Yelemiya 16:19 - IBAYIBOLO 2024

¹⁹ Wee Mwene, awe we maka ghane, nilinga lyane sona nkuvwamila mumwako mukabalilo akantamyo, inko izya bantu izya ukufuma pachisu ichapasi, zikwiza pakwiza kukwako nukuti, “Abanyenya bitu batakapyanapo chimo, loli abachala aba bumyasi sona na vivyo vite ni mbombo nayimoyimo.

Yelemiya 16:19 Iomraidhean Croise

1 Abamwene 20:23

Pakabalilo kalakala amakambala agha mu Siliya ghakamubuzya u mwene wabo ghakati, “Abachala babo bo bachala aba mumaghamba. Ichi cho chifukwa bakaba bamaka nkani ukutuchila. Loli nanti tukulwa nabo ubwite mwinkombe naloli tukwiza pakubapota.

Masalimo 18:3

Nkumwitizya u Mwene pakuti amapalo ghamubaghiliye, po akumpoka munyobe izya balwani bane.

Masalimo 19:14

Amazyu ni nyinong'ono izya mumoyo wane vikuhobosyanje, wee Mwene, we lyalabwe lyane, sona we mutabuli wane.

Masalimo 27:5

Pakuti pakabalilo akantamyo, akwiza pakunsungilila akiza mu Nyumba yache. Akwiza pakunfisa mukasi muchisakasa chache nukumbika pamwanya pilyalabwe itali.

Masalimo 46:1

U Chala we wapakuvwama pitu, sona we maka ghitu, yuyo iyanizye pakutwavwa pakabalilo akantamyo.

Masalimo 46:11

U Mwene Uwamaka Ghosi ali naswe, sona u Chala uwa Yakobo we lilinga lyitu.

Masalimo 46:7

U Mwene Uwamaka Ghosi ali naswe, sona u Chala uwa Yakobo we lilinga lyitu.

Masalimo 62:2

Wee lyalabwe lyane nu bupoki bwane, sona we lilinga lyane, po ntakwiza pakuyingana nalumolumo.

Masalimo 62:7

Ubupoki bwane nu muchizi wane vyosi vili mwa Chala, we lyalabwe lyane ilyamaka, sona buzilo bwane ubwakuvwamilamo.

Masalimo 65:3

Pakabalilo kako imbibi zikang'wama papitu, awe ukatuhobokela ububibi bwitu.

Masalimo 68:31

Aba Ijiputi bamwizilaye ni vyabupi u Chala, bope aba Etiyopiya bakomaye inkufi bo bakwiputa.

Masalimo 86:9

Wee Mwene inko zyosi zizyo wazipela, zikwiza pakukwiputa pamaso papako, po zikwiza pakulichindika itabwa lyako.

Ivyili 18:10

U Mwene ali ngati chitembe ichamaka, mumo abagholosu bangaponelamo.

Yesaya 25:4

Wee Mwene waba we chakuponelamo abantu abapina, nabapotwe pakabalilo akantamyo, we kubapoka kumpepo iya maka, sona we kazundila kabo. Pakuti umuyi uwa muntu umukali, ghuli ngati mpepo yiyo yikukoma pachibumba

Yesaya 32:2

Umuntu wesi akwiza pakuba ngati buzilo ubwa kuvwamamo kumpepo, nu buzilo ubwa kuponelamo kuvula, ngati tusoko utwa mizi munkolongo, numuzyezye uwa ilyalabwe ikulu nkani muchisu ichumizu.

Yesaya 44:10

Nkimba pali ukukabapo ichoni pakubiza abachala abavifwani, pamo pakusunguluzya abachala abachela?

Yesaya 44:20

Akulya itoyi, inyinong'ono zyache izya bumyasi zikumusovya, atangipoka mwene, pamo nukuti, “Nkimba ichintu ichi, chicho chili munyobe yane iyandilo te chabumyasi?”

Yesaya 45:14

U Mwene akuti, “Ubukabi ubwa chisu icha Ijiputi ni chisu icha Etiyopiya, bukwiza pakuba bwinyu, abantu abatalitali bakwiza pakuba bazya binyu, nukubakonka bo bapinyiwe ni minyololo. Bakwiza pakufughamila nukulambilizya ukuti, ‘Naloli u Chala ali nawe, sona atalipo uyunji, atalipo u chala uwamwabo.’ ”

Yesaya 49:6

U Mwene akamubuzya akati, “Ko kantu akanandi nkani, akakuti, ubanje we mubombi wane. Utakwiza pakubomba yene, iya kubanyosezya abaluko ulwa Yakobo, sona nukubanyosezya aba Izilayeli babo bakasyalako, loli nkwiza pakukupela pakuba we lukozyo ulwa bantu babo bate ba Yuda, umwakuti abantu bosi aba muchisu ichapasi bapokiwe.”

Yesaya 62:2

Inko zikwiza pakubwennya ubugholosu bwako! Abamwene babo bakwiza pakubwennya ubuchindamu bwako. Ukwiza pakwitiziwa nitabwa ipya, lilyo u Mwene akwiza pakubitizya.

Yelemiya 10:3

Mutakazikonkaye inyiho izya bulo izya bantu aba inko izinji, bakudumula ikwi mumusitu, sona ufundi akulibiza ni mbiso.

Yelemiya 10:5

Ivifwani vyabo viyanite bulo ni vyakoghofekezya ivinyamana mumughunda uwa ving'wela amizi, ivifwani vyabo vitanganena, vikunyamuliwa bulo pakuti vitangenda. Mutakavinyilaye, pakuti vitangabavulazya. Vite namaka naghamoghamo aghakubombela inyiza.”

Yelemiya 12:16

Loli pisinda pache nanti nu moyo ghosi bangamanyila pakwenda muzila izya bantu bane, nukulapila mwitabwa lyane bo bakunena ukuti, ‘Nkulapila mwitabwa ilya Mwene Umumi,’ ukuyana namumo bakabamanyisikizya abantu bane pakulapila mwitabwa ilya Baala, po bakwiza pakwikala poka na bantu bane, sona bakwiza pakwikala mukasi mubantu bane.

Yelemiya 14:8

Wee lusubilo ulwa ba Izilayeli, we Mupoki wabo pakabalilo akantamyo, nkimba choni chicho ukuba ngati we muyeni muchisu, ngati mwendazila yuyo akwikalamo bulo ubusiku boka mpela?

Yelemiya 17:17

Utakanyoghofyanje, awe nkuvwamamo mukabalilo akantamyo zyane.

Yelemiya 2:11

Nkimba lulipo lumo uluko, lulo lwanduyepo lumo abachala babo, napapo bate boba chala? Loli pope bulo abantu bane baghulizannya u Chala wabo uwabuchindamu nabachala babo aba mwalwemwalwe.

Yelemiya 2:8

Abaputi batakalalusyapo ukuti, ‘Nkimba u Mwene ali kwiyi?’ Abamanyandaghilo batakamanya, abalongozi bakansambukila. Abalaghuzi bakalaghulila mwitabwa ilya chala u Baala, nukuvikonka ivifwani vivyo vite ni mbombo.”

Yelemiya 3:23

Naloli, ichongo ichakwiputa ivifwani patughamba na pamaghamba chabuzimbuli, Naloli ubupoki bwitu buli mwa Mwene u Chala uwa Izilayeli.

Yelemiya 33:9

Akaya akakulu kanaka kakwiza pakuba kaya akakufumusya imbili yane inyiza, niya lusekelo sona niya kunchindika sona niya muchizi pamaso pabantu bosi aba inko zyosi pachisu ichapasi bo bakwivwa inyiza zyosi zizyo nakabombela akaya kanaka. Bakwiza pakuba nubogha bo bakwennya ukuti nabapa ubukabi nu mutende uwakufikapo.

Yelemiya 4:2

nanti mukulapa nu bwanaloli na mubugholosu, naloli nu Mwene umumi inko zikwiza pakusayiwa na yuyo, sona mumwache mukwiza pakuba ubuchindamu.”

Ezekiyeli 11:16

“Polelo ubabuzye ukuti u Mwene Uwamaka Ghosi akuti, ‘Nene nkabatuma pakwikala ku inko izya kubutali nukubanyampanikizya kuvyisu ivinji ivya kubutali. Loli pakabalilo aka nkwiza pakuba ne buzilo ubuzelu muvyisu mumo babukite.’

Yoweli 3:16

U Mwene akwiza pakubuluma mu Ziyoni, sona akwiza pakupaya mu Yelusalemu. Kumwanya ni chisu ichapasi vikwiza pakuyingana. Loli u Mwene akwiza pakuba chakuponelamo abantu bache, sona akwiza pakuba lilinga ilya ba Izilayeli.

Amosi 2:4

U Mwene akuti, “Pakuti abantu aba mu Yuda bakunanga kabilikabili, po ane ntakwiza pakubwisya ubukali bwane. Pachifukwa ichakuti balukana ululaghilo ulwa Mwene sona baghasulannya amalamulo ghache. Pakuti abachala abamyasi babasobezizye, abachala babo abanyenya bakabiputagha.

Nahumu 1:7

U Mwene mwiza, wakuponelamo mukabalilo akantamyo. Akubasungilila babo bamusubiye,

Habakuku 3:19

U Mwene Uwamaka Ghosi we maka ghane, akuvipela ivinama vyane pakuba ngati vinama vya mbabala, sona akunyitikizya ane ukufika pamwanya pighamba. Kumulongozi uwa bwimbi. Pakubombezya ipango.

Zekaliya 2:11

Pakabalilo kalakala, inko inyinji zikwiza pakwiza kwa Mwene, sona zikwiza pakuba bantu bache. Nkwiza pakwikala pakasi papinyu, mukwiza pakumanya ukuti u Mwene Uwamaka Ghosi antumite pakasi papinyu.

Malaki 1:11

Ukwanda kubufumilo bwizuba mupaka kubwinjililo bwizuba itabwa lyane likwiza pakuba likulu nkani pakasi pabantu aba inko izinji. Kosi na kosi abantu bakwiza pakufukizya utwakununkila nukubika ivyakwiyipa ivyenecho pachifukwa icha litabwa lyane pakuti itabwa lyane likwiza pakuba likulu nkani pakasi pa inko. Ane ne Mwene Uwamaka Ghosi nanena.”

Aba Loma 1:25

Bakutanana ubwanaloli ubwa Chala nu bumyasi. Bakuvyiputa nukuvibombela ivipeliwa mubuzilo ubwa Chala, Umupeli umwenecho apaliwanje bwila na bwila! Ameni.

1 Pitala 1:18

Pakuti muzimenye ukuti mukasatuliwa kunkalo zyinyu imbibi zizyo mukapyana ku banyenya binyu. Amwe mutakasatuliwa ni vintu vimo vivyo vikunanganika ngati we siliva pamo ugolide.

Ubuvumbuli 11:15

Uwantumi waseveni akalizya ipati lyache, sona izyu ilya pamwanya nkani likivwika kumwanya likati, “Amaka aghakulaghilila ichisu ichapasi ilelo ghali munyobe izya Mwene nu Mesiya wache. Akwiza pakulaghila bwila na bwila!”