Yelemiya 13:19 - IBAYIBOLO 2024

¹⁹ Utwaya utukulu utwa kuntende tukwiza pakwighaliliwa, sona atakwiza pakubapo nayumoyumo uwakutwighula. Abantu bosi aba mu Yuda basendiwa pakuba bazya, wesi asendiwa pakuba muzya.

Yelemiya 13:19 Iomraidhean Croise

2 Abamwene 25:21

U mwene akabaghoghela mu Libila muchigaba icha Hamati. Po abantu aba mu Yuda bakalemiwa pakuba bakayidi kubutali nkani ni chisu chabo.

1 Imbili 9:1

Aba Izilayeli bosi bakasimbiwa mwibuku ilya Mbili iya bamwene aba ba Izilayeli ukuyana na kapapiliwe kabo. Abantu aba mu Yuda bakalemiwa pakuba bazya muchisu icha Babiloni, pachifukwa ichakuti batakaba basubiliwa.

Yobu 12:14

Nanti achimongolannya ichintu, atalipo nayumoyumo umuntu angachizenga sona. Nanti amwighalila umuntu mujele, umuntu yulayula atangasatuliwa nalumolumo.

Yelemiya 17:26

Abantu aba mutwaya utukulu utwa Yuda naba mutwaya utwa kuzyungulila u Yelusalemu, naba muchigaba icha Benjamini bakwiza pakwiza nakutughamba utwakubwinjililo bwizuba, naku Negebu, bo bakwiza ni vyabupi sona ni vyakwiyipa ivya kocha, ni vyakwiyipa ivya busu nu twakununkila sona ni vyakwiyipa ivyakupalizikizya ku Nyumba iya Mwene.

Yelemiya 20:4

Pakuti u Mwene akuti, ‘Nkwiza pakukupela pakuba we muntu uwakoghofya ku wemwene sona na kubamanyani bako, na maso aghako na ghako ukwiza pakubennya bosi bakughoghiwa nupanga uwa balwani babo. Abantu bosi aba mu Yuda bakwiza pakuba pasi pabulaghili ubwa mwene uwa ichisu icha Babiloni, akwiza pakubasenda bamo pakuba bazya sona akwiza pakubaghogha bamo.

Yelemiya 24:1

Bo u Yehoyakini umwana uwa Yehoyakimu u mwene uwa Yuda na makambala na bafundi, na babizi aba mu Yuda basendiwa pakubuka kubuzya ukufuma mu Yelusalemu nu mwene u Nebukadineza uwamu Babiloni, u Mwene akandanjizya ividudunga vibili ivya vikomwa ivya makuyu vivyo vikabikiwa kuntazi ukwa Nyumba iya Mwene.

Yelemiya 28:4

Ane nene nkwiza pakumunyosezya sona u Yehoyakini, umwana uwa Yehoyakimu u mwene uwamu Yuda sona na bazya bosi aba mu Yuda babo bakabuka nabo ku Babiloni pakuti nkwiza pakulipyolannya ikoli ilya mwene uwamu Babiloni.’ ”

Yelemiya 32:44

Abantu bakwiza pakughula amaghunda ni ndalama. Abakalata aba lufingo bakwiza pakusimbiwa nukwighaliliwa pamaso pa bakaboni, muchigaba icha Benjamini, mutwaya tuto tuzyunguliliwe nakaya akakulu nkani aka Yelusalemu, mutwaya utukulu utwa mu Yuda nutwaya utukulu utwa mutughamba nutughamba utwa kubufumilo bwizuba utwa Negebu, pakuti nkwiza pakubanyosekezya ubukabi bwabo. Ane ne Mwene nanena.”

Yelemiya 33:13

Mutwaya utukulu utwa mutughamba, kubwinjililo ubwa muntende ubwa tughamba sona na ku Negebu, kuchigaba chosi icha Benjamini, mutwaya utwakuzyungulila u Yelusalemu sona na mutwaya utukulu utwa Yuda, ing'ozi zikwiza pakwenda pamaso pabantu abakuzibelenga.

Yelemiya 39:9

U Nebuzaladani umulongozi uwa balindilili akabasendela kubuzya ku Babiloni abantu babo bakasyalikila mukaya akakulu nkani, poka na bantu babo bakachimbilila kukwache, sona na bantu abanji.

Yelemiya 52:27

U mwene akabaghoghela mu Libila muchigaba icha Hamati. Po abantu aba mu Yuda bakalemiwa pakuba bakayidi kubutali nkani ni chisu chabo.

Yelemiya 52:28

U bwinji ubwa ba Yuda babo u Nebukadineza akabasendela kubuzya mumwaka uwaseveni bukaba 3,023.

Yelemiya 52:30

Mumwaka uwa 23 mubulaghili ubwa Nebukadineza, u Nebuzaladani usongo uwa balindilili abamwene yula akabasendela kubuzya aba Yuda 745. Bosi poka babo bakasendeliwa kubuzya bakabapo 4,600.

Nkuto 1:3

Abantu aba mu Yuda basendiwa pakubuka kuchisu icha buzya, kuko bali mumayimba pachifukwa icha mbombo inkafu. Bakwikala pakasi pa inko izinji, sona batakutuzyapo nalumolumo. Bosi babo bakubachimbizya babalema nukubabika mumayimba nkani.

Zekaliya 7:7

Nkimba te mazyu ghagho u Mwene akalumbilila ukwendela mubalaghuzi abavula intazi bala, bo akaya aka Yelusalemu poka nutwaya utukulu tuto tukazyunguliye tuli pamutende sona, kuchigaba icha kuntende sona na mumaghamba, kuko bakikalagha?’ ”

Ukukumbusya Amalamulo 28:15

Loli nanti mutakumwivwila u Mwene u Chala winyu, sona nanti mutakughakonka amalamulo ni ndaghilo zizyo nkubapa ilelo, ivighune vyosi vinivi vikwiza pakubawila.

Ukukumbusya Amalamulo 28:52

Bakwiza pakutuzyungulila utwaya twinyu tosi utukulu nkani muchisu chinyu mupaka amalinga amatalitali ghinyu ghagho mukughasubila ghamongoke ghosi. Bakwiza pakutuzyungulila utwaya twinyu tosi utukulu nkani muchisu chicho u Mwene u Chala winyu akubapa.

Yoshwa 18:5

Bachigabe ichisu chila muvigaba seveni. Abaluko ulwa Yuda bikalaye muchigaba chabo icha kuntende, sona bope abaluko ulwa Yosefu bikalaye muchigaba chabo icha kumitu.