Yelemiya 17:11 - IBAYIBOLO 2024

¹¹ Ngati mumo inkwale yikubalulila amafumbi ghagho yitakatela momumo abeleye nu muntu yuyo akukabila ichuma muzila imbibi. Bo amasiku agha bumi bwache ghapalamila bakwiza pakumuchimbila po pabumalilo akwiza pakuboneka muntu umupunganu.

Yelemiya 17:11 Iomraidhean Croise

Yobu 20:21

Chitalipo nachimo chicho chikasyalapo ichakuti angalya, ubukabi bwache bukamala bosi.

Masalimo 49:13

Izi zyo zizyo zikubawila abantu babo bisubiye bene, sona bo bumalilo ubwa babo bakughakonka amazyu ghanagha.

Masalimo 55:23

Loli wee Chala ukubasumbila muchiliba ichibizu abantu ababibi, po abaghoghi na bazimbuli bakuba bumi, napo we hafu uwa masiku ghabo. Loli ane, nkusubiye wewe.

Ivyili 13:11

Ubukabi ubwakubwaghila umwalubilolubilo bukumala panandipanandi, loli yuyo akubwaghila muntamyo bukukulilakulila.

Ivyili 15:27

Umupafu akubitizizya abamunyumba yache intamyo, loli yuyo aghabengite amabeko akuba nubumi.

Ivyili 21:6

Ubukabi ubwakubwaghila mubuzimbuli, buli ngati lyosi, sona chipingo icha bufwe.

Ivyili 23:5

Nanti wabwagha ubukabi, ukwennya ukuti bwabuka kale, pakuti naloli bukwiza pakumela ivipapande nukubulukila kumwanya ngati lyo lizwanga.

Ivyili 28:16

Umulaghili yuyo akubayivya abantu babo bate na mahala, loli aghabengite amabeko akubanga nubumi ubutali.

Ivyili 28:20

Umuntu umusubiliwa akusayiwanga, loli yuyo akuchimbilila pakuba mukabi naloli akufundiwanga.

Ivyili 28:22

Umumama akubunyonnywa nkani ubukabi, sona atakuzyaghannya ukuti ubupina bukumulindilila.

Ivyili 28:8

Umuntu yuyo akonjelezyapo ubukabi bwache pakupokela ivyakonjelezyapo, akumulundikila umuntu uyunji yuyo akwiza pakubapelela ichisa.

Yelemiya 22:13

U Mwene akuti, “Chighune ku muntu yuyo akuzenga inyumba yache muzila zizyo te ngolosu, yuyo akuzenga ivipinda vyache ivya mumwanya mubuzimbuli, yuyo akubabombezya abantu pabulo, atakubalipila nakamokamo.

Yelemiya 22:17

“Loli amaso ghako nu moyo wako vili pabukabi ubwa buzimbuli, vili pakukupula ibanda ilya bantu abasita nongwa nayimoyimo, sona nukubayivya abantu abasita nongwa nayimoyimo, nukufyula ivintu vyabo.”

Yelemiya 6:13

“Pachifukwa ichakuti ukwandila ku bana mupaka ku basongo bosi banaba bakunyonywa ukukabila ichuma muzila izya buzimbuli. Abalaghuzi na baputi bulo bosi bazimbuli.

Yelemiya 8:10

Polelo nkwiza pakubalemeka abachi babo abanavuli abanji sona amaghunda ghabo ku bantu abanji. Pachifukwa ichakuti ukwandila ku bana mupaka ku basongo bosi banaba bakunyonywa ukukabila ichuma muzila izya buzimbuli. Abalaghuzi na baputi bulo bosi bazimbuli.

Amosi 3:10

U Mwene akuti, “Batamenye na pakubomba ubugholosu, babo bakusunga ivintu ivyakufyula mumalinga ghabo.”

Mika 2:9

Mukubachimbizya abachi aba bantu bane munyumba zyabo izyakuboneka akiza nkani, mukwefyapo ulusayo lwane pabana babo abanandi bwila na bwila.

Mika 7:3

Inyobe zyabo zyosi zimenye nkani pakubomba ububibi, abalaghili bakulaba ivyabupi, abalongi bakwitika amabeko, abantu abamaka nkani bakunena ivintu ivibibi vivyo vyizuye mumoyo ghabo. Po bosi bakubatikila poka.

Zefaniya 1:9

Pisiku lilalila nkwiza pakubafunda, bosi babo bakubiputa aba chala abanji, abantu babo bakwizuzya inyumba izya bachala babo, ni vyongo sona nu bumyasi.

Zekaliya 5:4

U Mwene Uwamaka Ghosi akuti, ‘Nkwiza pakutuma ichighune, chikwiza pakwinjila munyumba iya mwiba wesi yula sona na munyumba iya muntu wesi yuyo akulapa umwabumyasi. Chikwiza pakubanga munyumba yache, nukubaleka bo chinanganizye vyosi vibili amatabwa na mabwe.’ ”

Malaki 3:5

U Mwene Uwamaka Ghosi akuti, “Nkwiza pakupalamila kukwinyu umwakuti imbalongaye. Ntakwiza pakuzyelazyela pakuba ne kaboni kubamayele na bamalaya na babo bakulapa ichilapo icha bumyasi na babo bakubazimbula abambombo amalipilo ghabo, na babo bakubayivya abakolo abafwilwe na bana abalanda pamo batakubabombela ubwanaloli abayeni, pakuti abantu banaba batakunchindika.

Matayi 23:13

“Chighune nkani kukwinyu, amwe mwe bamanyisi aba Ndaghilo naba Falisayi! Mwe bazimbuli mwee! Mukwighalila umulyango uwa Bumwene ubwa Kumwanya pamaso pabantu, po amwe mwebene mutakwinjilamo, pamo ukwitikizya babo bakuyezya ukwinjilamo.

Luka 12:20

Loli u Chala akati, ‘Wee mupunganu awe! Ubusiku bunubu ubumi bwako bukwiza pakufyuliwa, po wewenu akwiza pakusunga ivintu vyako vyosi vinivi?’ ”

1 Timoti 6:9

Loli abantu babo bakulonda ubukabi, bakuwila munjelo, sona na muchipingo icha chinyonywa icha bupunganu ni chakuvulazya, chicho chikubabika abantu mukunanganika na mukuzimila.

Titi 1:11

Ubaghiye ubakanizyanje pakunenanena, pachifukwa ichakuti bakuvulungannya imitu iya bantu munyumba zyosi pakubamanyisya vivyo vitabaghiye pakumanyisiwa. Pakubomba bunubu yikuba ngati yo zila iyakukabilamo indalama.

2 Pitala 2:14

Bakulowa na maso ghabo bulo, sona ni vinyonywa vyabo vitakumala. Bakubategha abantu babo amoyo ghabo ghali mumwanyamwanya. Amoyo ghagho ghamanyiye pakuba mapafu, sona baghuniwa nu Chala!

2 Pitala 2:3

Pachifukwa icha kunyonywa ubukabi abene bakwiza pakubapela amwe pakuba mwe zila iyakukabilamo pakubombezya amazyu aghabuzimbuli. Loli ubulongi bwabo buyaniziwe kale, sona ukuzimila kwabo kukubalindilila.