Yelemiya 16:11 - IBAYIBOLO 2024

¹¹ Po awe ubamule uti, ‘Pachifukwa ichakuti abanyenya binyu bakandeka, po bakabakonka abachala abanji nukubabombela sona bakanda pakubiputa. Bakankana sona batakazisunga indaghilo zyane.

Yelemiya 16:11 Iomraidhean Croise

1 Abamwene 9:9

Po abantu bakwiza pakwamula ukuti, ‘Pachifukwa ichakuti bakamukana u Mwene u Chala wabo, yuyo akabefya abanyenya babo mu Ijiputi. Bakilondela bene abachala abanji nukubiputa sona nukubabombela. Ichi cho chifukwa u Mwene abawisizya intamyo zyosi zinizi.’ ”

2 Imbili 7:22

Po abantu bakwiza pakwamula ukuti, ‘Pachifukwa ichakuti bakamukana u Mwene u Chala uwa banyenya babo, yuyo akabefya mu Ijiputi. Bakilondela bene abachala abanji nukubiputa sona nukubabombela. Ichi cho chifukwa u Mwene abawisizya intamyo zyosi zinizi.’ ”

Yelemiya 13:22

Nanti mukwilalusya mwebene mukuti, ‘Nkimba choni chicho zyosi zinizi zyatuwila?’ Pachifukwa icha mbibi zyinyu inyinji ivyakuvwala vyinyu vyazepuliwa sona amabili ghinyu ghayinviwa.

Yelemiya 2:8

Abaputi batakalalusyapo ukuti, ‘Nkimba u Mwene ali kwiyi?’ Abamanyandaghilo batakamanya, abalongozi bakansambukila. Abalaghuzi bakalaghulila mwitabwa ilya chala u Baala, nukuvikonka ivifwani vivyo vite ni mbombo.”

Yelemiya 22:9

Ilyamulo likwiza pakuba lyakuti, ‘Chifukwa chakuti balulekite ulufingo ulwa Mwene u Chala wabo sona bakubiputa nukubabombela abachala abanji.’ ”

Yelemiya 44:3

pachifukwa ichakuti abantu bakankalalizya sona bakabomba ububibi. Bakocha utwakununkila sona bakabiputa abachala abanji, babo amwe mwebenecho pamo abanyenya binyu mutakabamanyamo nalumolumo.

Yelemiya 8:2

Ghakwiza pakunyampaniziwa kwizuba na kumwezi sona ni tondwa zyosi vivyo bavighanite nkani nukuvibombela sona vivyo bavikonka nukulabako amahala nukuvyiputa. Batakwiza pakughabungannya amafupa ghala pamo ukughasyila, loli ghakwiza pakuba muvundo pamwanya pitope.

Yelemiya 9:14

Mubuzilo bwache bakonka amoyo ghabo amakafu, babiputa abachala babo aba Baala ngati mumo abanyenya babo bakabamanyizikizya.”

Nkuto 5:7

Abanyenya bitu bakananga, po bazimila, aswe tukufundiwa pachifukwa icha imbibi zyabo.

Ezekiyeli 11:21

Loli abantu babo bighanite pakubomba ubunyazu sona nukwiputa ivifwani. Nkwiza pakubatanizya pachifukwa icha zizyo babomba, u Mwene Uwamaka Ghosi anena.”

Amosi 2:4

U Mwene akuti, “Pakuti abantu aba mu Yuda bakunanga kabilikabili, po ane ntakwiza pakubwisya ubukali bwane. Pachifukwa ichakuti balukana ululaghilo ulwa Mwene sona baghasulannya amalamulo ghache. Pakuti abachala abamyasi babasobezizye, abachala babo abanyenya bakabiputagha.

Malaki 3:7

Ukufuma pakabalilo aka banyenya binyu mukepukako ku ndaghilo zyane sona mutakazisunga.” U Mwene Uwamaka Ghosi anena, “Nyokela kukwane po nane nkwiza pakunyokela kukwinyu. “Loli mukulalusya mukuti, ‘Nkimba tunganyokela bulibuli?’

1 Pitala 4:3

Pakuti kale mukatagha akabalilo kinyu pakubomba ivintu vivyo abantu abakuzi bakabombagha. Amwe mukabombagha ubwamalaya, ni vinyonywa nu bwaching'wela nu bupafu, sona nukwiputa ivifwani.

Abalongi 2:11

Po aba Izilayeli bakamunangila nkani u Mwene nukumwiputa u Baala.