Yelemiya 14:21 - IBAYIBOLO 2024

²¹ Pachifukwa icha itabwa lyako utakatuleke twebene, utakachisamulaye ichitengo chako icha bumwene icha buchindamu. Ukumbukaye ulufingo lwako lulo ukafingana naswe, sona utakalunangannyanje.

Yelemiya 14:21 Iomraidhean Croise

Masalimo 106:40

Polelo u Mwene akabakalalila abantu bache, sona akachisulannya ichilingo chache.

Masalimo 106:45

Pachifukwa icha bantu bache, akalukumbuka ulufingo lwache, umwakuti akisya ubukali bwache pachifukwa icha lughano lwache ulukulu nkani.

Masalimo 145:11

Bakwiza pakunena nizya buchindamu nu bumwene bwako, sona nizyamaka ghako,

Masalimo 25:11

Wee Mwene pachifukwa icha wewe, uhobokelaye imbibi napapo nkulu.

Masalimo 51:11

Utakanchimbizye pamaso papako pamo ukunyefyezya Umuzimu wako Umuzelu.

Ukufuma 32:13

Kumbuka ukuti ukalapa ku mubombi wako u Abulahamu nu Yisaki nu Izilayeli ukuti, ‘Nkwiza pakubalizya abaluko lwinyu ngati zyo ntondwa, sona nkwiza pakubapa abaluko lwabo ichisu chosi chinichi ukuti chibanje chabo ni chabo bwila na bwila.’ ”

Yesaya 62:6

Wee Yelusalemu nabika abalindilili pa malinga ghako, batakwiza pakuba myee pamusanya na pabusiku. Amwe mwe mukumwiputa u Mwene mutakatuzyanje,

Yelemiya 14:19

Abantu bakuti, “Nkimba wabakanila zila abantu aba muchisu icha Yuda? Nkimba ukubasamula abantu aba mu Ziyoni? Fwandi choni chicho watuvulazya umwakuti tukupotwa nukupola? Twaghulindililagha umutende loli butalipo nu bwiza nabumobumo. Twalondagha pakupola loli bogha bwene.

Yelemiya 14:7

Abantu bakuti, “Napapo imbibi zyitu zikutubikila ubwakaboni, wee Mwene, bombapo zimo pachifukwa icha itabwa lyako. Pakuti twakukana, sona twakunangila akabalilo kosi.

Yelemiya 17:12

Inyumba yitu iyakumwiputilamo u Chala, yili ngati chitengo icha bumwene ubuchindamu ukufuma pabwandilo.

Yelemiya 3:17

Pakabalilo kalakala u Yelusalemu akwiza pakwitiziwa pakuba Chitengo icha Mwene, sona inko zyosi zikwiza pakubungana mu Yelusalemu nukulichindika itabwa ilya Mwene. Batakwiza pakuba sona na moyo amabibi.

Nkuto 1:10

Umulwani akamufyula ubukabi bwache bosi, sona akazyennya inko izinji zikwinjila mubuzilo bwache ubuzelu, bubo ukazikanizya ukuti batakinjilemo.

Nkuto 2:20

Wee Mwene, ennya sona winong'onayepo zimo. “Nkimba wewenu umubombeyepo lumo bunubu? Fwandi abakolo balyanje abana babo, abana babo babasungagha bene? Nkimba abaputi na balaghuzi, baghogheliwanje Mubuzilo Ubuzelu ubwa Mwene?

Ezekiyeli 20:22

Loli nkilema, pachifukwa ichakubuvighilila ubuchindamu ubwa itabwa lyane ukuti litakanyaziwanje pamaso pa inko zizyo zikennya, bo nkubefyamo aba Izilayeli mu Ijiputi.

Ezekiyeli 24:21

‘Babuzye aba Izilayeli ukuti u Mwene Uwamaka Ghosi ati: Indi papipi pakubunyazya ubuzilo bwane ubuzelu bubo mukwituvikizyapo, ukuhoboka ukwa maso ghinyu, na chicho mukubikilapo umoyo. Po abana binyu abalumendo na balindu babo mukabaleka kwisinda mu Yelusalemu bakwiza pakufwila kubwite.

Ezekiyeli 39:25

“Polelo u Mwene Uwamaka Ghosi akuti: Nkwiza pakumunyosezya ubwiza u Yakobo sona nkwiza pakuba ni chililizi pabantu bosi aba mu Izilayeli, nkwiza pakuba nubuzuba nitabwa lyane izelu.

Ezekiyeli 43:7

Akati, “Wee mwana uwa muntu, ubu bo buzilo bwane ubwa chitengo chane icha bumwene sona ubuzilo ubwa nyayo zyane. Uku ko kuko nkwiza pakwikala pakasi paba Izilayeli bwila na bwila. Aba Izilayeli batakwiza pakulinyazya sona itabwa lyane izelu pamo abamwene babo, babo bakwiputa ku bachala abanji pamo pakubika imivimba iya bamwene babo pabuzilo ubwa kwiputilapo.

Daniyeli 9:7

“Wee Mwene, awe we mugholosu, loli ilelo tuli ni soni nkani. Abantu babo bakwikala muchisu icha Yuda, ni icha Yelusalemu sona na mu Izilayeli mosi, bosi aba papipi naba kubutali, sona na kuvyisu vyosi kuko ubanyapanizizye, pachifukwa ichakuti tute basubiliwa kukwako.

Aba Levi 26:11

Nkwiza pakwikala muchisakasa chane ichipaghuliwa pakasi papinyu. Ane ntakwiza pakubasula nalumolumo.

Amosi 6:8

U Mwene u Chala Uwamaka Ghosi alapila mwitabwa lyache akuti, “Ingabengite amituvyo agha Izilayeli, ghope amalinga ghabo ingabengite. Nkwiza pakukapoka akaya akakulu nkani, poka ni vintu vivyo vili mulamula.”

Luka 1:72

Akanena ukuti akwiza pakubapelela ichisa abanyenya bitu nukukumbuka ulufingo lwache uluzelu.

Luka 21:24

Bamo bakwiza pakughoghiwa kubwite, abanji bakwiza pakusendiwa ngati bo bakayidi pakubuka nabo muvyisu ivinji. Po abantu babo bate ba Yuda bakwiza pakumukanyankila u Yelusalemu mupaka akabalilo akabumalilo bwabo kakwane.

Aba Efeso 2:7

umwakuti angatulanjizya ichisa chache ichikulu nkani pakabalilo kako kakwiza pakwendela mwa Kilisitu u Yesu.

Ukukumbusya Amalamulo 32:19

Bo u Mwene azyennya zinizi, akabakana abantu bache. Akabakana abana bache abalumendo na balindu, pachifukwa ichakuti bakamukalalizya.

Ubuvumbuli 11:2

Loli utakapime intanda, pachifukwa ichakuti zipeghiwe ku bantu abakuzi babo bakwiza pakukakanyannya Akaya Akakulu nkani Akazelu amezi 42.

1 Samuweli 12:22

U Mwene atakwiza pakubakana abantu bache, ukuti lumo itabwa lyache ikulu lingasamuliwa, pakuti chikamuhobosya u Mwene pakubapela amwe ukuti mubanje mwe bache na bache.