Yelemiya 16:15 - IBAYIBOLO 2024

¹⁵ loli bakwiza pakunena ukuti, ‘Nkulapila mwa Mwene umumi, yuyo akabefya abantu bache muchisu icha kumitu na muvyisu vyosi vivyo akabachimbizizyako.’ Pakuti nkwiza pakubanyosezyamo muchisu chicho nkabapa abanyenya babo.”

Yelemiya 16:15 Iomraidhean Croise

Ubwandilo 28:15

Nkwiza pakuba nawe nukukusungilila kosi kuko ukubuka, sona nkwiza pakukunyosezya kuchisu chinichi. Ntakwiza pakukuleka nalumolumo mupaka papo nakubombela zyosi zizyo nkakulayizya.”

Masalimo 106:47

Wee Mwene Chala witu, tupoke sona tubungannye poka nukutupoka munyobe izya inko izinji, umwakuti tulipalizyanje itabwa lyako izelu, nukukupala.

Yesaya 14:1

U Mwene akwiza pakuba ni chililizi na bamunyumba iya Izilayeli, akwiza pakumusala sona nukumwikazya muchisu ichabo ni chabo. Abayeni bakwiza pakuba poka nabo munyumba yache.

Yelemiya 12:15

Loli bo nabanyunkulamo, nkwiza pakubapelela sona ichisa abapalamani bala, sona nkwiza pakulunyosezya uluko losi kuchilingo chache na kuchisu ichache ni chache.

Yelemiya 23:3

Ane nemwenecho nkwiza pakubabungannya abantu bane abakusyalako, nkwiza pakubefyamo muvyisu mumo nkabachimbizizyamo nukubanyosezya muvyisu vyabo, mumo bakwiza pakunyama nkani sona bakwiza pakuba binji nkani.

Yelemiya 23:7

U Mwene akuti, “Kakwiza akabalilo kako abantu batakwiza pakunena sona ukuti, ‘Tukulapila mwa Mwene umumi, yuyo akabafumya aba Izilayeli mu Ijiputi,’

Yelemiya 23:8

loli bakwiza pakuti, ‘Tukulapila mwa Mwene umumi, yuyo akabafumya aba Izilayeli muchisu icha kumitu sona na kuvyisu vyosi vivyo akabanyampanizizyako.’ Po bakwiza pakwikala muchisu ichabo ni chabo.”

Yelemiya 24:6

Nkwiza pakubasungilila nukubabombela inyiza, sona nkwiza pakubanyosezya kuchisu chabo. Nkwiza pakubazenga sona ntakwiza pakubamongolannya. Nkwiza pakubabyala sona ntakwiza pakubanyunkulannya.

Yelemiya 29:14

Mukwiza pakunyagha sona nkwiza pakubanyosezya ubwiza bwinyu bosi nukubabungannya ukufuma mu inko zyosi kuko nkabachimbizizyako ngati bazya. Nkwiza pakubanyosezya ku buzilo bubo mukikalaghako bo inchili pakubatuma kubuzya.”

Yelemiya 3:18

Mumasiku ghalaghala ubumwene ubwa Yuda bukwiza pakuba poka nu bumwene ubwa Izilayeli, bosi poka bakwiza pakufuma kuchisu icha kumitu nukubasendela kuchisu chicho nkabapa abanyenya binyu pakuba mpyana yabo.”

Yelemiya 30:10

“Wee Yakobo umubombi wane, utakanyilaye, wee Izilayeli, utakabanje nubogha. Naloliloli nkwiza pakukupoka ku vyisu ivyakubutali, na banyenya bako ukufuma kuchisu icha buzya. Abaluko ulwa Yakobo bakwiza pakunyokela muchisu chabo, sona bakwiza pakwikala akiza nkani mumutende nu mwakufwasa, sona atakwiza pakubapo nayumoyumo uwakuboghofya.

Yelemiya 30:3

Akabalilo kakwiza kako nkwiza pakubanyosezya abantu bane aba Izilayeli naba mu Yuda, nukubanyosezya kuchisu chicho nkabapa abanyenya babo ukuti bikalayemo.’ ”

Yelemiya 31:8

Nkwiza pakubefyako kuchisu icha kumitu nukubabungannya ukufumila kubumalilo ubwa chisu. Pakasi papabo pakwiza pakubapo abafwamaso na balemazu, abakolo babo bakaba ni nyanda na bakolo babo bakaba papipi pakusayiwa. Ichilundilo icha bantu chikwiza pakunyokako.

Yelemiya 32:37

Nkwiza pakubabungannya ukufumila mutwaya tosi tuto nkabachimbizizyamo bo nkalaye nkani. Nkwiza pakubanyosezya ku buzilo bunubu sona nkwiza pakubapela pakwikalagha kunuku umwakufwasa.

Yelemiya 50:19

Loli nkwiza pakumunyosezya u Izilayeli pabuzilo bwache ubwakudimapo, po akwiza pakulyanga ku Kalimeli naku Bashani. Akwiza pakwikuta mutughamba utwa Efulayimu nu twa Giliyadi.’

Ezekiyeli 36:24

“ ‘Po nkwiza pakubafumyamo mu inko; nkwiza pakubabungannya ukufuma muvyisu vyosi nukwiza namwe muchisu chinyu.

Ezekiyeli 39:28

Po bakwiza pakumanya ukuti ane ne Mwene u Chala wabo, napapo nkabatuma kubuzya pakasi pa inko, nkwiza pakubabungannya muchisu ichabo ni chabo, ntakwiza pakumuleka nayumo kwisinda.

Yoweli 3:1

U Mwene akuti, “Mumasiku ghalaghala, sona na pakabalilo kalakala, bo nkubanyosezya ubwiza abantu aba mu Yuda, na mu Yelusalemu,

Amosi 9:14

Nkwiza pakubanyosya sona abantu bane kuchisu chabo. “Bakwiza pakutuzenga sona utwaya twabo utukulu nkani utwakunanganika nukwikala mulamula. Bakwiza pakubyala amampesya nukung'wela uvinyo wabo, bakwiza pakulima amaghunda, nukulya ivikomwa vyabo.

Amosi 9:15

Nkwiza pakubikazya aba Izilayeli muchisu ichabo ni chabo, batakwiza pakunyunkuliwamo sona muchisu chicho nabapa.” U Mwene u Chala winyu anena.