Yelemiya 15:19 - IBAYIBOLO 2024

¹⁹ U Mwene akamula akati, “Nanti mwapinduka, nkwiza pakubapokela ukuti mumbombelaye. Nanti mukunena vivyo vibaghiye, amazyu agha mwalwemwalwe awe, po mukwiza pakuba mwe balaghuzi bane. Baleke abantu banaba banyokele kukwako, loli awe utakanyokelaye kukwabo.

Yelemiya 15:19 Iomraidhean Croise

1 Abamwene 17:1

Pakabalilo kalakala umulaghuzi u Eliya umu Tishibi uwamu Giliyadi akamubuzya u mwene u Ahabu akati, “Nkulapa pamaso pa Mwene u Chala umumi uwa Izilayeli, yuyo nkumubombela ukuti patakwiza pakubako inganda pamo ivula amaka matatu ghagho ghakwiza.”

Ukufuma 4:12

Losi ulu, bukagha! Nkwiza pakukwavwa pakunena, sona nkwiza pakukubuzya amazyu aghakunena.”

Ivyili 22:29

Nanti ukubomba imbombo zyako akiza bulo, kokuti ukwiza pakubabombela abamwene, sona utakwiza pakubabombela abantu bulo.

Yelemiya 1:9

Po u Mwene akagholosezya inyobe yache pa mulomo nukughupalamasya. Po akati, “Ivwa, nkubika amazyu ghane mumulomo wako.

Yelemiya 15:1

Po u Mwene akambuzya akati, “Napapo u Mozesi nu Samuweli bangimilila pamaso papane nukubiputila abantu banaba, pope bulo ngali intakabapelela ichisa abantu banaba. Befyepo pamaso papane! Babuzye babukaye!

Yelemiya 20:9

Loli nanti nkunena nkuti, “Ntakwiza pakumutambula u Mwene, pamo pakulinena itabwa lyache,” pakuti izyu lyache lili mumoyo wane ngati moto, lili ngati moto ghugho ghukocha mumafupa ghane. Nalita pakulisunga mukasi, naloliloli ntangachibomba.

Yelemiya 35:19

Polelo u Mwene Uwamaka Ghosi, u Chala uwa Izilayeli akuti, ‘U Yonadabu umwana uwa Lekabu atakwiza pakupotwapo pakuba nu muntu uwakumubombela.’ ”

Yelemiya 4:1

U Mwene akuti, “Mwee ba Izilayeli, nanti mukulonda pakunyokela kukwane, nyokela. Mwefyepo ivifwani ivinyazu vyosi pamaso papane, sona mutakusobelapo nalumo,

Yelemiya 6:29

Inyambi zikuvukuta nkani ukuti ichela chochiwe numoto loli ichela ichibibi chitakusunguluka napo panandi, pakuti ababibi batepitemo.

Nkuto 1:11

Abantu bache bosi bakukoloma, bo bali pakulonda ivibama. Bakughulizannya ubukabi bwabo ni chikulya, umwakuti babanje nubumi. “Wee Mwene, unyennye ni chisa, pakuti nkusamuliwa nkani.”

Ezekiyeli 2:7

Ubabuzye amazyu ghane, manyi bakwivwa pamo batakwivwa, pakuti basambuke.

Ezekiyeli 22:26

A baputi bache bakuzinangannya indaghilo nukuvinyazya ivintu vyane ivizelu. Batakulesannya ivintu ivizelu nivintu bulo, bakubamanyisya abantu ukuti patalipo ukulekana nakumo pakasi pa chicho chinyazu na chicho chiswefiwe, po batakughachindika Amasiku ghane Aghakutuzya, umwakuti nane bulo ntakuchindikiwa pakasi papabo.

Ezekiyeli 44:23

Babamanyisyanje abantu bane ukulekana ukwa vintu ivizelu ni vintu vivyo te vizelu nukubalanjizya pakulesannya pakasi pavinyazu ni viswepu.

Aba Levi 10:10

Mulesannyanje pakasi pavintu ivizelu na pavintu ivinyazu, sona pakasi pavintu iviswepu na pavintu ivinyazu.

Aba Levi 14:57

umwakuti mungamanya nanti ichintu chaba chintu ichiswepu pamo chinyazu. Ulu lo lulaghilo ulwakunena nizya mambombo ni chuku.

Yona 3:2

“Bukagha ku Ninive, kukaya akakulu nkani kala, pakulumbilila amazyu ghagho nkukubuzya.”

Zekaliya 3:7

“U Mwene Uwamaka Ghosi ati, ‘Nanti ukwiza pakuzyivwila indaghilo zyane nukubomba zyizyo nkakubuzya ukuti ubombe, ukwiza pakubalaghila abamunyumba yane. Ukwiza pakuba nubulaghili mu Nyumba iya Chala sona nuwakwenelezya ulubinjilo lwache, nkwiza pakukwitikizya pakwikala poka na bantu babo bimiliye pano.

Luka 1:19

Uwantumi yula akamula akati, “Ane ne Gabiliyeli, umubombi uwa Chala, yuyo akantuma pakunena nawe nukukubuzya Amazyu Amiza ghanagha.

Luka 10:16

U Yesu akababuzya abamanyili bache akati, “Umuntu wesi yuyo akubateghelezya, akunteghelezya nane bulo. Umuntu wesi yuyo akubakana, akunkana nane bulo. Umuntu wesi yuyo akunkana, akumukana wepe yuyo akantuma.”

Luka 12:12

Pakuti u Muzimu Umuzelu akwiza pakubamanyisya ichakunena pakabalilo kalakala.”

Luka 21:15

pakuti nkwiza pakubapa amazyu na mahala aghakuti nayumo uwa balwani binyu akwiza pakukana pamo ukususya zizyo mukunena.

Luka 21:36

Mubanje maso nukwiputa akabalilo kosi ukuti mubanje na maka aghakwipokela mwebene muvintu vyosi vivyo vikwiza pakuboneka, sona nukuti mungimilila pamaso pa Mwana uwa Muntu.”

Imbombo 20:27

Pakuti intakafisapo nachimochimo kukwinyu, loli nkalumbilila zyosi zizyo u Chala akulonda.

2 Aba Kolinti 5:16

Polelo ukwandila akabalilo aka, tutakumulonga nayumo umuntu ukuyana ni nyinong'ono izya buntu. Napapo pakabalilo kamo tukamulonga u Kilisitu ukuyana ni nyinong'ono izya buntu, tutakubombapo nalumolumo bunubu.

Aba Galatiya 1:10

Nkimba mukwinong'ona ukuti nkulonda amapalo agha bantu? Awe, loli nkulonda amapalo agha Chala. Fwandi, mukwinong'ona ukuti nkuyezya pakubahobosya abantu? Nanti nkuyezya pakuhobosya abantu, po ngali inte ne wambombo uwa Kilisitu.

Aba Galatiya 2:5

Loli tutakabitikizya napo panandi bulo, umwakuti tubasungile amwe ubwanaloli ubwa Mazyu Amiza.

Aba Hebeli 5:14

Loli ichakulya ichikafu cho cha bantu abasongo, babo ukwendela mukumanyila bamenye ukulesannya pakasi pachintu chicho chiza ni chintu chicho chibibi.

Yuda 1:24

U Chala amenye pakubasunga ukuti mutakawe, sona akubafisya pamaso pabuchindamu bwache, bo muhobokite sona na basita chilema nachimochimo.