Yelemiya 13:25 - IBAYIBOLO 2024

²⁵ Ichi cho chigaba chinyu chicho imbagabiye, pachifukwa ichakuti munduvizye, nukubasubila abachala abazimbuli. Ane ne Mwene nanena.

Yelemiya 13:25 Iomraidhean Croise

Yobu 20:29

Ubu bo bumalilo ubwa muntu umubibi, bubo u Chala amusungiye, umuvwalo ghugho u Chala akalamula ukuti umuntu yula akwiza pakupokela.”

Masalimo 11:6

Pabantu ababibi akwiza pakubawisizya amazimwa nu sulufule uwakwaka, po impepo iyakocha yikwiza pakuba gho muvwalo wabo.

Masalimo 9:17

Ababibi bakwiza pakubuka kuchisu icha bafwe, kokuti inko izya bantu bosi babo bamuluvyizye u Chala.

Yesaya 17:4

“Pisiku lilalila ubuchindamu ubwa Izilayeli bukwiza pakumala, po umubili wache uwakwina ghukwiza pakughanda.

Yesaya 28:15

Mukwituvya mukuti, “Aswe twafinga ulufingo nubufwe, sona twivwana nipumpa, Bo ulufundo ulwakoghofya lukwenda, lutakatupalamasyanje, pakuti twabupela umbumyasi pakuba chakuponelamo, sona bope ubuzimbuli pakuba chakuvwamilamo.”

Yesaya 34:17

We Mwene yuyo alonda pakugaba ichisu, ninyobe yache akugaba nulukusa ulwakupimila. Chikwiza pakuba chabo bwila na bwila, sona bakwiza pakwikala mulamula inkulilo ni nkulilo.

Yesaya 65:7

pachifukwa icha mbibi zyabo ni mbibi izya banyenya babo.” U Mwene anena. “Pakuti abene bakocha ivyakwiyipa patughamba nukunyazya ane patughamba, nkwiza pakubatanizya, pachifukwa icha mbombo zizyo bakabombagha.”

Yelemiya 10:14

Umuntu wesi mupunganu, sona ate na mahala naghamoghamo, umusyani wesi uwa golide akukoziwa isoni ni vifwani vyache vivyo apanga. Ivifwani vyache vyabumyasi, vite nubumi nabumobumo.

Yelemiya 18:15

Loli pope bulo abantu bane banduvizye, bakochela utwakufukizya ku bachala babo bate nimbombo nayimoyimo, bakwipunula muzila zyabo izyakale. Bakwenda mutuzila utwa mwisote, na mumisebo yiyo yitalimiwepo nalumolumo.

Yelemiya 2:13

“Abantu bane babomba imbibi zibili: Bandeka ane ne mbwibwi iya mizi aghakupa ubumi, bikumbiye bene iviziba ivyabo ni vyabo, iviziba vivyo vili nividobozwi vitangasunga amizi.

Yelemiya 2:32

Nkimba u mulindu angaluvya ivyakwibonesekezya akiza, pamo u mulindu yuyo akusendwa nkimba angaluvya ivyakuvwala vyache ivya pasendwa? Loli pope bulo abantu bane banduvizye, amasiku ghagho ghatangabelengiwa.

Yelemiya 3:21

Ichongo chikwivwika pamwanya pamaghamba, aba Izilayeli bakulila nukulaba ichisa, pachifukwa icha mbibi zyabo, sona bamuluvizye u Mwene u Chala wabo.

Ezekiyeli 23:35

“U Mwene Uwamaka Ghosi akuti: Pakuti wanduvya nukumbika kwisinda kwako, ubaghiye pakufundiwa pachifukwa icha chinyonywa chako nubwamalaya.”

Mika 3:11

Abalongozi bache bakulonga pachifukwa icha mabeko, abaputi bache bakumanyisya pachifukwa icha malipilo, sona abalaghuzi bakulaghula pachifukwa icha ndalama. Loli pope bulo beghamiye kwa Mwene nukuti, “Nkimba u Mwene ate pakasi papitu? Chitalipo ichiwaya chicho chingatuwila.”

Zefaniya 3:2

Katakumwivwila nayumoyumo, sona katakwitika ukuchemeliwa. Katakumusubila u Mwene, katakupalamila kwa Chala wache.

Matayi 24:51

U mwene yula akwiza pakumudumulannya nukumusumbila mubuzilo bubo abazimbuli bakusungiwa. Mulamula bakwiza pakulila nukusyeketula amino ghache.

Aba Loma 1:25

Bakutanana ubwanaloli ubwa Chala nu bumyasi. Bakuvyiputa nukuvibombela ivipeliwa mubuzilo ubwa Chala, Umupeli umwenecho apaliwanje bwila na bwila! Ameni.