Yelemiya 14:7 - IBAYIBOLO 2024

⁷ Abantu bakuti, “Napapo imbibi zyitu zikutubikila ubwakaboni, wee Mwene, bombapo zimo pachifukwa icha itabwa lyako. Pakuti twakukana, sona twakunangila akabalilo kosi.

Yelemiya 14:7 Iomraidhean Croise

Ezila 9:15

Wee Mwene, u Chala uwa Izilayeli, we mugholusu. Watwitikizya ukuti ilelo tusyale bumi. Ennya tuli pamaso papako aswe twe bantu ababibi, napapo nayumoyumo pakasi papitu angimilila pamaso papako.”

Masalimo 115:1

Wee Mwene, te sweswe awe, loli itabwa lyako lichindikiwanje, pachifukwa ichakuti ulughano nu busubiliwa vyako.

Masalimo 25:11

Wee Mwene pachifukwa icha wewe, uhobokelaye imbibi napapo nkulu.

Masalimo 79:9

Wee Chala Umupoki witu twavwe, pachifukwa icha itabwa lyako ichindamu. Tupoke sona utuhobokelaye imbibi zyitu, pachifukwa icha itabwa lyako.

Yesaya 48:11

Pachifukwa icha nemwene, pachifukwa icha ane, nkwiza pakubomba zinizi. Nkimba ningitikizya bulibuli ukuti itabwa lyane linyaziwanje? Ntakwiza pakubapa ubuchindamu bwane abanji.

Yesaya 59:12

Pakuti ububibi bwitu bwinji nkani pamaso ghako sona imbibi zyitu zikutusimikizizya aswe. Ububibi bwitu buchili buli naswe akabalilo kosi, sona tubumenye ububibi bwitu,

Yelemiya 10:19

Chighune nkani kukwane pachifukwa chakuvulala kwane ichilonda chane chitakupola! Loli nkanena ne mwene nkati, “Ubu bo bubine bwane, imbaghiye pakujimba.”

Yelemiya 2:19

Ukwiza pakufundiwa nu bubibi bwako, pakuti wankana, nkwiza pakukupa inongwa. Winong'one nkani ububibi nu bubavu ubwa kundeka ane ne Mwene u Chala wako, sona winong'one nizya kusita ukunyila.” U Mwene Uwamaka Ghosi anena.

Yelemiya 3:25

Zagha tulambalale pasi bo tuli nisoni, sona ukwisamula kwitu kutuvwinke. Pakuti twamunangila u Mwene u Chala witu, aswe poka na banyenya bitu, ukwandila ko kubulumendo bwitu mupaka nilelo, sona twapotwa pakumwivwila u Mwene u Chala witu.”

Yelemiya 3:6

Mubulaghili ubwa mwene u Yosiya, u Mwene akambuzya akati, “Nkimba wazyennya zizyo u Izilayeli umusita kusubiliwa yula azibomba? Ankana pakukwela pighamba pamwanya sona na muntende mumakwi mulamula, abomba ubwamalaya.

Yelemiya 5:25

Loli ububibi bwinyu bo bubo bwavikanizya vyosi vinivi, imbibi zyinyu zyabukanizya ubwiza ukuti buleke pakubizila.

Yelemiya 5:6

Polelo inkalamu iya mumusitu yikwiza pakubaghogha, sona abakambwe aba munkolongo bakwiza pakubanangannya. Uzyela akwiza pakubavwamilila papipi nutwaya twabo utukulu. Akwiza pakubazepulannya mutupusa umuntu wesi yuyo akufumila kuzi, pakuti ukusambuka kwabo kukulu nkani, sona bate basubiliwa.

Yelemiya 8:14

Abantu bakuti, “Nkimba choni chicho twikaye pano? Bungana poka! Zagha tuchimbilile ku malinga agha mutwaya utukulu nkani nukuzimila kulakula! Pakuti u Mwene u Chala witu adumula ukuti tubaghiye pakufwa, sona atung'wesya amizi agha bwanga, pakuti twamunangila.

Yelemiya 8:5

Po nkimba chifukwa choni chicho abantu banaba bapulumpa? Nkimba choni chicho u Yelusalemu akwendelela pakunyokela kwisinda? Babukakatiye ubumyasi, bakukana pakunyokako.

Ezekiyeli 20:14

Loli intakabomba ichi pachifukwa ichakubuvighilila ubuchindamu ubwa itabwa lyane ukuti litakanyaziwanje pamaso pa inko bo nkuzyefyamo mu Ijiputi.

Ezekiyeli 20:22

Loli nkilema, pachifukwa ichakubuvighilila ubuchindamu ubwa itabwa lyane ukuti litakanyaziwanje pamaso pa inko zizyo zikennya, bo nkubefyamo aba Izilayeli mu Ijiputi.

Ezekiyeli 20:9

Nkabomba bunubu pachifukwa ichakulivighilila itabwa lyane ukuti litakanyaziwanje pamaso pa inko zizyo aba Izilayeli bakikalagha pakasi papabo, zizyo zikanyennya bo nkubefya aba Izilayeli muchisu icha Ijiputi.

Hoseya 5:5

Ukwikwezya ukwa ba Izilayeli kukubasimikizya, Aba Efulayimu bope bakwipunula mumbibi zyabo. Abantu aba muchisu icha Yuda bope bakwipunula poka nabo.

Hoseya 7:10

Ukwitutumula ukwa Izilayeli kukumususya, loli atakunyokela kwa Mwene u Chala wache pamo pakumulondalonda, napapo zyosi zinizi zikumubonekela.

Amosi 7:2

Bo umakanta yula amala ivibyalwa vyosi vila, nkalila nkati, “Wee Mwene Uwamaka Ghosi, bahobokele abantu bako! Nkimba u Izilayeli angapona bulibuli? Pakuti munandi nkani!”

Mika 7:9

Pachifukwa ichakuti imunangiye u Mwene, nkwiza pakujimba kubukali bwache mupaka alonge inongwa yane nukuyidumula. Akwiza pakunyinjizya mulukozyo, po nkwiza pakubwennya ubugholosu bwache.

Aba Efeso 1:12

Ifundo yache yikaba yakuti aswe twe tukaba bakwanda pakuba nu lusubilo mwa Kilisitu, tubupale ubuchindamu bwache.

Aba Efeso 1:6

Zagha tumupale u Chala pachifukwa icha chisa chache icha buchindamu pakutupa umwana wache umughaniwa ukuti abanje chabupi bulo.

Ukukumbusya Amalamulo 32:27

Loli ntakalonda ukuti abalwani babo bituvyanje, ntakalonda ukuti abalwani babo banenaye ukuti, ‘Aswe twabapota abantu bache,’ Pakuti ane ne Mwene ne nabomba zyosi zinizi.”

Yoshwa 7:9

Pakuti aba Kenani, na bantu bosi aba muchisu chinichi bakwiza pakwivwa zinizi, po bakwiza pakutuzyungulila nukughazimya amatabwa ghitu muchisu ichapasi. Nkimba panapa ukwiza pakubombapo choni ukuti itabwa lyako lyendelele pakuchindikiwa?”