Yelemiya 15:8 - IBAYIBOLO 2024

⁸ Nkwiza pakonjelezya ubwinji ubwa bakolo abafwilwe, ukuchila nu musesenga uwa munyanja. Nkwiza pakubasendela uwakubanangannya, abamayi na bana babo pakasi pamusanya, Umwakuchenusya bulo nkwiza pakubizila nintamyo ni vyakoghofya.

Yelemiya 15:8 Iomraidhean Croise

Yesaya 3:25

Abanavuli bakwiza pakughoghiwa na bapanga, sona ababwite binyu abajivu bakwiza pakufwila kubwite.

Yesaya 3:26

Imilyango iya Ziyoni yikwiza pakulila nukufwifwitila, sona mutakwiza pakuba nachimochimo, po akwiza pakwikala palufumbi.

Yesaya 4:1

Pisiku lilalila abakolo seveni bakwiza, pakumulema umwanavuli weka nukuti, “Tukwiza pakulyanga ivyakulya vyitu, nukwilondela twebene amenda. Loli utwitikizye ukuti, twitiziwanje bachi bako, sona utwefyezyeko isoni!”

Yelemiya 16:3

Pakuti umu momumo u Mwene akunenela nizya bana abalumendo na balindu babo bapapiliwe muchisu ichi sona nizya bakolo babo bo banyina sona na banavuli babo bo bawise:

Yelemiya 18:21

Po ilelo Mwene, baleke abana babo bafwanje nizala, baleke bafwile kubwite. Baleke abachi babo babanje bafwilwe, abasita bana nabamobamo. Baleke abalume babo baghoghiwe, baleke abalumendo bafwile kubwite.

Yelemiya 22:7

Nkwiza pakukutumila abantu aba kunangannya, bo umuntu wesi ali ni vilwilo vyache sona bakwiza pakubola amatabwa amiza agha mwale, nukughasumbila pamoto.

Yelemiya 4:16

“Muzisoke inko, mufumusye mu Yelusalemu muti, ‘Abasilikali aba kuchisu icha kubutali bakwiza, pakulwa nutwaya utukulu nkani utwa Yuda.

Yelemiya 5:6

Polelo inkalamu iya mumusitu yikwiza pakubaghogha, sona abakambwe aba munkolongo bakwiza pakubanangannya. Uzyela akwiza pakubavwamilila papipi nutwaya twabo utukulu. Akwiza pakubazepulannya mutupusa umuntu wesi yuyo akufumila kuzi, pakuti ukusambuka kwabo kukulu nkani, sona bate basubiliwa.

Yelemiya 6:26

Mwee bantu bane, vwala amasaka sona mughalaghataye mwitoyi, mulilaye umwakukolomoka, ngati mumo umuntu akumulilila u mwana wache weka naweka, pakuti umwakuchenusya bulo uwakutunangannya akwiza pakutwizila.

Nkuto 5:3

Twaba twe balanda, sona tute na batata, po abamayi baba bakolo abafwilwe.

Ezekiyeli 22:25

Abamwene babo bali ngati nkalamu zizyo zikubuluma zikukavulannya ichinyamana. Bakubaghogha abantu, bakusenda ivyuma vyabo ni vintu vyabo ivya mutengo, nukubapela abafwilwe pakuba binji mukaya kache.

Hoseya 4:5

Mukwipunula pamusanya na pabusiku bulo, abalaghuzi bope bakwipunula poka namwe. Po nkwiza pakumughogha unyoko.

Luka 21:35

ngati cho chipingo. Pakuti isiku lilalila likwiza pakubawila abantu bosi babo bakwikala muchisu ichapasi.