Yelemiya 13:27 - IBAYIBOLO 2024

²⁷ Nabwennya ubunyazu bwako, ubwamalaya bwako, ni chinyonywa chako! Navyennya ivyakubombiwa vyako ivinyazu, ivyakubombiwa pamaghamba sona namumaghunda. Wee Yelusalemu! Chighune kukwako. Nkimba ukwiza pakuswefiwa liyi?”

Yelemiya 13:27 Iomraidhean Croise

Hoseya 8:5

Mwee bantu aba mu Samaliya, vitaghe ivifwani vyinyu ivya ngwata! Ubukali bwane bukwaka papabo. Nkimba pakwiza pakwendapo kabalilo koni, ukuti abantu banaba biswefye?

Ezekiyeli 24:13

“ ‘Po ilelo ivinyonywa vyako ko kwinyazya kwako. Pachifukwa ichakuti nayezya nkani pakukuswefya loli utaswepite kubunyazu bwako, mupaka ubukali bwane bukuwile.

Ezekiyeli 6:13

Po bakwiza pakumanya ukuti ane ne Mwene, bo abantu babo baghoghiwe pakasi pavifwani vyabo umwakuzyungulila ivighemo vyabo, pamwanya patughamba tosi sona na pamwanya pamaghamba ghosi, na muntende mwikwi, nikwi ilya mupandapanda lilyo lilembite, sona na pabuzilo bubo bakufukizizyapo utwakununkila ku vifwani vyabo vyosi.

Yesaya 65:7

pachifukwa icha mbibi zyabo ni mbibi izya banyenya babo.” U Mwene anena. “Pakuti abene bakocha ivyakwiyipa patughamba nukunyazya ane patughamba, nkwiza pakubatanizya, pachifukwa icha mbombo zizyo bakabombagha.”

Hoseya 4:2

Muli bulo inguno nu bumyasi nukughoghana, nu bwiba, sona nu bwamalaya. Ukubomba imbibi kwafika pabwenecho, sona abantu bakughoghana kabilikabili.

Ezekiyeli 36:37

“U Mwene Uwamaka Ghosi akuti: Chicho nkwiza pakubamula sona aba Izilayeli bo bali pakulaba kukwane ukuti imbabombele chakuti, imbabalizye babe ngati mudimo uwa ng'ozi,

Ivyili 1:22

“Mwee bapunganu, nkimba mukwiza pakuba mwe bapunganu mupaka liyi?” Mwee balobezyo, nkimba mukwiza pakuhoboka nu lobezyo lwinyu mupaka liyi sona mwee bapunganu, nkimba mukwiza pakughabenga amahala mupaka liyi?

Ubuvumbuli 8:13

Bo nkwenelezya, nkalyennya izwanga likubuluka mumwanya nukukolomoka nizyu ilya pamwanya ukuti, “Chighune mwee! Chighune mwee! Ichighune ichikulu nkani chikwiza pakubawila abantu babo bakwikala pachisu ichapasi, bo abantumi aba bumalilo batatu bakulizya amapati ghabo!”

Yakobo 4:4

Mwe bantu mwe mute mwe basubiliwa mwee! Nkimba mutazimenye ukuti pakuba bamanyani aba chisu ichapasi, mukwipela mwebene pakuba balwani aba Chala? Abantu babo bakulonda pakuba bamanyani aba muchisu ichapasi bakwipela bene pakuba balwani aba Chala.

2 Aba Kolinti 12:21

Nkunyila ukuti bo niza sona kukwinyu u Chala wane akwiza pakunkozya isoni pantazi papinyu, po nkwiza pakubalilila abantu abinji babo bakananga kale, loli batakapinduka nukuzileka imbibi zyabo, ni vinyonywa vyabo, sona nu bwamalaya bwabo bubo babombagha.

2 Aba Kolinti 7:1

Mwee bamanyani bane abaghaniwa, pakuti twaba na malayizyo ghosi ghanagha, zagha twisuke twebene ku vintu vyosi vivyo vikunyazya umubili pamo amoyo ghitu, nukwipela twebene pakuba bantu abazelu, sona nukuba bantu abakumunyila u Chala.

Matayi 11:21

“Chighune kukwako Kolazini! Chighune kukwako Betisayida! Nanti ivyika vivyo vibombiwe mumwinyu, vyabombiwe mutwaya utwa Tile nu Sidoni, ngali abantu mulamula bavwalite kale amasaka nukwikupulila itoyi mumubili ukulanjizya ukuti naloli bapinduka nukuzileka imbibi zyabo!

Zefaniya 3:1

Chighune kukaya akakulu nkani, akasambuke na kanyazu, kako kakubayivya abantu bache!

Hoseya 1:2

Bo u Mwene anda pakunenela mwa Hoseya akati, “Usende umalaya pakuba muchi wako, sona mupape nawe abana. Bope bakwiza pakuba bamalaya pachifukwa ichakuti ichisu chabomba ubwamalaya ubukulu nkani pakumupa u Mwene inkonto.”

Ezekiyeli 36:25

Nkwiza pakubanyafila amizi amiza, po mukwiza pakuswepa, nkwiza pakubaswefya ubunyazu bosi ubwa vifwani vyinyu vyosi.

Ezekiyeli 24:6

“ ‘U Mwene Uwamaka Ghosi akuti: Chighune kukaya akakulu nkani, kako kakukupula ibanda, kali ngati sonta yiyo yili nuluzima, lulo lutakuziwe! Usendemo ichipuza ni chipuza, sona utakasalaye.

Ezekiyeli 20:28

Bo nabinjizya muchisu chicho nkafingana nabo pakubapa sona bo bennya akaghamba pamo ikwi ilyakulemba amani, palapala bakabika ivyakwiyipa vyabo sona ni vyabupi vivyo vikankalalizya, nukubika ichakwiyipa icha utwakununkila poka ni chakwiyipa icha vinyo.

Ezekiyeli 2:10

lilyo akalizungulula pamaso papane. Imbazu zyosi zibili zikasimbiwa amazyu agha nkuto, nagha kufwifwitila sona nagha nguno.

Yesaya 57:7

Mukubika ivitala vyinyu pamwanya pighamba, palapala mukubika ivyakwiyipa.

Masalimo 94:4

Bakwituvya, sona ababomba mbibi bakwikwezya.

Yelemiya 3:6

Mubulaghili ubwa mwene u Yosiya, u Mwene akambuzya akati, “Nkimba wazyennya zizyo u Izilayeli umusita kusubiliwa yula azibomba? Ankana pakukwela pighamba pamwanya sona na muntende mumakwi mulamula, abomba ubwamalaya.

Masalimo 94:8

Ivwa kuno mwebapunganu amwe sona mwe basita mahala mwee! Nkimba mukwiza pakuba na mahala liyi?

Yelemiya 11:15

Nkimba abantu bane abaghaniwa biza pakubomba choni munyumba yane? Nkimba te mwemwe mwabomba ivintu ivibibi nkani? Fwandi inyama yinyu impaghuliwa yingefyapo ulufundo lwinyu? Bo mukubomba imbibi, po mukusekela.”

Ezekiyeli 16:23

U Mwene akambuzya akati, “U Mwene Uwamaka Ghosi akuti, ‘Wee Yelusalemu, chighune! Chighune kukwako! Pachifukwa icha konjelezya ububibi pabubibi,

Ezekiyeli 24:12

Napapo ungayezya pakulusuka, uluzima lwache lukafu nkani pakwepa, loli umoto wene ghungalwefya.