Yelemiya 15:6 - IBAYIBOLO 2024

⁶ U Mwene akuti, “Mwankana, mwanyokela mwisinda. Po nane nkwiza pakugholosya inyobe yane nukubanangannya, sona nalita pakubahobokela.

Yelemiya 15:6 Iomraidhean Croise

Yesaya 1:4

Chighune, ku mwe luko ulubibi, mwe mwizuye ni mbibi, mwe baluko ulubomba mbibi abana babo banyonganite! Bamukanite u Mwene sona bamusulite Umuzelu uwa Izilayeli, nukumupa inkonto.

Yesaya 28:13

Po amazyu agha Mwene ghakwiza pakutumanyisya panandipanandi, ululaghilo nu lulaghilo, sona umuzele nu muzele, pano tunandi bulo sona pala tunandi bulo, umwakuti bo bakwenda, bawilaye ichighalama, bavulalaye nukuwila muchipingo sona balemiwanje,

Yesaya 31:3

Loli aba Ijiputi bantu bulo teba Chala awe, ifalasi zyabo nyama bulo te muzimu awe. Nanti u Mwene agholosya inyobe yache, yuyo akavwa akwiza pakwipunula, yuyo avwiliziwa akwiza pakuwa pasi, bosi bakwiza pakuzimila poka.

Yelemiya 1:16

Nkwiza pakubapa inongwa iyakubasusya abantu bane pachifukwa icha mbibi zyabo nukundeka. Bakafukizya utwakununkila ku bachala abanji, nukwiputa ku vifwani vivyo bakapanga ni nyobe zyabo.

Yelemiya 13:14

Nkwiza pakubakomezya imitu abawise nabana. Ntakwiza pakubapelela ichisa napo panandi sona ntakwiza pakubahobokela mupaka imbanangannye.’ ”

Yelemiya 2:13

“Abantu bane babomba imbibi zibili: Bandeka ane ne mbwibwi iya mizi aghakupa ubumi, bikumbiye bene iviziba ivyabo ni vyabo, iviziba vivyo vili nividobozwi vitangasunga amizi.

Yelemiya 2:17

Zinizi zyakubonekela, pachifukwa ichakuti ukamuleka u Mwene, u Chala wako, bo akukulongozya muzila yiyo ukendaghamo.

Yelemiya 2:19

Ukwiza pakufundiwa nu bubibi bwako, pakuti wankana, nkwiza pakukupa inongwa. Winong'one nkani ububibi nu bubavu ubwa kundeka ane ne Mwene u Chala wako, sona winong'one nizya kusita ukunyila.” U Mwene Uwamaka Ghosi anena.

Yelemiya 20:9

Loli nanti nkunena nkuti, “Ntakwiza pakumutambula u Mwene, pamo pakulinena itabwa lyache,” pakuti izyu lyache lili mumoyo wane ngati moto, lili ngati moto ghugho ghukocha mumafupa ghane. Nalita pakulisunga mukasi, naloliloli ntangachibomba.

Yelemiya 44:22

Bo u Mwene akupotwa pakwilema pachifukwa icha mbombo zyinyu imbibi sona ni vintu ivinyazu vivyo mukabombagha, ichisu chinyu chikaghuniwa nukuba chisami, chicho abantu batakwikalamo nabamobamo, ngati mumo chibeleye ilelo.

Yelemiya 6:11

Loli nizuye nu bukali ubwa Mwene, nalita pakwilema. U Mwene akuti, “Pungulila ubukali bunubu pa bana aba mumisebo napa balumendo babo babunganite poka, bosi umulume nu muchi wache bakwiza pakulemiwa mumo, abasongo na baghosi bulo.

Yelemiya 6:12

Inyumba zyabo zikwiza pakupeghiwa ku bantu abanji, poka na maghunda ghabo sona na bachi babo bulo. Nkwiza pakubafunda abantu babo bakwikala muchisu chilachila. Ane ne Mwene nanena.

Yelemiya 6:19

Wee chisu ichapasi, teghelezya, nkwiza nintamyo pabantu aba, nkwiza ni vikomwa ivya mbombo zyabo, pachifukwa ichakusita kwivwila amazyu ghane, sona balukanite ululaghilo lwane.

Yelemiya 7:16

U Mwene akuti, “Wee Yelemiya, utakabiputilaye abantu banaba, utakabalabilaye pamo utakabilumbuzizyanje kukwane, pakuti ntakwiza pakukuteghelezya.

Yelemiya 7:24

Loli abantu bala batakivwila pamo ukubikilako umoyo, mubuzilo bwache bakendelela pakubomba zizyo amoyo ghabo amabibi ghakalondogha. Bakanyokela kwisinda mubuzilo ubwakwendelela.

Yelemiya 8:5

Po nkimba chifukwa choni chicho abantu banaba bapulumpa? Nkimba choni chicho u Yelusalemu akwendelela pakunyokela kwisinda? Babukakatiye ubumyasi, bakukana pakunyokako.

Yelemiya 8:9

Abamahala bakwiza pakukoziwa isoni, amahala ghakwiza pakubamalila sona bakwiza pakulemiwa. Pakuti balikana izyu ilya Mwene, nkimba bali na mahala ghoni?

Ezekiyeli 14:9

“ ‘Sona nanti umulaghuzi azimbuliwa ukuti alaghule zimo, ane ne Mwene nene namuzimbula umulaghuzi yulayula, po nkwiza pakulwana nawe nukumughoghela pakasi pabantu bane aba Izilayeli.

Ezekiyeli 25:7

polelo nkwiza pakugholosezya inyobe yane papinyu nukubabika pakuba chakufyuliwa icha inko. Nkwiza pakubanangannya nukubazimizya mwebosi muchisu ichapasi. Nkwiza pakubanangannya, po mukwiza pakumanya ukuti ane ne Mwene.” ’

Ezekiyeli 35:3

‘U Mwene Uwamaka Ghosi akuti: Nkukususya we lighamba ilya Seyili sona nkwiza pakulanjizya amaka ghane papako nukukupela pakuba we chisami.

Hoseya 11:7

Abantu bane balemezizye pakunkana, Napapo bakwitizya ku Wakumwanya Nkani, loli batakunchindika nubwanaloli.

Hoseya 13:14

Nkwiza pakubatabula kumaka aghipumpa, sona nkwiza pakubasatula kubufwe. Wee bufwe wee, nkimba iviwaya vyako vili ko kwiyi? Wee lipumpa wee, nkimba ukunangannya kwako kuli ko kwiyi? Ntakwiza pakuba ni chililizi nachimochimo.

Hoseya 4:16

Aba Izilayeli bali na moyo amakafu, ngati mbogho inyana. Po nkimba u Mwene angazidima bulibuli, ngati to twana utwa ng'ozi munganda?

Zefaniya 1:4

“Nkwiza pakubafunda abantu aba muchisu icha Yuda, sona na bosi babo bakwikala mu Yelusalemu. Nkwiza pakubazimizya pabuzilo ubu aba Baala bosi abakusyala, sona nkwiza pakughazimya amatabwa agha bantu, sona na baputi babo bakuchiputa ichifwani icha Baala.

Zekaliya 7:11

“Loli namoyo amakafu abantu banaba bakakana pakuteghelezya, bakampa inkonto zyabo sona bakighalila amakutu ghabo umwakuti batakivwanje.