Yelemiya 17:10 - IBAYIBOLO 2024

¹⁰ “Ane ne Mwene nkwenelezya inyinong'ono, nukughupima umoyo, nkumupa umuntu umuvwalo ukuyana ni nkalo yache, sona ukuyana ni mbombo zyache.”

Yelemiya 17:10 Iomraidhean Croise

1 Abamwene 8:39

ivwa uko kumwanya kuko ukwikala nukubahobokela abantu bako, sona bombapo zimo ukuyana na zyosi zizyo umuntu wesi abomba, pakuti awe uzimenye inyinong'ono izya bantu bosi.

1 Imbili 28:9

“Wee mwana wane Solomoni, umwivwilaye nukumubombela u Chala uwa ghuso nu moyo wako ghosi pakuti u Mwene azimenye inyinong'ono izya muntu na kabombele kache. Nanti ukumulondelezya, ukwiza pakumwagha, loli nanti ukumusula, wepe akwiza pakukukana bwila na bwila.

1 Imbili 29:17

Wee Chala wane, inzimenye ukuti ukwennya mumoyo uwa muntu sona ukuhoboka na bantu aba bwanaloli. Niyipa nukubika nu moyo ghosi sona na mubwanaloli, sona nabennya abantu namumo biyipila na moyo ghabo ghosi sona nu mwakuhoboka nkani.

2 Imbili 6:30

ivwa uko kumwanya kuko ukwikala nukubahobokela abantu bako sona bombapo zimo ukuyana na zyosi zizyo umuntu wesi abomba, pakuti awe uzimenye inyinong'ono izya bantu.

Yobu 34:11

Akumupa umuntu umuvwalo ukuyana ni mbombo zyache; akumubombela umuntu ukuyana ni nkalo yache.

Masalimo 44:21

nkimba ngali u Chala atakazyaghannya zinizi, pakuti azimenye izya kubusyefu bosi ubwa moyo uwa muntu?

Masalimo 44:22

Loli pachifukwa icha wewe, tukukomana nu bufwe isiku lyosi. Tuli ngati zyo ng'ozi zizyo zikubuka pakuboliwa.

Masalimo 62:12

Ichinji chakuti awe Mwene, we lughano, pakuti naloli ukwiza pakumupa umuntu wesi umuvwalo, ukuyana ni mbombo zyache.

Masalimo 7:10

Ingulu yane we Chala, yuyo akubapoka babo bali na moyo amagholosu.

Masalimo 7:9

Wee Chala umugholosu, we uzimenye inyinong'ono nu moyo uwa muntu, zimizya imbombo izya bantu ababibi, sona ubikazyanje abagholosu.

Ivyili 12:14

Akanenele akiza gho muvwalo uwa muntu, ngati mumo zibeleye imbombo zyache inyiza.

Ivyili 17:3

Umoto gho ghugho ghukusunguluzya usiliva nu golide, loli u Mwene weyuyo akughupima umoyo uwa muntu.

Umulumbilili 9:3

Ichi cho chintu ichibibi chicho chikubombiwanga pachisu ichapasi. Ichighune chikubawila abantu bosi umwakuyana bulo. Pakonjelezyapo, inyinong'ono izya bantu zyizuye nu bubibi nu bwachipena bo bachili bumi, po pisinda pache bakufwa umwakuchenusya bulo.

Yesaya 59:18

U Mwene akwiza pakubatanizya, ukuyana na zizyo abantu babomba, sona akwiza pakubatanizya abalwani bache, ni vyisu ivya kubutali nivya papipi.

Yelemiya 11:20

Loli wee Mwene Uwamaka Ghosi, wewe ukulongela mubugholosu uzimenye izya mumoyo na munyinong'ono, leka nennye ukutanizya kwako pabantu aba, pakuti nayibika inongwa yane kukwako.

Yelemiya 12:13

Bakwiza pakupesa ingano, loli bakwiza pakuvuna amivwa. Bakwiza pakulita nkani pakubomba imbombo, loli batakwiza pakuvunamo nakamokamo. Inyinulo yabo yikwiza pakubakozya isoni pachifukwa icha bukali ubwa Mwene.”

Yelemiya 20:12

Wee Mwene Uwamaka Ghosi, wewe ukubayela abagholosu, ukuzyennya zizyo zili mumoyo ghabo na munyinong'ono zyabo. Leka nennye ukutanizya kwako papabo, pakuti nayibika inongwa yane munyobe zyako.

Yelemiya 21:14

“Nkwiza pakubafunda ukuyana ni mbombo zyinyu, Nkwiza pakughocha umusitu winyu, umoto ghukwiza pakulungulizya ivintu vyosi vivyo vibazyunguliye. Ane ne Mwene nanena.”

Yelemiya 23:2

Polelo u Mwene u Chala uwa Izilayeli akubabuzya abalongozi babo bakubasungilila abantu bane akuti, “Pachifukwa ichakuti mwabanyampannya abantu bane nukubachimbizizya kubutali, sona mutakubasungilila, nkwiza pakubika ulufundo papinyu pachifukwa icha mbibi zizyo mwabomba.

Yelemiya 32:19

imbatiko zyako mpalapala nkani sona imbombo zyako zyamaka nkani. Amaso ghako ghakwenelezya. Amaso ghako ghakuzyennya namumo inkalo izya bantu zibeleye. Ukumupa umuntu wesi umuvwalo ukuyana ni nkalo yache ni mbombo zyache.

Ezekiyeli 11:5

Po Umuzimu uwa Mwene akiza papane nukumbuzya ukuti, “Izi zyo zizyo u Mwene akunena kuba Izilayeli: Inzimenye zizyo zili munyinong'ono zyinyu.

Ezekiyeli 14:5

Nkwiza pakubomba bunubu umwakuti inganyosye amoyo agha bantu aba Izilayeli, babo banchimbiye pachifukwa icha kwiputa ivifwani vyabo.’

Mika 7:13

Ichisu chikwiza pakuba chisami, pachifukwa icha bantu babo bakwikalamo sona pachifukwa icha mbombo zyabo.

Matayi 16:27

Pakuti u Mwana uwa Muntu ali papipi pakwiza mubuchindamu ubwa Wise poka na bantumi bache, po akwiza pakumupa umuvwalo umuntu wesi ukuyana ni mbombo zyache.

Matayi 6:4

Po vivyo mwabomba vikwiza pakuba vya kubusyefu. Ughuso yuyo akwennya izyakubusyefu akwiza pakubapa umuvwalo.

Yohani 2:25

Patakalondiwa ukuti yumo amubuzye nizya bantu pakuti umwenecho akazimanya inyinong'ono zyabo.

Imbombo 1:24

Po bakiputa ukuti, “Wee Mwene, uzimenye inyinong'ono izya muntu wesi, po tulanjizye weka pa babili aba yuyo umusalite,

Aba Loma 6:21

Nkimba mukakabapo ichoni pakubomba ivintu ivyakukozya isoni vinivi? Pakuti ubumalilo ubwa vintu vinivi, bo bufwe bwene!

Aba Loma 8:27

Sona u Chala yuyo akwenelezya mukasi mumoyo ghitu, azimenye mumo zibeleye inyinong'ono izya Muzimu Umuzelu pakuti u Muzimu Umuzelu akubiputila abantu bache abazelu ukuyana nu bwighane bwache.

Ubuvumbuli 2:23

Nkwiza pakubaghogha abantu babo bakendagha nawe, po ivipanga vyosi vikwiza pakumanya ukuti ane nene nkughamanya amoyo ghabo, sona ni nyinong'ono zyabo. Nkwiza pakumulipila umuntu wesi ukuyana ni mbombo zyache.

Ubuvumbuli 20:12

Nkennya sona abantu abafwe, abasongo na banandi bulo pantazi pachitengo icha bumwene. Amabuku ghakighuliwa, po ibuku ilinji likighuliwa, ili lyo libuku ilya bumi. Abantu abafwe bakalongiwa ukuyana ni mbombo zyabo zizyo bakabombagha vivyo vikasimbiwa mumabuku ghalaghala.

Ubuvumbuli 22:12

U Yesu akati, “Ivwa kuno! Nkwiza lunulu! Nkwiza nu muvwalo wane pakumupa umuntu wesi ukuyana ni mbombo zyache.

1 Samuweli 16:7

Loli u Mwene akamubuzya u Samuweli akati, “Utakennyanje akabonekele kache, pamo ubutali bwache, pakuti ane namukana. U Mwene atakwennya ukuyana namumo abantu bakwenezezya. Abantu bakwennya akabonekele, loli u Mwene akwennya mumoyo.”