Yelemiya 15:10 - IBAYIBOLO 2024

¹⁰ Wee mayi, nkimba choni chicho nkapapiwa, ukuti imbe wakulwana na bantu pachisu chosi? Intakopezizyepo lumo indalama ku muntu sona intakopitepo nalumo ku muntu, loli pope bulo bakunguna.

Yelemiya 15:10 Iomraidhean Croise

1 Abamwene 21:20

Bo Ahabu amwennya u Eliya akamubuzya akati, “Wee mulwani wane, fwandi wanyagha?” U Eliya akamula akati, “Eee, nakwagha pachifukwa ichakuti wabomba ichintu ichibibi nkani pamaso pa Mwene.”

1 Abamwene 22:8

U mwene uwa Izilayeli akamwamula u Yehoshafati akati, “Asyalako umulaghuzi weka uwakuti tungabuzikizizyako, itabwa lyache we Mikaya umwana uwa Imula. Loli imubengite pachifukwa ichakuti atandaghuliyepo nalumo ivintu ivyiza, akabalilo kosi akundaghulila ivintu ivibibi vyene.” U Yehoshafati akamwamula akati, “Wee mwene wane, utakanenaye bunubu.”

Masalimo 109:28

Baleke baghunaye, loli awe ukwiza pakusaya. Abantu abakwiminkana nane bakoziwanje isoni, umubombi wako akwiza pakusekela

Masalimo 15:5

Bo bantu babo bakukopezya indalama ukusita ukupokelapo izyapamwanya, sona batakupokela amabeko ukuti babayivyanje babo bate ninongwa. Babo bakubomba bunubu batakwiza pakuyingana nalumo.

Masalimo 69:4

Abakumbenga binji nkani ukuchila isisi izya kumutu wane, sona abalwani bane babo bakulonda pakungogha binji nkani, umwakuti banfyengite bulo pakunyosezya papo ichintu chicho intibite?

Ukufuma 22:25

“Nanti mukumukopezya indalama umuntu umupotwe pakasi papinyu, mutakabombaye ngati mumo abakopezya ndalama bakubombela pakumufyenga ukuti alipile izyakukabilapo.

Ivyili 26:2

Ichighune pa muntu yuyo ate ninongwa chitangamuvulazya, viyanite bulo ni viyuni vivyo vikubuluka mumwanya loli vitamenye nukuwa pasi.

Yelemiya 15:20

Nkwiza pakukupela awe pakuba we lubumba ulwa bantu aba, ilinga ilya mukuba. Bakwiza pakulwa nawe, loli batakwiza pakukupota, pakuti ane indi nawe pakukwavwa nukukupoka. Ane ne Mwene nanena.

Aba Levi 25:36

Mutakapokelaye indalama izyakukabilapo, loli mumunyilaye u Chala winyu, umwakuti umu Izilayeli uwamwinyu endelele pakwikala namwe.

Aba Levi 25:37

Mutakamukopezyanje uwamwinyu indalama umwakuti mupokele indalama izyakukabilapo, pamo pakumughulizizya ichakulya ni ndalama izyakukabilapo.

Habakuku 1:3

Nkimba choni chicho ukumpela ukuti nennyanje ububibi bunubu? Nkimba choni chicho ukwitikizya ukuti abantu bambombaye ububibi? Nkukomana nintamyo, sona nukunanganika pamaso papane, posi na posi abantu bakulwa nukudalinkana.

Matayi 24:9

“Mukwiza pakulemiwa ukuti muvwimiwe nukughoghiwa. Abantu bosi muvyisu vyosi bakwiza pakubabenga pachifukwa icha nene.

Matayi 5:44

Loli ilelo nkubabuzya ukuti mubaghane abalwani binyu nukubiputila babo bakubavwima,

Luka 2:34

U Simiyoni akabasaya nukunena kwa nyina, u Maliya ukuti, “Umwana uyu asaliwe nu Chala ukuti abanje chakubawisya, sona ni chakupoka abantu abinji aba Izilayeli. Akwiza pakuba chimanyilo ichakufuma kwa Chala, chicho abantu abinji bakwiza pakususannya nacho,

Luka 6:22

“Mwe basayiwa nanti abantu bakubabenga, bakubakana, bakubatuka nukubanena ukuti mwe babibi pachifukwa icha nene u Mwana uwa Muntu!

Imbombo 28:22

Loli tukulonda twiyivwile twebene inyinong'ono zyako pakuti tuzimenye ukuti kosi na kosi abantu bakukanenela ivibibi akabukatila kako.”