Yelemiya 16:21 - IBAYIBOLO 2024

²¹ U Mwene akuti, “Po nkwiza pakubamanyisya lyoka bulo amaka ghane nu bukulu bwane. Po bakwiza pakumanya ukuti, ane ne Mwene.”

Yelemiya 16:21 Iomraidhean Croise

Masalimo 83:18

Bakumanye ukuti naloli awe itabwa lyako we Mwene, we Wakumwanya Nkani pachisu chosi ichapasi ichi.

Masalimo 9:16

U Mwene ivumbuye mwene pachifukwa icha bwanaloli bwache, sona ababibi balemiwe muchipingo icha mbombo zyabo.

Ukufuma 14:4

Nkwiza pakughupela umoyo uwa Falabo pakuba mukafu nkani umwakuti akwiza pakubachimbizya. Loli itabwa lyane likwiza pakuchindikiwa, bo namupota u Falabo na basilikali bache, sona aba Ijiputi bosi bakwiza pakummanya ane ukuti ne Mwene.” Po aba Izilayeli bakabomba vivyo bakabuziwa.

Ukufuma 15:3

U Mwene wabwite uwamaka, itabwa lyache we Mwene.

Ukufuma 6:3

Ane ne Chala Uwamaka Ghosi. Nkamubonekela u Abulahamu nu Yisaki sona nu Yakobo, loli intakitambula itabwa lyane ukuti ne Mwene.

Yesaya 43:3

Pakuti ne Mwene, u Chala winyu, Umuzelu uwa Izilayeli, Umupoki winyu, nkwiza pakukupa u Ijiputi pakubapoka amwe, u Etiyopiya nu Seba mubuzilo bwako.

Yelemiya 33:2

“U Mwene yuyo akapela ichisu ichapasi, akachimata nukuchizenga sona, yuyo itabwa lyache we Mwene akati,

Ezekiyeli 24:24

U Ezekiyeli akwiza pakuba chimanyilo chinyu, mukwiza pakubomba ngati mumo abombeye. Bo zinizi zyabombiwa, po mukwiza pakumanya ukuti ane ne Mwene Uwamaka Ghosi.’

Ezekiyeli 24:27

Pakabalilo kalakala umulomo wako ghukwiza pakwighuka. Ukwiza pakunena nawe sona utakwiza pakuba bulo myee. Po ukwiza pakuba chimanyilo kukwabo, sona bakwiza pakuzimanya ukuti ane ne Mwene.”

Ezekiyeli 25:14

Nkwiza pakubatanizya aba Edomu namaka agha bantu bane aba Izilayeli, bakwiza pakubomba nabo ukuyana namumo bubeleye ubukali bwane sona nukukalala kwane, bakwiza pakumanya ukutanizya kwane, u Mwene Uwamaka Ghosi anena.’

Ezekiyeli 6:7

Abantu bamo pakasi papinyu bakwiza pakughoghiwa, po mukwiza pakumanya ukuti ane ne Mwene.

Amosi 5:8

U Mwene akapela intondwa nukuzibika mubuzilo bwache, sona akachipela ichisi pakuba ndabindabi, akaghupela umusanya pakuba busiku, weyuyo mwene akughitizya amizi agha munyanja, nukughapungulila pachisu, itabwa lyache we Mwene.