Yelemiya 15:1 - IBAYIBOLO 2024

¹ Po u Mwene akambuzya akati, “Napapo u Mozesi nu Samuweli bangimilila pamaso papane nukubiputila abantu banaba, pope bulo ngali intakabapelela ichisa abantu banaba. Befyepo pamaso papane! Babuzye babukaye!

Yelemiya 15:1 Iomraidhean Croise

Ubwandilo 19:27

Pandabindabi nkani, u Abulahamu akachimbilila kubuzilo bubo akimilila nu Mwene.

2 Abamwene 17:20

Polelo u Mwene akabakana aba Izilayeli bosi, sona akabafunda nukubabika munyobe izya bantu abakufyula ivintu mupaka akabefya bosi pamaso papache.

Masalimo 106:23

Bo u Chala anena ukuti akwiza pakubanangannya abantu bache, Umubombi wache umusaliwa u Mozesi akimilila pakasi pabantu nu Chala, pakumulaba ukuti abutozole ubukali bwache umwakuti atakabanangannye.

Masalimo 99:6

U Mozesi nu Aloni bope bakaba pakasi pabaputi bache, u Samuweli wepe akaba weka uwa bamo babo bakamwiputagha. Bakamulilila u Mwene, po akabamula.

Ivyili 14:35

Uwambombo uwamahala akumuhobosya u mwene wache, loli ubukali bwache bukulinda po pa wambombo umukozya isoni.

Yelemiya 10:18

U Mwene akuti, “Nkwiza pakubataghila abantu aba kubutali ni chisu, nkwiza pakubizila nintamyo umwakuti bivwisye.”

Yelemiya 11:14

“Yelemiya, utakabiputilaye abantu banaba pamo ukubalabila, pachifukwa ichakuti ntakwiza pakubivwa bo bakunyitizya pakabalilo akantamyo.

Yelemiya 14:11

Po u Mwene akambuzya akati, “Utakabiputilaye nukubalondela ubwiza abantu banaba.

Yelemiya 14:12

Napapo bangatuzya pakulya, ntakwiza pakwivwa ukulila kwabo, napapo bangabika ivyakwiyipa ivyakocha sona ni vyakwiyipa ivya busu pope bulo ntakwiza pakubapokela. Mubuzilo bwache, nkwiza pakubanangannya nupanga, nizala sona ni chiwaya.”

Yelemiya 15:19

U Mwene akamula akati, “Nanti mwapinduka, nkwiza pakubapokela ukuti mumbombelaye. Nanti mukunena vivyo vibaghiye, amazyu agha mwalwemwalwe awe, po mukwiza pakuba mwe balaghuzi bane. Baleke abantu banaba banyokele kukwako, loli awe utakanyokelaye kukwabo.

Yelemiya 16:13

Po nkwiza pakubasumbila kuzi kuchisu ichi, muchisu chicho amwe poka na banyenya binyu mutachimenye, mulamula momumo mukwiza pakubabombela abachala abanji pamusanya na pabusiku pakuti ntakwiza pakuba namwe ni chisa nachimochimo.’ ”

Yelemiya 16:5

U Mwene akuti, “Mutakinjilayemo munyumba mumo muli ichililo. Mutakalilaye pamo ukulanjizya ichitima, pakuti nefyamo umutende wane nu lughano lwane sona ni chisa chane mubantu banaba.

Yelemiya 18:20

Nkimba chiza pakutanizya imbibi pa chintu ichiza? Loli abene bankumbiye ichiliba ichibizu ukuti ingwilemo. Kumbuka namumo nkizila kukwako, nukukulambilizya ukuti utozole ubukali bwako.

Yelemiya 22:28

Nkimba u Yehoyakimu yunuyu muntu wenu, yuyo ali ngati yo sonta iya kufwantika, yiyo yitakulondiwa napo panandi? Nkimba choni chicho yuyo poka na bana bache, basumbiwe kuchisu chicho batachimenyepo nalumolumo?

Yelemiya 23:39

Po nkwiza pakubanyamula nukubasumbila ku butali. Nkwiza pakubefyapo pamaso ghane amwe poka nakaya akakulu nkani kako nkabapa amwe na banyenya binyu.

Yelemiya 35:19

Polelo u Mwene Uwamaka Ghosi, u Chala uwa Izilayeli akuti, ‘U Yonadabu umwana uwa Lekabu atakwiza pakupotwapo pakuba nu muntu uwakumubombela.’ ”

Yelemiya 52:3

U Mwene akakalala nkani pachifukwa ichakuti ivintu vyosi vinivi vikabombiwa mu Yelusalemu na mu Yuda. Po pabumalilo pache akabefyapo pamaso papache. Po u Zedekiya akamusambukila u mwene uwamu Babiloni.

Yelemiya 9:19

Ukulila ukwa Ziyoni kukwivwika, ‘Mwee twamala! Mwee isoni zyatulema! Tubaghiye pakwepamo muchisu chitu, pachifukwa ichakuti inyumba zyitu zyipela visami.’ ”

Ezekiyeli 14:14

Napapo abantu batatu bala, u Nowa, u Daniyeli nu Yobu, bakikalagha mulamula, ngali bakapoka ubumi bwabo bwene nu bugholosu bwabo, u Mwene Uwamaka Ghosi anena.

Ezekiyeli 22:30

“Po nkamulonda umuntu pakasi papabo yuyo angazenga sona ulubumba nukwimilila pamaso papane papo pakamongoka, umwakuti ngali intakachinangannya ichisu, loli intakamwaghapo nayumoyumo.

Hoseya 9:15

“Nkubabenga pachifukwa icha bubibi bubo babomba muchisu icha Giligali, sona na pachifukwa icha mbombo imbibi zizyo babomba, po nkwiza pakubefyamo munyumba yane. Ane ntakwiza pakubaghana nalumo sona. Abalongozi babo bosi basambuke.

Zekaliya 3:3

Po u Yoshwa akavwala amenda amanyazu, bo imiliye pamaso pa wantumi yula.

Ukukumbusya Amalamulo 9:26

Po nkiputa nkati, “Wee Mwene Uwamaka Ghosi, utakabanangannye abantu bako, babo yo mpyana iyako ni yako, abantu babo ukabapoka mu Ijiputi na maka ghako amakulu.

Aba Hebeli 9:24

Pakuti u Kilisitu atakinjila Mubuzilo Ubuzelu chicho chikazengiwa ni nyobe izya bantu, ubuzilo bubo bukaba chifwanikizyo bulo icha buzilo ubwenecho. Loli akinjila kumwanya ukwenecho kuko akubonekela pamaso pa Chala mubuzilo bwitu.

Abalongi 5:9

Umoyo wane ghuli pa basongo aba basilikali ababwite aba Izilayeli, nkubinong'onela nkani abantu babo bakiyipa bene. U Mwene apaliwanje!

1 Samuweli 12:19

Abantu bosi bakamubuzya u Samuweli bakati, “Twalamba, twiputileko kwa Mwene u Chala wako, aswe twe babombi bako ukuti tutakafwe, pakuti ilelo twazyaghannya ukuti pamwanya pambibi zyitu zyosi, tonjelezizyepo imbibi iyinji iyakuti tubanje nu mwene.”

1 Samuweli 12:23

Ane ntakulonda ukuti imunangile u Mwene pakukana pakubiputila. Loli nkwiza pakubamanyisya chicho chiza sona chigholosu.

1 Samuweli 7:9

U Samuweli akasenda umwana uwa ng'ozi, yuyo akonkagha nukumubika ukuti chibanje chakwiyipa ichakocha kwa Mwene. Akamulilila u Mwene mubuzilo ubwa ba Izilayeli, po u Mwene akamwamula.