Yelemiya 16:13 - IBAYIBOLO 2024

¹³ Po nkwiza pakubasumbila kuzi kuchisu ichi, muchisu chicho amwe poka na banyenya binyu mutachimenye, mulamula momumo mukwiza pakubabombela abachala abanji pamusanya na pabusiku pakuti ntakwiza pakuba namwe ni chisa nachimochimo.’ ”

Yelemiya 16:13 Iomraidhean Croise

2 Abamwene 25:21

U mwene akabaghoghela mu Libila muchigaba icha Hamati. Po abantu aba mu Yuda bakalemiwa pakuba bakayidi kubutali nkani ni chisu chabo.

2 Imbili 7:20

po nkwiza pakubanyunkulamo aba Izilayeli muchisu chane chicho nabapiye. Nkwiza pakuyikana Inyumba yiyo nayipaghula ukuti inchindikiliwanjemo. Nkwiza pakuyipela pakuba kapangwi bulo sona ni chakusekiwa pakasi pabantu bosi.

Masalimo 81:12

Po nkabaleka bulo na moyo ghabo amakafu, umwakuti babombaye vivyo bakuvilondagha.

Yelemiya 10:18

U Mwene akuti, “Nkwiza pakubataghila abantu aba kubutali ni chisu, nkwiza pakubizila nintamyo umwakuti bivwisye.”

Yelemiya 14:8

Wee lusubilo ulwa ba Izilayeli, we Mupoki wabo pakabalilo akantamyo, nkimba choni chicho ukuba ngati we muyeni muchisu, ngati mwendazila yuyo akwikalamo bulo ubusiku boka mpela?

Yelemiya 15:1

Po u Mwene akambuzya akati, “Napapo u Mozesi nu Samuweli bangimilila pamaso papane nukubiputila abantu banaba, pope bulo ngali intakabapelela ichisa abantu banaba. Befyepo pamaso papane! Babuzye babukaye!

Yelemiya 15:14

Nkwiza pakubapela pakuba bazya kubalwani binyu muchisu chicho amwe mutachimenyepo nalumolumo, pakuti ubukali bwane buli ngati moto ghugho ghukwiza pakwaka bwila na bwila.”

Yelemiya 15:4

Nkwiza pakubapela abantu aba mu Yuda pakuba chintu chakoghofya mubumwene bosi ubwa muchisu ichapasi pachifukwa icha vivyo u Manase u mwana uwa Hezekiya u mwene uwa ba Yuda akabomba mu Yelusalemu.

Yelemiya 16:5

U Mwene akuti, “Mutakinjilayemo munyumba mumo muli ichililo. Mutakalilaye pamo ukulanjizya ichitima, pakuti nefyamo umutende wane nu lughano lwane sona ni chisa chane mubantu banaba.

Yelemiya 17:4

Mukwiza pakutagha vyosi ivya pachilingo, vivyo nkabapa pachifukwa icha kupuvya kwinyu. Nkwiza pakubapela bazya abakubabombela abalwani binyu, muchisu chicho mutachimenyemo lumo, pakuti ubukali bwane bukwaka ngati moto ghugho ghutakuzimamo nalumo.”

Yelemiya 22:26

Nkwiza pakukusumbila kuchisu ichinji, awe poka nu nyoko yuyo akakupapa, kuko mwebosi mutakapapiliwa, po mukwiza pakufwila kulakula.

Yelemiya 22:28

Nkimba u Yehoyakimu yunuyu muntu wenu, yuyo ali ngati yo sonta iya kufwantika, yiyo yitakulondiwa napo panandi? Nkimba choni chicho yuyo poka na bana bache, basumbiwe kuchisu chicho batachimenyepo nalumolumo?

Yelemiya 5:19

Sona nanti abantu bakukulalusya bakuti, ‘Nkimba choni chicho u Mwene u Chala witu atubombela zyosi zinizi?’ awe Yelemiya, ubamule uti, ‘Ngati mumo mukamulekela u Mwene, nukubabombela abachala abayeni muchisu chinyu, momumo mukwiza pakubabombela abayeni muchisu chicho te chinyu.’ ”

Yelemiya 6:15

Nkimba bate ni soni pakubomba ivinyazu vinivi? Awe, bate ni soni nazimozimo sona batakuwisya ivyeni vyabo pasi. Pakuti bakwiza pakuwila poka na bamwabo babo bakawa kale. Bakwiza pakuwila zila bo nkubafunda. Ane ne Mwene nanena.”

Ukukumbusya Amalamulo 28:36

U Mwene akwiza pakubachimbizizya amwe poka nu mwene winyu kuchisu ichiyeni, chicho amwe pamo abanyenya binyu mutachimenyepo nalumolumo. Kulakula mukwiza pakubiputa abachala abanji, babo bapangiwe na makwi, sona na mabwe.

Ukukumbusya Amalamulo 29:28

U Mwene akakalala nkani, umwakuti akabanyunkulamo muchisu chinichi nukubasumbila kuchisu ichiyeni, ukuyana namumo zibeleye nilelo.”