kabili kosi.

Luka 10:20

Loli mutakahobokaye pachifukwa ichakuti imizimu imibibi yikabivwila, loli muhobokaye nkani ukuti amatabwa ghinyu ghasimbiwe kumwanya.”

Yohani 4:10

U Yesu akamwamula akati, “Nanti wavimenye ivyabupi ivya Chala nu muntu yuyo akukulaba amizi aghakung'wela, ngali wamulabite amizi aghakung'wela, po ngali umwene akupiye amizi amapela bumi.”

Yohani 4:14

Loli umuntu wesi yuyo akung'wela amizi ghagho nkwiza pakumupa atakwiza pakubapo nalumolumo ni nyota. Amizi ghagho nkwiza pakumupa ghakwiza pakuba mumwache ngati yo mbwibwi iya mizi amapela bumi nukumupa ubumi ubwa bwila na bwila.”

Imbombo 28:20

Ichi cho chifukwa nkalaba ukuti nkomane nawe ukuti tunenezannye. Naloli, impinyiwe ni mpingu pachifukwa icha kusubila zizyo aba Izilayeli bakulindilila.”

1 Timoti 1:1

Ane ne Pabuli, umutumiwa uwa Kilisitu u Yesu ukuyana ni lamulo ilya Chala Umupoki witu, sona nilya Kilisitu u Yesu, yuyo lusubilo lwitu.

Ubuvumbuli 20:15

Umuntu wesi yuyo itabwa lyache litakasimbiwamo mwibuku ilya bumi, akasumbiwanga munyanja iya moto.

Ubuvumbuli 21:6

Akambuzya akati, “Kwamala. Ane ne Alefa nu Omega. Ane ne Bwandilo nu Bumalilo. Umuntu wesi yuyo ali ni nyota, nkwiza pakumupa amizi agha pabulo aghakufuma pambwibwi iyabumi.

Ubuvumbuli 22:1

Po uwantumi yula akandanjizya ulusoko ulwa mizi amapela bumi, ulwakunyezimila ngati lyo ligalasi, lulo lukufuma kuchitengo icha bumwene ubwa Chala nicha Mwana uwa ng'ozi.

Ubuvumbuli 22:17

U Muzimu Umuzelu nu mukolo yuyo akusendwa bakuti, “Zagha!” Umuntu wesi yuyo akwivwa zinizi, wepe anene ati, “Zagha!” Umuntu wesi yuyo ali ni nyota, ize. Umuntu wesi yuyo akughalonda, muleke asende pabulo amizi amapela bumi.

Ubuvumbuli 7:17

Pakuti u Mwana uwa ng'ozi, yuyo ali pakasi na pakasi pachitengo icha bumwene akwiza pakuba mudimi wabo. Akwiza pakubalongolela ku mbwibwi iya mizi amapela bumi. U Chala umwenecho akwiza pakubasyumula amasozi ghosi.”