Yelemiya 15:11 - IBAYIBOLO 2024

¹¹ U Mwene akamula akati, “Naloliloli nkwiza pakukupoka umwakuti ube akiza, momumo abalwani bako bakwiza pakukulaba pakabalilo akantamyo naka vitima.

Yelemiya 15:11 Iomraidhean Croise

Masalimo 106:46

Akaghisya amoyo agha bantu babo bakabalema pakuba bazya ukuti abapelele ichisa abantu bache.

Masalimo 138:3

Bo nakwitizya, ukanyamula, sona ukaghukazya umoyo wane na maka ghako.

Ivyili 16:7

Nanti inkalo iya muntu yikumuhobosya u Mwene, bope abalwani bache bakuba nawe mumutende.

Ivyili 21:1

Umoyo uwa mwene ghuli munyobe izya Mwene, akughulongozezya kosi kuko ghukulonda ngati mizi agha mulusoko.

Umulumbilili 8:12

Napapo umuntu umubibi anange nkani nukuba nubumi, pope bulo inzimenye ukuti umuntu yuyo akumuchindika u Chala ivintu vikwiza pakumwendelagha akiza.

Yesaya 41:10

Utakanyilaye, pakuti indi poka nawe, utakatetemaye pakuti ane ne Chala winyu. Nkwiza pakukupa amaka nukukwavwa, nkwiza pakukuvighilila ni nyobe yane indilo ingolosu.

Yelemiya 21:2

“Mutubuzikizyeko kwa Mwene pachifukwa ichakuti u Nebukadineza u mwene uwa chisu icha Babiloni akwiza nu bwite. Lumo u Mwene angatubombela ivyika ngati mumo akabombela kale, umwakuti u Nebukadineza angefiwako kukwitu.”

Yelemiya 37:17

Po u mwene u Zedekiya akamwitizya u Yelemiya nukumupokela munyumba yache iya bumwene mumo akamulalusya bo bali bene bulo akati, “Nkimba ghalipo ghamo amazyu ghagho u Mwene akubuzizye?” U Yelemiya akamula akati, “Ghalipo, ukwiza pakubikiwa munyobe izya mwene uwa ku Babiloni.”

Yelemiya 37:3

U mwene u Zedekiya, akamutuma u Yehukala u mwana uwa Shelemiya poka nu muputi u Zefaniya umwana uwa Maseya kwa Yelemiya umulaghuzi na mazyu aghakuti, “Twapela, mutwiputile kwa Mwene u Chala witu.”

Yelemiya 38:14

Po u mwene u Zedekiya akamwitizya umulaghuzi u Yelemiya nukumupokela pamulyango uwabutatu uwa ku Nyumba iya Mwene. Akanena kwa Yelemiya akati, “Nkwiza pakukulalusya zimo. Utakanfisepo nachimochimo.”

Yelemiya 42:2

bakamubuzya umulaghuzi bakati, “Twalamba, utulabileko kwa Mwene u Chala witu aswe twe bakusyalako. Ngati mumo ukutwenezya, napapo tukaba binji nkani, loli ilelo twasyala banandi bulo.