Yelemiya 17:12 - IBAYIBOLO 2024

¹² Inyumba yitu iyakumwiputilamo u Chala, yili ngati chitengo icha bumwene ubuchindamu ukufuma pabwandilo.

Yelemiya 17:12 Iomraidhean Croise

Masalimo 103:19

U Mwene achikazizye ichitengo chache icha bumwene kumwanya, sona akuvilaghila ivintu vyosi mubumwene bwache.

Masalimo 96:6

Ubuchindamu nu bumwene vili pamaso papache, sona amaka nukuboneka akiza vili mubuzilo bwache ubuzelu.

Yesaya 6:1

Mumwaka ghugho u mwene u Uziya akafwila, nkamwennya u Mwene. Ikaye pachitengo chache icha bumwene, ichapamwanya sona ichakukweziwa nkani, inkazo yache yikizula mu Nyumba iya Chala.

Yesaya 66:1

U Mwene akuti, “Kumwanya cho chitengo chane icha bumwene, sona ichisu ichapasi cho chakutambalizizyapo inyayo zyane. Nkimba yili kokwiyi inyumba yiyo munganzengela ane? Nkimba ubuzilo bwane ubwakutuzyapo, bukwiza pakuba po piyi?

Yelemiya 14:21

Pachifukwa icha itabwa lyako utakatuleke twebene, utakachisamulaye ichitengo chako icha bumwene icha buchindamu. Ukumbukaye ulufingo lwako lulo ukafingana naswe, sona utakalunangannyanje.

Yelemiya 3:17

Pakabalilo kalakala u Yelusalemu akwiza pakwitiziwa pakuba Chitengo icha Mwene, sona inko zyosi zikwiza pakubungana mu Yelusalemu nukulichindika itabwa ilya Mwene. Batakwiza pakuba sona na moyo amabibi.

Ezekiyeli 1:26

Pamwanya pamitu yabo pakaba chicho chikabonekagha ngati chitengo icha bumwene ubwa safile, pamwanya pachitengo icha bumwene pakikala yuyo akaboneka ngati muntu.

Ezekiyeli 43:7

Akati, “Wee mwana uwa muntu, ubu bo buzilo bwane ubwa chitengo chane icha bumwene sona ubuzilo ubwa nyayo zyane. Uku ko kuko nkwiza pakwikala pakasi paba Izilayeli bwila na bwila. Aba Izilayeli batakwiza pakulinyazya sona itabwa lyane izelu pamo abamwene babo, babo bakwiputa ku bachala abanji pamo pakubika imivimba iya bamwene babo pabuzilo ubwa kwiputilapo.

Matayi 25:31

“Bo u Mwana uwa Muntu akwiza pakuba we Mwene poka na bantumi bosi, akwiza pakwikala pachitengo icha bumwene icha buchindamu.

Aba Hebeli 12:2

Zagha tulolotele pa Yesu yuyo we bwandilo nu bumalilo ubwa lwitiko lwitu. Loli pachifukwa icha buhobosu bubo bukamulindilagha, akajimba nkani pachipinjika, napapo chikaba chintu chakukozya isoni, po ilelo akwikala pachitengo icha bumwene kunyobe indilo iya Chala.

Aba Hebeli 4:16

Po zagha tupalamile kuchitengo icha bumwene icha Chala uwachisa nkani umwakusita ubogha, umwakuti tupokele ichisa, sona nukutwavwa pakabalilo kitu akakusobelwa.

Ubuvumbuli 3:21

Umuntu yuyo akupota, nkwiza pakumwitikizya ukwikala nane pachitengo icha bumwene, ukuyana namumo nane nkapotela nukwikala nu Tata pachitengo chache icha ubumwene.