Yelemiya 14:9 - IBAYIBOLO 2024

⁹ Nkimba choni chicho uli ngati muntu yuyo achenuziwa bulo, ngati musilikali yuyo ate namaka pakubapoka abantu? Loli pope bulo awe we Mwene uli pakasi papitu, sona tukwitiziwa nitabwa lyako, utakatuleke twebene!”

Yelemiya 14:9 Iomraidhean Croise

2 Imbili 7:14

po nanti abantu bane babo bakwitiziwa ni tabwa lyane, biyisya bene nukwiputa pakubomba vivyo vikunhobosya sona nanti bakuzileka imbibi zyabo, ane nkwiza pakubivwa kumwanya nukubahobokela imbibi zyabo sona nkwiza pakuchipoka ichisu chabo.

Masalimo 10:1

Wee Mwene nkimba choni chicho wimiliye kubutali nane? Nkimba choni chicho ukundeka ne mwene pakabalilo akantamyo?

Masalimo 27:9

Utakanfisaye icheni chako, utakamuchimbizyanje umubombi wako pachifukwa icha bukalale pakuti waba we mwavwilizi wane. Wee Chala Umupoki wane, utakankanaye pamo ukundeka ne mwene.

Masalimo 46:5

U Chala ali mukaya akakulu nkani kalakala, po katakwiza pakunanganika, po u Chala akwiza pakukavwa bo izuba likufuma.

Yesaya 12:6

Mwee bantu aba mu Ziyoni kolomokagha nukwimba umwakughoboka! Pakuti Umuzelu uwa Izilayeli weyuyo mukulu, pakasi papinyu.”

Yesaya 43:7

Wesi yuyo akwitiziwa itabwa lyane, yuyo nkamupela pachifukwa icha buchindamu bwane, yuyo nkamumata nukumupa ubumi.”

Yesaya 51:9

Vundumuka, vundumuka! Mujimbaye, Wee nyobe iya Mwene, vundumuka ngati mumo ukabombelagha, mumasiku ghagho ghachilapo pakabalilo aka nkulilo iya kale. Nkimba utakaba wewe ukamudumulannya u Lahabu muvipuza, nukuyilasa injoka yila?

Yesaya 59:1

Naloli inyobe iya Mwene yite mpimpa pakupoka, pamo ukuti ikutu lyache lili namapuli pakwivwa.

Yesaya 63:19

Aswe twe bantu bako ukwanda kale, loli utabalaghiyepo, sona batitiziwepo nalumo ni tabwa lyako.

Yelemiya 15:16

Bo nivwa amazyu ghako, nkaghalya, ghakipela pakuba lusekelo nu buhobosu mumoyo wane, pakuti nkumanyikwa ni tabwa lyako, wee Mwene u Chala Uwamaka Ghosi.

Yelemiya 51:5

Ichisu icha Izilayeli nicha Yuda vitalekiwe, nu Chala wabo, u Mwene Uwamaka Ghosi, napapo ichisu chabo chizuye nukunanga, pamaso pa Muzelu uwa Izilayeli.

Yelemiya 8:19

Ivwa ukulila ukwa bantu bane abakufuma kuchisu icha kubutali, “Nkimba u Mwene atalimo muchisu icha Ziyoni? Fwandi u mwene atalimo mulamula?” U Mwene akwamula akuti, “Nkimba choni chicho bakunkalalizya ni vifwani vyabo? Sona ni vifwani vyabo iviyeni vivyo vite nimbombo nayimoyimo?”

Nkuto 5:20

Nkimba choni chicho akabalilo kosi ukutuluvyanga, sona choni chicho watuleka twebene ukwa kabalilo akatali nkani?

Ezekiyeli 48:35

“Akaya kosi akakulu nkani umwakuzyungulila kakwiza pakuba amamita 9,000. Ukwanda pakabalilo kalakala mupaka muntazi, akaya akakulu nkani kakwiza pakwitiziwanga ukuti, ‘U Mwene ali Palapala.’ ”

Habakuku 1:2

Wee Mwene, nkimba nkwitizyanje mupaka liyi ukuti unyavwe loli utakuteghelezya? Pamo ukulilila ukuti, “Ulombwa kuno,” loli utakampoka?

Zekaliya 2:5

Po ane nkwiza pakubanga ne lupaso ulwa moto sona nkwiza pakubanga ne buchindamu bwache mulamula, u Mwene anena.’ ”

Zekaliya 8:3

Po u Mwene Uwamaka Ghosi akuti, “Nkwiza pakunyokela mu Ziyoni nukwikala mu Yelusalemu. Po u Yelusalemu akwiza pakwitiziwa ukuti Akaya Akakulu Nkani Akasubiliwa sona kakwiza pakwitiziwa ukuti ighamba ilya Mwene Uwamaka Ghosi, likwiza pakwitiziwa ukuti Ighamba Izelu.”

Ukubelengiwa 11:23

U Mwene akamwamula u Mozesi akati, “Nkimba amaka ghane ghali ni mpaka? Losi ulu ukwiza pakwennya nanti amazyu ghane ghakwiza pakukwanilisiwa pamo awe.”

Imbombo 15:17

Abantu abakusyala bosi bakwiza pakundonda, sona na bantu bosi babo bate ba Yuda bakwitiziwa ni tabwa lyane.

2 Aba Kolinti 6:16

Nkimba Inyumba iya Chala yingayana bulibuli ni vifwani? Pakuti aswe twe Nyumba iya Chala umumi, ukuyana namumo u Chala umwenecho akanenela akati, “Nkwiza pakwikalana mumwabo, sona nukwikala pakasi papabo. Nkwiza pakuba we Chala wabo, po abene bakwiza pakuba bantu bane.”

Ukukumbusya Amalamulo 23:14

Muvisakasa vyinyu mutabanje ubunyazu, pachifukwa ichakuti u Mwene u Chala winyu, akwendakwenda pakasi pa visakasa vyinyu, ukuti abapoke munyobe izya balwani binyu. Ivisakasa vyinyu vibanje viswepu, umwakuti atakabwennyemo nabumobumo ubunyazu, bubo bungamupela u Mwene ukuti epepo pakasi papinyu.

Ukukumbusya Amalamulo 28:10

Po inko zyosi izya muchisu ichapasi bakwiza pakuzimanya ukuti u Mwene u Chala winyu abasalite ukuti mubanje mwe bantu abache na bache, sona bakwiza pakubanyila.

Aba Hebeli 13:5

Amoyo ghinyu ghatakabanje ghakughana indalama, mwikutaye na vivyo muli navyo. U Chala akati, “Ntakwiza pakubaleka. Ntakwiza pakubataghapo nalumo.”

Ubuvumbuli 21:3

Nkivwa izyu ilya pamwanya likuchibuzya ichitengo icha bumwene likuti, “Losi ulu akaya aka Chala kali pakasi pabantu! Akwiza pakwikala pakasi papabo, sona abene bakwiza pakuba bantu bache. U Chala akwiza pakuba nabo, sona akwiza pakuba we Chala wabo.

1 Samuweli 12:22

U Mwene atakwiza pakubakana abantu bache, ukuti lumo itabwa lyache ikulu lingasamuliwa, pakuti chikamuhobosya u Mwene pakubapela amwe ukuti mubanje mwe bache na bache.