Yelemiya 15:15 - IBAYIBOLO 2024

¹⁵ Po nkati, “Wee Mwene uzimenye zyosi, unkumbuke nukunsungilila. Ubatanizye imbibi babo bakunvwima. Umpelele ichisa sona utakabusende ubumi bwane. Uzimanye ukuti nkutamiwa pachifukwa icha wewe.

Yelemiya 15:15 Iomraidhean Croise

Nehemiya 13:22

Po nkabalamula aba Levi ukuti biswefye nukubuka pakulindilila pamulyango, umwakuti Isiku Ilyakutuzya libanje lizelu. Wee Chala wane, unkumbukaye sona unsungaye nu lughano lwako ulukulu nkani.

Nehemiya 13:31

Nkalamula sona ukuti abantu babikaye pakabalilo kache inkwi ni vikomwa ivyakwanda pakutona. Wee Chala wane, ukumbukaye vyosi vinivi, sona umpelelaye ichisa.

Nehemiya 5:19

Wee Chala wane, unsaye pachifukwa icha vintu vyosi vivyo nababombela abantu banaba.

Nehemiya 6:14

Po nkiputa nkati, “Wee Chala wane, utakaluvyanje zizyo ukamubombela u Tobiya nu Sanibalati. Utakaluvyanje sona zizyo ukamubombela umulaghuzi umukolo u Nowadiya sona na balaghuzi abanji bosi, babo bakalondagha pakunyoghofya.”

Yobu 10:7

Napapo uzimenye ukuti ane inte ninongwa, sona nukuti atalipo nayumoyumo umuntu, yuyo angampoka munyobe zyako.

Masalimo 102:24

Po nkati, “Wee Chala wane, utakanyefyanje bo inchili intaghosipite, amaka ghako ghatakwanduka mupaka bwila na bwila.

Masalimo 106:4

Wee Mwene, unkumbukaye, bo ukubapelela ichisa abantu bako. Bo ukubavwa abantu bako umpokaye nane bulo,

Masalimo 119:84

Nkimba ane ne mubombi wako indindililaye mupaka liyi? Fwandi ukwiza pakudumula liyi ubulongi ku bantu babo bakunvwima?

Masalimo 17:3

Napapo ungaghuyela umoyo wane, pamo ukumpima pabusiku, loli utanganyagha ninongwa nayimoyimo. Nadumula ukuti umulomo wane ghutakwiza pakunanga.

Masalimo 39:13

Undeke ne mwene umwakuti inhobokaye sona, bo inchili na pakufwa nukuzimila pamaso papako.”

Masalimo 44:22

Loli pachifukwa icha wewe, tukukomana nu bufwe isiku lyosi. Tuli ngati zyo ng'ozi zizyo zikubuka pakuboliwa.

Yesaya 38:3

“Wee Mwene ukumbuke mumo nendelagha pantazi papako umwabusubiliwa nu moyo uwakwiyipa sona nukubomba inyiza pantazi papako.” Po u Hezekiya akalila nkani.

Yelemiya 12:3

Loli pope bulo awe wee Mwene ummenye nkani, Ukunyennya nukuzipima nyinong'ono zyane namumo nkughaniye. Ubawesele kubutali abantu ababibi banaba ngati yo ng'ozi yiyo yikwiza pakughoghiwa. Ubapaghule ukuti balindililaye isiku ilya kughogheliwa.

Yelemiya 15:10

Wee mayi, nkimba choni chicho nkapapiwa, ukuti imbe wakulwana na bantu pachisu chosi? Intakopezizyepo lumo indalama ku muntu sona intakopitepo nalumo ku muntu, loli pope bulo bakunguna.

Yelemiya 15:20

Nkwiza pakukupela awe pakuba we lubumba ulwa bantu aba, ilinga ilya mukuba. Bakwiza pakulwa nawe, loli batakwiza pakukupota, pakuti ane indi nawe pakukwavwa nukukupoka. Ane ne Mwene nanena.

Yelemiya 17:16

Intakachimbila ukuti indeke pakuba mudimi wako, sona uzimenye ukuti intakalilonda isiku ilya ntamyo. Chosi chicho chikufuma mumulomo wane uchimenye.

Yelemiya 18:23

Loli awe we Mwene, uzimenye zyosi zizyo bakubatika ukuti bangoghe. Utakabahobokelaye inongwa zyabo, pamo pakuzimya imbibi zyabo. Ubanangannye pamaso ghako, sona mubukalale bwako ubafunde.”

Yelemiya 20:11

Loli u Mwene ali kulubazu lwane, ngati musilikali uwamaka ghosi, po babo bakunvwima bakwiza pakwipunula sona batakwiza pakumpota. Bakwiza pakukoziwa isoni akabalilo kosi, sona batakwiza pakumpota. Ukukoziwa isoni kwabo kutakwiza pakuluvyiwa.

Yelemiya 20:12

Wee Mwene Uwamaka Ghosi, wewe ukubayela abagholosu, ukuzyennya zizyo zili mumoyo ghabo na munyinong'ono zyabo. Leka nennye ukutanizya kwako papabo, pakuti nayibika inongwa yane munyobe zyako.

Yelemiya 20:8

Nanti nkuti inene, nkulila, nukukolomoka nemwene bulo nukuti, “Ulombwa kuno! Ukunanganika kuno!” Wee Mwene, nkusekiwa nukusamuliwa akabalilo kosi, pachifukwa ichakuti nkulumbilila amazyu ghako.

Nkuto 3:64

“Wee Mwene ubatanizyanje zizyo zibabaghiye, sona ukuyana na zizyo babomba ni nyobe zyabo.

Nkuto 3:66

Mubukali bwako ubachimbizyanje sona ubanyunkulaye pachisu ichapasi.”

Matayi 10:22

Abantu bosi bakwiza pakubabenga pachifukwa ichakuti mwe bakonki bane. Loli umuntu wesi yuyo ajimba mupaka pabumalilo akwiza pakupokiwa.

Matayi 19:29

Sona umuntu wesi yuyo ayilekite inyumba pamo abawamwabo, pamo abayemba, pamo uwise pamo unyina, pamo abana, pamo amaghunda, pachifukwa icha nene, akwiza pakupokela ivintu ivyinji ukuchilapo 100, sona akwiza pakupokela ubumi ubwa bwila na bwila.

Luka 21:17

Abantu bosi bakwiza pakubabenga pachifukwa icha nene.

Aba Loma 12:19

Bamanyani bane, mutakatanizyanje ububibi, loli mumulekele u Chala ukuti atanizye. Pakuti Amasimbo ghakuti, “U Mwene akuti, ‘Ukutanizya ko kwane. Nkwiza pakutanizya.’ ”

Aba Loma 8:35

Nkimba wewenu angatusabulannya nu lughano ulwa Kilisitu? Fwandi intamyo pamo amayimba, pamo ukuvwimiwa, pamo izala, pamo ubupina, pamo ivyakoghofya, pamo ubufwe?

2 Aba Kolinti 5:11

Aswe tumenye pakumunyila u Mwene, tukuyezya pakubadeba abanji. U Chala atumenye mumo tubeleye, sona nkusubila ukuti namwe bulo mumoyo ghinyu mutumenye aswe.

2 Timoti 4:14

U Alikizandala, umusyani uwa vyela yula akambombela ububibi nkani. U Mwene akwiza pakumutanizya ukuyana ni mbombo zyache.

Ubuvumbuli 18:20

Hobokagha we chisu icha kumwanya, hobokagha mwe bantu abazelu aba Chala, na batumiwa, sona na balaghuzi! Pakuti u Chala amususya ukuyana bulo namumo akabombelagha!”

Ubuvumbuli 6:10

Bakakolomoka nkani bakati, “Mwene, Uwamaka Ghosi, umuzelu nu wanaloli, nkimba choni chicho ukukaba pakubalonga abantu aba muchisu ichapasi nukubafunda babo bakatughogha?”

Abalongi 16:28

Po u Samusoni akiputa kwa Mwene, akati, “Wee Mwene Uwamaka Ghosi, wee Chala, nalamba unkumbuke koka bulo pakumpa amaka, umwakuti imbatanizye aba Filisiti pachifukwa icha maso ghane mabili ghala.”